നിങ്ങളുടെ വീടിന് വാസ്തു പിഴവോ

സമീപത്തായി പുഴ ഉണ്ടെങ്കില്‍

നിങ്ങളുടെ വീട്‌ ഇരിക്കുന്ന സ്ഥലം വടക്ക്‌ കിഴക്ക്‌ ദിക്കിലേക്കല്ലാതെ നദിയോ ഓവുചാലോ ഒഴുകുന്നിടത്താണെങ്കില്‍ , വാസ്‌തുപരമായ പ്രശ്‌നങ്ങള്‍ അനുഭവപ്പെടാം. ഇത്‌ പരിഹരിക്കുന്നതിന്‌ വടക്ക്‌-കിഴക്ക്‌ ദിക്കിലായി നൃത്തംചെയ്യുന്ന ഗണേശ വിഗ്രഹം വയ്‌ക്കുക.

ശൂന്യമായ ഭിത്തി

വീട്ടിനുള്ളിലേക്ക്‌ പ്രവേശിക്കുമ്പോള്‍ കാണുന്ന ആദ്യ ഭിത്തി ശൂന്യമാണെങ്കില്‍ അതില്‍ താമസിക്കുന്നവര്‍ ഒറ്റയ്‌ക്കാണന്നതിന്റെ സൂചനയാണ്‌ നല്‍കുക. ഇത്‌ ഒഴുവാക്കുന്നതിനായി ചിത്രങ്ങളോ ഗണേശ വിഗ്രഹമോ ഭിത്തിയില്‍ തൂക്കുക. വീട്ടിലെ ദുഖങ്ങള്‍ അകറ്റി സന്തോഷം നിറയ്‌ക്കാന്‍ ഇത്‌ സഹായിക്കും.

ഇലക്ട്രിക്‌ വയറിങ്‌

വളരെ ഉയര്‍ന്ന വോള്‍ട്ടേജ്‌ ഉള്ള വയര്‍ വീടിന്‌ നേരെ മുകളിലൂടെ കടന്നു പോകുന്നുണ്ടെങ്കില്‍ വീട്ടില്‍ നെഗറ്റീവ്‌ എനര്‍ജി നിറയാന്‍ കാരണമാകും. ഇതിന്റെ ഫലം കുറയ്‌ക്കുന്നതിന്‌ ചുണ്ണാമ്പ്‌ നിറച്ച പ്ലാസ്റ്റിക്‌ പൈപ്പ്‌ മുറിയുടെ ഒരറ്റം മുതല്‍ മറ്റേ അറ്റം വരെ വയ്‌ക്കുക.ഇത്‌ രണ്ട്‌ അറ്റത്ത്‌ നിന്നും കുറഞ്ഞത്‌ മൂന്നടി വീതം പുറത്തേക്ക്‌ ആയിരിക്കണം.

നാല്‌ കാലുള്ള കട്ടിലുകള്‍

ഇന്ന്‌ പല തരത്തിലുള്ള കട്ടിലുകള്‍

വിപണിയില്‍ ലഭ്യമാകും. എന്നാല്‍ ഇവയെല്ലാം നിങ്ങളുടെ ആരോഗ്യത്തിന്‌ ഗുണകരമാകണമെന്നില്ല . പെട്ടി പോലുള്ള കട്ടിലുകള്‍ ഒഴിവാക്കി നാല്‌ കാലുള്ള കട്ടിലുകള്‍ എല്ലായ്‌പ്പോഴും തിരഞ്ഞെടുക്കുക. പെട്ടി പോലുള്ളവ വായു സഞ്ചാരം തടസ്സപ്പെടുത്തുകയും ആരോഗ്യ പ്രശ്‌നങ്ങള്‍ ഉണ്ടാക്കുകയും ചെയ്യും.

പിരമിഡ്‌

ഏത്‌ തരം വാസ്‌തു പിഴവുകള്‍ പരിഹരിക്കാനും വീട്ടില്‍ ഒരു പിരമിഡ്‌ സ്ഥാപിക്കുന്നത്‌ സഹായിക്കും. ഏതെങ്കിലും പ്രത്യേക മുറിയിലോ വീടിന്റെ നടുക്കോ വേണം ഇത്‌ സ്ഥാപിക്കാന്‍. വീട്ടിനുള്ളിലെ ഇലക്ട്രോമാഗ്നിറ്റിക്‌ പ്രവാഹം ഉയര്‍ത്തുകയും ശരീരത്തെയും ആത്മാവിനെയും ഏകോപിപ്പിക്കുകയും ചെയ്യും.

ചിത്രങ്ങള്‍

ചില ചിത്രങ്ങള്‍ വീട്ടിനുള്ളില്‍ തിന്മയും അതൃപ്‌തിയും കൊണ്ടു വരുന്നതാണ്‌. കരയുന്ന കുട്ടി,മൂങ്ങ, യുദ്ധം എന്നിവ പോലുള്ള ചിത്രങ്ങള്‍ അശുഭ സൂചകങ്ങള്‍ ആയിട്ടാണ്‌ കണക്കാക്കുന്നത്‌, അവ വേഗം മാറ്റി സ്ഥാപിക്കുക.