ബ്ലാങ്കറ്റ് വെയിലിലിട്ട് ഉണക്കരുത്

ബ്ലാങ്കറ്റുകളും ക്വില്‍റ്റുകളും ഒരുപാട് രോമത്തോടു കൂടിയവ വാങ്ങാതിരിക്കുകയാണ് നല്ലത്. ഇതില്‍ പൊടി പിടിക്കുവാനുള്ള സാധ്യത കൂടുതലാണ്. കടുത്ത നിറങ്ങളും വാങ്ങാതിരിക്കുക.

ക്വില്‍റ്റ് കഴുകുകയോ നല്ല വെയിലിലിട്ട് ഉണക്കുകയോ ചെയ്യരുത്. ഇതിന്റെ നിറം മങ്ങുകയും ഇതിലുള്ള നാരുകള്‍ ചുരുണ്ടുകൂടുകയും ചെയ്യും. തണലിലിട്ട് ഇവ ഉണക്കുകയാണ് നല്ലത്.

ബ്ലാങ്കറ്റുകള്‍ കഴുകാം. എന്നാല്‍ വെയിലിലിട്ട് ഉണക്കരുത്. ഉണങ്ങാന്‍ സമയമെടുക്കുന്നതു കൊണ്ടും സൂര്യപ്രകാശം നേരിട്ടേല്‍ക്കാത്തതു കൊണ്ടും ബ്ലാങ്കറ്റിന് ദുര്‍ഗന്ധമുണ്ടാകാന്‍ സാധ്യതയുണ്ട്. ഇവ കഴുകുമ്പോള്‍ ഫാബ്രിക് കണ്ടീഷണര്‍ ഉപയോഗിച്ചാല്‍ ദുര്‍ഗന്ധം ഉണ്ടാകുന്നത് ഒഴിവാക്കാം. ഇവ വല്ലപ്പോഴുമെ കഴുകാവൂ. അല്ലെങ്കില്‍ ബ്ലാങ്കറ്റുകള്‍ പെട്ടെന്ന് ചീത്തയാകും.

ക്വില്‍റ്റുകളും ബ്ലാങ്കറ്റുകളും ഡ്രൈക്ലീന്‍ ചെയ്യുന്നത് നല്ലൊരു മാര്‍ഗമാണ്. അല്ലെങ്കില്‍ വാക്വം ക്ലീനര്‍ ഉപയോഗിച്ച് ഇവ വൃത്തിയാക്കുവാന്‍ സാധിക്കും.

ഇവയുടെ ഉപയോഗം കഴിഞ്ഞാല്‍ പേപ്പറില്‍ പൊതിഞ്ഞു വയ്ക്കുന്നതാണ് നല്ലത്. ഇത് ഇവയില്‍ പൂപ്പലുണ്ടാകുന്നത് നടയും. ഇടയ്ക്ക് ഇവ എടുത്ത് കാറ്റു കൊള്ളിക്കുന്നതും നല്ലതാണ്.