കിച്ചണ്‍ സിങ്കിലെ ബ്ലോക്കു മാറ്റാം

ചൂടുവെള്ളം തിളച്ച് സിങ്കിലേക്ക് കുത്തനെ ഒഴിക്കുകയെന്നതാണ് ഒരു മാര്‍ഗം. ചെറിയ ബ്ലോക്കുകള്‍ നീക്കാന്‍ ഇത് സഹായിക്കും.

ചൂടുവെള്ളവും ബേക്കിംഗ് സോഡയും ചേര്‍ത്തും സിങ്കിലൊഴിക്കാം. ഒരു കപ്പ് ബേക്കിംഗ് സോഡയില്‍ മൂന്നു കപ്പ് ചൂടുവെള്ളം ചേര്‍ത്ത് സിങ്കിലേക്ക് ശക്തിയായി ഒഴിയ്ക്കുക. ഇത് ബ്ലോക്ക് നീക്കും.

ഒരു കപ്പ് ബേക്കിംഗ് സോഡ സിങ്കിലേക്കിട്ട് ഇതിലേക്ക് ഒരു കപ്പ് സിഡാര്‍ വിനെഗറോ സാധാരണ വിനെഗറോ ഒഴിക്കുക. അല്‍പസമയം ഇതിലേക്കു വെള്ളമൊഴിക്കരുത്. കുറച്ചു കഴിഞ്ഞ് ചൂടുവെള്ളമോ സാധാരണ വെള്ളമോ ഇതിലേക്ക് ഒഴിയ്ക്കാം. തടസം മാറിക്കിട്ടും.

സിങ്കിലെ തടസം മാറ്റാന്‍ പ്ലംഗറും ഉപയോഗിക്കാം. സിങ്കിനുള്ളിലേക്ക് ശക്തിയായി വായു പമ്പു ചെയ്യുന്ന രീതിയാണിത്.

കിച്ചണ്‍ സിങ്കിലെ തടസങ്ങള്‍ മാറ്റാന്‍ സഹായിക്കുന്ന കെമിക്കലുകള്‍ ലഭിക്കും. ഇവ ഉപയോഗിക്കും മുന്‍പ് നിര്‍ദേശങ്ങള്‍ വായിച്ചു നോക്കേണ്ടത് അത്യാവശ്യമാണ്. അല്ലെങ്കില്‍ ചിലപ്പോള്‍ ഇത് സിങ്കിനെ കേടുവരുത്താനും ഇടവരുത്തും.