ഏപ്രണ്‍ എളുപ്പം വൃത്തിയാക്കാം

ചൂടുവെള്ളത്തില്‍ കഴുകാന്‍ സാധിക്കുന്ന തുണിയാണെങ്കില്‍ ഏപ്രണ്‍ ചൂടുവെള്ളത്തില്‍ സോപ്പുപൊടിയിട്ട് അതില്‍ മുക്കി വയ്ക്കാം. അരമണിക്കൂര്‍ കഴിഞ്ഞ് കഴുകാം.

കറയുണ്ടെങ്കില്‍ ഇവ കളയാന്‍ അമോണിയ ഉപയോഗിക്കാം. മൂന്നുസ്പൂണ്‍ അമോണിയ അര ബക്കറ്റ് വെള്ളത്തില്‍ കലക്കി ഏപ്രണ്‍ മുക്കി വയ്ക്കുക. പിന്നീട് ബ്രഷ് ഉപയോഗിച്ച് ഇത് കഴുകാം.

എണ്ണമയമുള്ള കറകള്‍ മാറ്റാന്‍ ലിക്വിഡുകള്‍ വെള്ളത്തില്‍ ചേര്‍ത്ത് മുക്കി വച്ച ശേഷം പിന്നീട് കഴുകാം.

വെളുത്തുള്ളിയുടേയും ഉള്ളിയുടേയും മണം പോകാന്‍ ഏപ്രണ്‍ ഹൈഡ്രജന്‍ പെറോക്‌സൈഡ് കലര്‍ന്ന വെള്ളത്തില്‍ കലക്കി വയ്ക്കാം. ഇത് പിന്നീട് വെള്ളത്തില്‍ കഴുകിയെടുക്കുക. സുഗന്ധമുണ്ടാകും.

ഏപ്രണിലെ കറ കളയാന്‍ പാലും ഉപയോഗിക്കാം. പാല്‍ കറയുടെ മുകളില്‍ ഒഴിച്ച് ബ്രഷ് ഉപയോഗിച്ച് കഴുകാം. ഇത് പിന്നീട് വെള്ളത്തിലും കഴുകുക.

ചെറുനാരങ്ങാനീരും ഉപ്പും കലര്‍ന്ന വെള്ളവും ഏപ്രണിലെ കറ കളയാന്‍ ഉപയോഗിക്കാം. കറയുള്ള ഭാഗത്ത് സോഡാക്കാരം കൊണ്ട് ഉരസുന്നതും നല്ലതാണ്.