ടിവിയിലെ പോറല്‍ മാറ്റാന്‍ ടൂത്ത് പേസ്റ്റ്

മൃദുലമായ ഒരു കോട്ടന്‍ തുണി ഐസോപ്രൊപൈല്‍ ആല്‍ക്കഹോളില്‍ മുക്കിയ ശേഷം അതില്‍ പെട്രോളിയം ജെല്ലി പുരട്ടുക. ഇതുകൊണ്ട് പോറല്‍ വീണ ഭാഗത്ത് തേച്ചാല്‍ പോറല്‍ പുറത്തു കാണാതിരിക്കും.

ദിവസവും പെട്രോളിയം ജെല്ലി ഒരു പഞ്ഞിയിലെടുത്ത് പോറലിന്റെ മുകളില്‍ പതുക്കെ ഉരസുക. പോറല്‍ മറയ്ക്കാനുള്ള നല്ലൊരു മാര്‍ഗമാണിത്.

പെന്‍സില്‍ ഇറേസറുകള്‍ ചെറിയ പോറല്‍ മാറ്റാന്‍ ഉപയോഗിക്കാം. പോറലുള്ളിടത്ത് ഇതു കൊണ്ട് പതുക്കെ മായ്ച്ചു നോക്കുക. വല്ലാതെ അമര്‍ത്തരുത്. ഇത് വേറെ പാടുകളും പോറലുകളും വീഴാന്‍ ഇടയാക്കും.

വിരല്‍ത്തുമ്പില്‍ അല്‍പം ടൂത്ത്‌പേസ്റ്റെടുത്ത് പോറലുള്ളിടത്ത് കുറച്ചുനേരം ഉരയ്ക്കുക. ഗുണമുണ്ടാകും.

പഞ്ഞി വെള്ളത്തില്‍ മുക്കി പോറലുള്ളിടത്ത് സ്ഥിരമായി തുടച്ചാല്‍ മാറുന്ന പോറലുകളാണെങ്കില്‍ മാഞ്ഞു പോകും.

പോറലുകള്‍ മാറ്റുന്നതിനുള്ള സ്‌ക്രാച്ച് കിറ്റുകള്‍ കടകളില്‍ ലഭ്യമാണ്. ഇവ വേണമെങ്കില്‍ വാങ്ങിയുപയോഗിക്കാം.