ഗ്ലാസിലെ ദുര്‍ഗന്ധം മാറാന്‍ ബേക്കിംഗ് സോഡ

ഗ്ലാസുകള്‍ കഴുകുവാന്‍ ചൂടുവെള്ളം നല്ലതാണ്. ഇവ അല്‍പനേരം ചൂടുവെള്ളത്തില്‍ മുക്കിവച്ച് കഴുകുക. വേണമെങ്കില്‍ വെള്ളത്തില്‍ അല്‍പം ഡിറ്റെര്‍ജന്റ് ചേര്‍ക്കാം. നാരങ്ങാഗുണമുള്ളവ ആയിരിക്കും കൂടുതല്‍ നല്ലത്.

നാരങ്ങയുടെ തൊണ്ടുകൊണ്ട് ഗ്ലാസില്‍ ഉരച്ചാലും നല്ല നിറവും മണവും ലഭിക്കും.

വൈറ്റ് വിനെഗര്‍ ചൂടാക്കി ചൂടുവെള്ളത്തിലൊഴിച്ച് ആ വെള്ളത്തില്‍ ഗ്ലാസ് മുക്കിവച്ച് കഴുകുന്നത് നല്ലതാണ്.

ഇറച്ചി, മുട്ട, മീന്‍ മണം ഗ്ലാസുകളിലായാല്‍ വെറുതെ കഴുകിയാല്‍ പോകില്ല. ഇതിന് ബേക്കിംഗ് സോഡ ചൂടുവെള്ളത്തില്‍ കലക്കി ഗ്ലാസ് മുക്കിവച്ചാല്‍ മതിയാകും.

ഗ്ലാസുകളില്‍ തേക്കാന്‍ പ്ലാസ്റ്റിക് സ്‌ക്രബറുകളാണ് നല്ലത്. മറ്റുള്ളവ പാടുകള്‍ വീഴ്ത്തിയെന്ന് വരാം.

ഗ്ലാസുകള്‍ കഴുകിക്കഴിഞ്ഞാല്‍ തുണി കൊണ്ട് വെള്ളം തുടച്ചുകളയണം. അല്ലെങ്കില്‍ വെള്ളത്തിന്റെ പാടുകള്‍ ഗ്ലാസുകളെ വൃത്തികേടാക്കും.

ഗ്ലാസിലെ വെള്ളം മുഴുവാനായും പോയതിന് ശേഷം മാത്രം അവ എടുത്തുവയ്ക്കുക