പുസ്തകങ്ങള്‍ വൃത്തിയായി സൂക്ഷിക്കൂ

എന്നാല്‍ പുസ്തകം സൂക്ഷിക്കുകയെന്നത് അത്ര എളുപ്പമല്ല. പഴക്കം പുസ്തകങ്ങളെ പെട്ടെന്ന് നശിപ്പിക്കും. പുസ്തകങ്ങള്‍ സൂക്ഷിക്കാന്‍ പറ്റിയ ചില മാര്‍ഗങ്ങളിതാ,

കൈകള്‍ ഉപയോഗിച്ച് താളുകള്‍ മറിക്കുമ്പോള്‍ പുസ്തകങ്ങള്‍ കേടാകാന്‍ സാധ്യത കൂടുതലാണ്. ഒരു ബുക്ക് ഓപ്പണര്‍ ഉപയോഗിച്ചാല്‍ ഇത് ഒരുപരിധി വരെ കുറക്കാം.

ബുക്ക് ഷെല്‍ഫുകള്‍ ജനലുകളില്‍ നിന്നും അകലെയിടണം. ഈര്‍പ്പം കുറവു തട്ടാന്‍ സാധ്യതയുള്ള സ്ഥലങ്ങളായിരിക്കും നല്ലത്. അല്ലെങ്കില്‍ നനവു തട്ടി പുസ്തകള്‍ പെട്ടെന്ന്് കേടാകും.

പുസ്തകളിലെ പൊടി ഇടക്ക് ബ്രഷുപയോഗിച്ച് തട്ടിക്കളയണം. കര്‍പ്പൂരം കലക്കിയ വെള്ളം കൊണ്ട് ഷെല്‍ഫുകള്‍ വൃത്തിയാക്കുന്നത് നല്ലതാണ്.

ചന്ദനക്കട്ടയോ ആര്യവേപ്പിലയോ ഷെല്‍ഫുകളില്‍ വച്ചാല്‍ ചിതലുകളില്‍ നിന്നും പുസ്തകങ്ങളെ രക്ഷിക്കാം.

പഴക്കം കാരണം പുസ്തകങ്ങളുടെ താളുകള്‍ ഇളകിപ്പോകുന്നത് തടയാന്‍ ബൈന്‍ഡ് ചെയ്ത് സൂക്ഷിക്കുന്നത് നല്ലതാണ്.

പുസ്തകങ്ങള്‍ ഇടക്കിടക്ക് എടുത്തുനോക്കുന്നതും താളുകള്‍ മറിക്കുന്നതും നല്ലതാണ്.