സാധനങ്ങള്‍ എളുപ്പം പായ്ക്കു ചെയ്യാം

Published: Saturday, October 15, 2011, 15:18 [IST]

മറ്റൊരു സ്ഥലത്തേക്കോ വീട്ടിലേക്കോ മാറുമ്പോള്‍ ഏറ്റവും ബുദ്ധിമുട്ടേറിയ കാര്യമാണ് സാധനങ്ങളെല്ലാം പായ്ക്കു ചെയ്യുകയെന്നത്. കൃത്യമായ കണക്കുകൂട്ടലില്ലാതെ സാധനങ്ങള്‍ വലിച്ചുവാരി കെട്ടിവച്ചാല്‍ പലതും ആവശ്യമുള്ള സമയത്ത് കിട്ടാതിരിക്കു്ക, സാധനങ്ങള്‍ കാണാതാവുക എന്നിങ്ങനെയുള്ള പല കുഴപ്പങ്ങളുമുണ്ടാകും.

സാധനങ്ങള്‍ പായ്ക്ക് ചെയ്ത് തുടങ്ങുമ്പോള്‍ ഏല്ലാ മുറിയിലേയും കൂടി ഒരുമിച്ച് പായ്ക്ക് ചെയ്യാന്‍ ശ്രമിക്കരുത്. ഒരു മുറിയിലെ പായ്ക്കിംഗ് മുഴുവനായ ശേഷം മാത്രം അടുത്ത മുറിയിലേക്ക് പോവുക. പുതുതായി മാറാന്‍ പോകുന്ന വീടിന്റെ സൗകര്യങ്ങള്‍ കൂടി കണക്കിലെടുത്ത ശേഷം പായ്ക്കു ചെയ്യുക. ഉദാഹരണത്തിന് പുതിയ വീട്ടില്‍ അതിഥിമുറി ഇല്ലെങ്കില്‍ കുട്ടിയുടെ മുറിയില്‍ തന്നെ അതിഥിറൂമിലെ സാധനങ്ങള്‍ സൂക്ഷിക്കേണ്ടി വരും. അപ്പോള്‍ കുട്ടിയുടെ മുറിയിലെ സാധനങ്ങള്‍ക്കൊപ്പം തന്നെ ഇപ്പോഴുള്ള വീട്ടിലെ അതിഥിമുറിയിലെ സാധനങ്ങള്‍ പായ്ക്ക് ചെയ്യാം. പുതിയ വീട്ടില്‍ അതിഥിമുറി ഒരുക്കണമെങ്കില്‍ അവിടേക്കു വേണ്ട സാധങ്ങള്‍ നേരത്തെ പായ്ക്കു ചെയ്യണം.

സാധനങ്ങള്‍ പായ്ക്ക് ചെയ്യാന്‍ അവസാനനിമിഷം വരെ കാത്തിരിക്കരുത്. അത്യാവശ്യ സാധനങ്ങളൊഴികെ, മറ്റുള്ള സാധനങ്ങള്‍ നേരത്തെ പ്ായ്ക്ക് ചെയ്തു തുടങ്ങാം. പേസ്‌ററ്, ടൂത്ത് ബ്രഷ്, സോപ്പ്, ടവല്‍ തുടങ്ങിയ അത്യാവശ്യ സാധനങ്ങള്‍ പെട്ടെന്നെടുക്കാന്‍ പാകത്തിന് വയ്ക്കുക. കഴിക്കാനാവശ്യമുളള ഭക്ഷണസാധനങ്ങളും എടുക്കാന്‍ എളുപ്പമുള്ള വിധം പായ്്ക്കു ചെയ്യുക.

ആവശ്യമില്ലാത്ത സാധനങ്ങള്‍ ഉപേക്ഷിക്കുക. ഇത് പായ്ക്ക് ചെയ്യാനുളള ബുദ്ധിമുട്ടും കുറയ്ക്കും. പുതിയ വീട്ടില്‍ സ്ഥലം ലാഭിക്കുവാനും ഇത് സഹായിക്കും.

അടുക്കളയിലേക്കുള്ള സാധനങ്ങള്‍ വേറെയായി പായ്ക്ക് ചെയ്യുക. പുതിയ വീട്ടിലെത്തുമ്പോള്‍ അതാത് മുറിയിലേക്കുള്ള കെട്ടുകള്‍ അതാത് മുറിയില്‍ വയ്ക്കുക. എടുത്തു വയ്ക്കാന്‍ എളുപ്പമായിരിക്കും.