പുസ്തകം പൊതിയാന്‍ പ്ലാസ്റ്റിക് നന്ന്

പുസ്തകങ്ങള്‍ എപ്പോഴും പൊതിഞ്ഞ് സൂക്ഷിക്കണം. പ്ലാസ്റ്റിക് കവറുകള്‍ പൊതിയാന്‍ ഉപയോഗിച്ചാല്‍ കൂടുതല്‍ നന്ന്. പുസ്തകങ്ങള്‍ ലെതര്‍ കൊണ്ട് പൊതിയുന്നതും ബൈന്റു ചെയ്യുന്നതും നല്ല മാര്‍ഗമാണ്. എന്നാല്‍ ഇവ താരതമ്യേന ചിലവു കൂടിയ മാര്‍ഗമാണ്.

പുസ്തകം വായിക്കാത്തപ്പോള്‍ അടച്ചു വയ്ക്കുക. പുസ്തകം ഷെല്‍ഫില്‍ നിവര്‍ത്തി വയ്ക്കുക. ഇതു രണ്ടും പുസ്തകങ്ങളുടെ ആകൃതി നഷ്ടപ്പെടുത്താതിരിക്കാന്‍ നല്ല മാര്‍ഗങ്ങളാണ്.

പുസ്തക ഷെല്‍ഫുകള്‍ അടച്ചു സൂക്ഷിക്കുക. ഇത് ഈര്‍പ്പത്തില്‍ നിന്നും പുസ്തകങ്ങളെ സംരക്ഷിക്കുന്നു. ഷെല്‍ഫുകള്‍ എപ്പോഴും അടച്ച് സൂക്ഷിക്കുന്നതും നല്ലതാണ്. ഷോ പീസായി പുസ്തകങ്ങള്‍ വേണമെന്നുള്ളവര്‍ക്ക് ഗ്ലാസ് ഷെല്‍ഫുകള്‍ നല്ലൊരു മാര്‍ഗമാണ്. ഇടയ്ക്ക് ഷെല്‍ഫുകള്‍ തുറന്ന് വായുസഞ്ചാരത്തിന് അവസരമൊരുക്കുക.

ചിതലുകള്‍ പുസ്തകം ദ്രവിപ്പിക്കും. ഇതിനുള്ള മാര്‍ഗം നാഫ്തലീന്‍ ഗുളികകള്‍ ഇടുന്നതാണ്. ഇടയ്ക്കിടെ പുസ്തകങ്ങളും ഷെല്‍ഫുകളും വൃത്തിയാക്കുകയും വേണം.