മരത്തിന്റെ തറയില്‍ സോപ്പ് ഉപയോഗിക്കരുത്

Improvement

oi-Saritha

By Veena

Published: Tuesday, December 6, 2011, 9:31 [IST]

വീടുണ്ടാക്കുമ്പോള്‍ വ്യത്യസ്തത ആഗ്രഹിക്കുന്നവരാണ് പലരും. വീടിന്റെ തറയില്‍ അങ്ങേയറ്റം സിമന്റ് മുതല്‍ മാര്‍ബിള്‍, ഗ്രാനൈറ്റ് വരെ ഇക്കാര്യത്തില്‍ പരീക്ഷണങ്ങളായിക്കഴിഞ്ഞും. വീടിന് അല്‍പമൊരു പാശ്ചാത്യ സൗന്ദര്യം വേണമെന്നാഗ്രഹിക്കുന്നവര്‍ നിലത്ത് മരവും പരീക്ഷിക്കാറുണ്ട്. എന്നാല്‍ മരം കൊണ്ടുള്ള ഫ്‌ളോറിംഗ് വൃത്തിയാക്കുവാനും സൂക്ഷിക്കാനും അല്‍പം പണിപ്പെടേണ്ടി വരും.

മരം കൊണ്ടുള്ള നിലമാകുമ്പോള്‍ ശ്രദ്ധിക്കേണ്ട ഒരു കാര്യം വരകളും പാടുകളും വരാതിരിക്കുകയെന്നതാണ്. ഇവ പിന്നീട് മാഞ്ഞുപോകാന്‍ ബുദ്ധിമുട്ടായിരിക്കും.

ഇത്തരം നിലം ആദ്യം വാക്വം ക്ലീനര്‍ ഉപയോഗിച്ച് വൃത്തിയാക്കാം. സാധാരണ വെള്ളം ഉപയോഗിച്ച് മരത്തിന്റെ നിലം തുടയ്ക്കരുത്. ഇത് മരം കേടാക്കും. മരം പൊളിയാനുള്ള സാധ്യതയും കൂടുതലാണ്. ഇത്തരം നിലങ്ങള്‍ക്ക് യോജിച്ച ഹാര്‍ഡ്‌വുഡ് ക്ലീനറുകള്‍ ലഭ്യമാണ്. ഇവ ഉപയോഗിക്കാം.

മരത്തില്‍ എന്തെങ്കിലും കറകളായാല്‍ പോകുവാന്‍ ബുദ്ധിമുട്ടാണ്. സ്‌പോഞ്ചില്‍ ഹാര്‍ഡ് ക്ലീനര്‍ മുക്കി ഇവ ഉടനടി തുടച്ചുകളയുന്നതാണ് നല്ലത്. സ്‌ക്രബറുകള്‍ ഉപയോഗിച്ചാല്‍ മരത്തില്‍ പാടുകള്‍ വീഴാന്‍ സാധ്യത കൂടുതലാണ്.

സോപ്പോ അമോണിയ കലര്‍ന്ന ലായനികളോ മരത്തിന്റെ നിലം വൃത്തിയാക്കാന്‍ ഉപയോഗിക്കരുത്. ഇത് മരം കേടുകരുത്തുകയും തറയുടെ തിളക്കം കളയുകയും ചെയ്യും.

തറ തുടയ്ക്കുകയാണെങ്കില്‍ വെള്ളം പൂര്‍ണമായും തുടച്ചെടുക്കണം. എത്രയും പെട്ടെന്ന് ഉണങ്ങുന്നതാണ് മരത്തിന് നല്ലത്.

ദിവസവും ഇത്തരം തറ തുടയ്ക്കാതിരിക്കുകയാണ് നല്ലത്. ഇത് തറയുടെ ഭംഗിയും മരവും നശിപ്പിക്കും. ആഴ്ചയില്‍ ഒരിക്കലോ രണ്ടാഴ്ചയില്‍ ഒരിക്കലോ തറ വൃത്തിയാക്കാം.

മരത്തിന്റെ തറയില്‍ കാര്‍പെറ്റുകളിടുന്നത് നന്നായിരിക്കും. ഭംഗിക്ക് മാത്രമല്ലാ, മരം സംരക്ഷിക്കാനും ഇത് സഹായിക്കും. മൃദുവായ ചവിട്ടികളും കാര്‍പെറ്റുകളും ഉപയോഗിക്കാന്‍ ശ്രദ്ധിക്കുക. അല്ലെങ്കില്‍ ഇത് മരത്തിന് ദോഷം ചെയ്യും.

മരം, തറ, വൃത്തി, വീട്, ഹാര്‍ഡ്‌വുഡ് ക്ലീനര്‍, സ്‌പോഞ്ച്. സോപ്പ്, അമോണിയ, ലായനി, കറ, വാക്വം ക്ലീനര്‍

വൃത്തി, വീട്