സോക്‌സ് കഴുകാന്‍ ചൂടുവെള്ളം വേണ്ട

സോക്‌സുകള്‍ സൂക്ഷിക്കുവാന്‍ താരതമ്യേന എളുപ്പമാണ്. ഇവ കഴുകാനും എളുപ്പമാണ്. എന്നാല്‍ ഇലാസ്റ്റിസിറ്റി നഷ്ടപ്പെടുന്നതാണ് സോക്‌സുകള്‍ക്കുള്ള പ്രശ്‌നം.

സോക്‌സുകള്‍ വാങ്ങിക്കുന്ന കവറുകളില്‍ തന്നെ അവ കഴുകാനുള്ള വിധവും എഴുതിയിരിക്കും. ഇത് വായിക്കുക. ചൂടുവെള്ളവും തണുത്ത വെള്ളവും സോക്‌സുകള്‍ കഴുകാന്‍ ഉപയോഗിക്കാം. വല്ലാതെ ചൂടുള്ള വെള്ളത്തില്‍ കഴുകാതിരിക്കുകയാണ് നല്ലത്. ഇത് ഇലാസ്റ്റിസിറ്റി വേഗത്തില്‍ നഷ്ടപ്പെടുത്തും.

ഇവ കൈ ഉപയോഗിച്ച് കഴുകുകയാണ് നല്ലത്. വാഷിംഗ് മെഷീന്‍ ഉപയോഗിച്ച് കഴുകുകയാണെങ്കില്‍ മൃദുവായിത്തന്നെ കഴുകണം.

വീര്യം കുറഞ്ഞ സോപ്പും സോപ്പുപൊടിയുമായിരിക്കണം സോക്‌സ് കഴുകുവാന്‍ ഉപയോഗിക്കേണ്ടത്. ബ്രഷ് ഉപയോഗിച്ച് സോക്‌സ് ഉരയ്ക്കരുത്. ഇതിന്റെ ഇലാസ്റ്റിക് ഗുണം വേഗം നഷ്ടപ്പെടും.

വെള്ളത്തില്‍ അല്‍പം ബേക്കിംഗ് സോഡയും അമോണിയയുമിട്ട് സോക്‌സ് കഴുകിയാല്‍ നല്ലപോലെ വൃത്തിയാകും. രോഗാണുക്കളും നശിച്ചുകിട്ടും. ഇതിന് ശേഷം ഫാബ്രിക് കണ്ടീഷണര്‍ ഉപയോഗിച്ചും കഴുകാം.

ഡ്രയറിലിട്ട് സോക്‌സ് ഉണക്കരുത്. ഇത് കേടാകും. കാറ്റേറ്റു തന്നെ സോക്‌സ് ഉണങ്ങുന്നതാണ് നല്ലത്.

സോക്‌സ്, കഴുകുക, ഇലാസ്റ്റിസിറ്റി, സോപ്പ്, ചൂടുവെള്ളം, സോപ്പ് പൊടി. ബേക്കിംഗ് സോഡ, അമോണിയ, ഫാബ്രിക് കണ്ടീഷണര്‍