ലാപ്‌ടോപ്പ് എളുപ്പം വൃത്തിയാക്കാം.

Improvement

oi-Saritha

By Veena

Published: Monday, March 5, 2012, 13:00 [IST]

ലാപ്‌ടോപ്പ് പലരുടേയും ജീവിതത്തിന്റെ തന്നെ ഭാഗമാണെന്നു വേണമെങ്കില്‍ പറയാം. ദിവസവും ഉപയോഗിച്ചാലും ഇത് പൊടി പിടിക്കുവാന്‍ സാധ്യതയുണ്ട്. പെട്ടെന്ന് പോറലേല്‍ക്കുന്ന സ്‌ക്രീനായതു കൊണ്ട് വൃത്തിയാക്കുമ്പോഴും പ്രത്യേക ശ്രദ്ധ വേണം.

ലാപ്‌ടോപ്പ് വൃത്തിയാക്കുവാന്‍ ആദ്യം വേണ്ടത് അതിന്റെ പ്ലഗുകള്‍ വിടുവിച്ചിടുക എന്നതാണ്. പിന്നീട് ലാപ്‌ടോപ്പ് ഓഫാക്കണം.

ലാപ്‌ടോപ്പിലെ പൊടി ആദ്യം ഉണങ്ങിയ തുണി കൊണ്ടോ ബ്രഷ് കൊണ്ടോ തട്ടിക്കളയാം.

സ്‌ക്രീന്‍ വൃത്തിയാക്കുവാന്‍ വെള്ളത്തില്‍ മുക്കി പിഴിഞ്ഞ തുണി ഉപയോഗിക്കാം. മറ്റു ലായനികള്‍ വൃത്തിയാക്കാന്‍ ഉപയോഗിക്കാതിരിക്കുകയാണ് നല്ലത്. മൃദുവായ കോട്ടന്‍ തുണി വേണം ഉപയോഗിക്കാന്‍. ഒരിക്കലും വെള്ളമോ മറ്റു ലായനികളോ സ്‌ക്രീനിലേക്കു നേരിട്ട് സ്േ്രപ ചെയ്യരുത്. ടിഷ്യൂ പേപ്പറുകള്‍ ഉപയോഗിക്കുകയാണെങ്കില്‍ വളരെ മൃദുലമായവ മാത്രം ഉപയോഗിക്കണം.

കീ ബോര്‍ഡിനിടയിലെ പൊടി തട്ടിക്കളയാന്‍ മൃദുവായ ടൂത്ത് ബ്രഷ് ഉപയോഗിക്കാം. കമ്പ്യൂട്ടര്‍ വാക്വം ഉപയോഗിക്കുമെങ്കിലും ഇത് ലാപ്‌ടോപ്പിലെ ഇലക്ട്രോണിക് ഭാഗങ്ങളെ കേടു വരുത്തുമെന്നും പറയും.

കീബോര്‍ഡില്‍ വല്ലാതെ അഴുക്കായിട്ടുണ്ടെങ്കില്‍ തുണി ഏതെങ്കിലും ലായനിയില്‍ മുക്കി ഉപയോഗിക്കാം. ഇങ്ങനെ ചെയ്യുന്നതിന് മുന്‍പ് ലാപ്‌ടോപ്പ് മാന്വല്‍ വായിച്ചുനോക്കേണ്ടത് അത്യാവശ്യമാണ്.

പൂര്‍ണമായും ഉണങ്ങിയ ശേഷമെ ലാപ്‌ടോപ്പ് വീണ്ടും ഓണാക്കാന്‍ പാടുള്ളൂ.