ജനാലവിരികള്‍ എളുപ്പത്തില്‍ വൃത്തിയാക്കാം

ജനാലവിരികള്‍ ഭംഗിയുളളതു മാത്രമല്ലാ, വൃത്തിയായിരിക്കുകയും ചെയ്യണം. വിരികള്‍ വൃത്തിയാക്കാന്‍ ചില എളുപ്പവഴികളുണ്ട്,

കഴുകുന്നതിന് മുന്‍പ് ക്രിക്കറ്റ് ബാറ്റു കൊണ്ടോ മറ്റോ തട്ടിയാല്‍ കുറേ പൊടി പോകും. ഇതിനു ശേഷം ഇത് വാക്വം ക്ലീനര്‍ ഉപയോഗിച്ച് വൃത്തിയാക്കാം. ഇതിനു ശേഷമേ കഴുകാവൂ.

ഏതുതരം തുണികൊണ്ടാണ് ജനാലവിരികള്‍ എന്നതിനെ ആശ്രയിച്ചാണ് ഇത് ഡ്രൈക്ലീന്‍ ചെയ്യണോ അതോ കഴുകണോ എന്നു തീരുമാനിക്കണ്ടത്. ഇവയുടെ പാക്കറ്റില്‍ തന്നെ ഇതു സംബന്ധിച്ച നിര്‍ദേശമുണ്ടായിരിക്കും.

കൂടുതല്‍ അഴുക്കുണ്ടെങ്കില്‍ ഇവ ചൂടുവെള്ളത്തില്‍ സോപ്പുകലക്കി വച്ച് അല്‍പസമയത്തിനും ശേഷം കഴുകാം. ഫാബ്രിക് കണ്ടീഷണര്‍ ചേര്‍ക്കുന്നത് വിരികള്‍ക്ക് സുഗന്ധവും നല്‍കും.

കറകളുണ്ടെങ്കില്‍ ഒരു വൃത്തിയുള്ള തുണിയില്‍ സോപ്പിട്ട് ഈ ഭാഗത്ത് അമര്‍ത്തി ഉരക്കുക. ചെറുനാരങ്ങയുടെ തോടും കറ കളയാന്‍ സഹായിക്കും.

വിരികള്‍ നല്ല സൂര്യപ്രകാശത്തില്‍ ഉണക്കണം. ഉണങ്ങിക്കഴിയുന്നതിന് മുന്‍പ് മടക്കി വക്കരുത്. ഇത് ദുര്‍ഗന്ധമുണ്ടാക്കും. നന്നായി ഉണങ്ങിയ ശേഷം ഇസ്തിരിയിട്ട് വിരികള്‍ ജനാലയില്‍ തിരികെയിടാം.