ബാച്ചിലേഴ്‌സിന്റെ വീടലങ്കാരം

ഫര്‍ണീച്ചറുകള്‍

ഒരു വീടിന്റെ സിംഹഭാഗവും അപഹരിക്കുക ഫര്‍ണീച്ചറുകളായിരിക്കും. അതിനാല്‍ ഫര്‍ണീച്ചറുകള്‍ വാങ്ങുമ്പോള്‍ ചെറിയവ വാങ്ങാന്‍ ശ്രദ്ധിക്കുക. ഒരു ഫര്‍ണീച്ചര്‍ കൊണ്ടു തന്നെ ഒന്നിലേറെ ഉപയോഗങ്ങള്‍ നിര്‍വ്വഹിക്കാന്‍ സാധിക്കുന്ന വിധത്തിലുള്ളവ. ഭക്ഷണം കഴിക്കാനും പഠിക്കുവാനും കട്ടിലാക്കുവാനും ഒരു ടേബിള്‍ മതി. നിങ്ങളുടെ പോക്കറ്റിന്റെ കനം കുറയാത്ത വിധത്തില്‍ പല മോഡലുകളിലും ഇവ ഇന്ന് മാര്‍ക്കറ്റില്‍ ലഭ്യമാണ്.

ഗാഡ്ജറ്റ്‌സ്

ചിതറിക്കിടക്കുന്ന ഇലക്ട്രോണിക്‌സ് ഉപകരണങ്ങള്‍ ഒരു ബാച്ച്‌ലര്‍ മുറിയുടെ സ്ഥിരം കാഴ്ച്ചയാണ്. ഇന്നത്തെ വികസിച്ച ആധുനിക സാങ്കേതികവിദ്യ ഒരു ഉപകരണം കൊണ്ടുതന്നെ ഒട്ടേറെ കാര്യങ്ങള്‍ നിര്‍വ്വഹിക്കുവാനുള്ള കണ്ടുപിടുത്തങ്ങള്‍ നടത്തിക്കഴിഞ്ഞു. ടി.വി വാങ്ങുമ്പോള്‍ ചുവരില്‍ വെയ്ക്കാവുന്ന സ്മാര്‍ട്ട് ടിവി വാങ്ങുക. ഒന്നിലധികം മീഡിയാ പ്ലേയറുകള്‍ വാങ്ങുന്നത് ഒഴിവാക്കുവാനാകും.

ഫ്‌ളോര്‍ സ്‌പേസ്

തറയില്‍ വിരിക്കാന്‍ വാങ്ങുന്ന കാര്‍പ്പറ്റുകള്‍ മൃദുവായതായിരിക്കട്ടെ. കൗച്ചിന് ചുറ്റും വെച്ചാല്‍ അത്യാവശ്യഘട്ടങ്ങളില്‍ കസേരയാക്കുവാന്‍ സാധിക്കും.

അടുക്കള

ജോലി ചെയ്യുകയാണെങ്കിലും പഠിക്കുകയാണെങ്കിലും നിങ്ങളുടെ ഭക്ഷണരീതി വീട്ടിലെതില്‍ നിന്നും തികച്ചും വ്യത്യസ്തമായിരിക്കും. കൂടുതല്‍ സമയം ഓഫീസിലോ കോളേജിലെ ചെലവഴിക്കുന്ന നിങ്ങള്‍ പാചകത്തിന് വേണ്ടി ചെലവഴിക്കുന്ന സമയം വളരെക്കുറിച്ച് മാത്രമായിരിക്കും. അതിനാല്‍ ആവശ്യമായ വീട്ടുപകരണങ്ങള്‍ മാത്രം വാങ്ങുക. കാശും ലാഭം പണിയും ലാഭം.

സൗന്ദര്യബോധം

ഏതൊരു വീടിനെയും മനോഹരമാക്കുന്നത്. മിതമായ അലങ്കാരങ്ങളാണെന്നോര്‍ക്കുക. ആവശ്യത്തിന് വെളിച്ചവും വായുവും പ്രവഹിക്കുന്ന വിധത്തിലായിരിക്കും സാധനങ്ങള്‍ വെയ്‌ക്കേണ്ടത്. സാധനങ്ങള്‍ അവിടവിടെയായി വലിച്ചുവാരിയിടാതിരിക്കുക.

ചുമരുകള്‍

ചുമരുകള്‍ സ്വയം വരയ്ക്കുന്ന ചിത്രങ്ങളാല്‍ സമ്പന്നമാക്കുക. ഫോണ്‍ ക്യാമറ ഉപയോഗിച്ച് നല്ല ചിത്രങ്ങളെടുത്ത് അവ ഫ്രെയിം ചെയ്ത് ചുമരില്‍ വെയ്ക്കുക. കാണാന്‍ നല്ല അഴകുണ്ടാകും

വിളക്കുകള്‍

നല്ല ഭംഗിയുള്ള അലങ്കാര വിളക്കുകള്‍ വാങ്ങി വെയ്ക്കൂ, അവ നിങ്ങളുടെ വീടിനു മോടി കൂട്ടും. ഫാന്‍സി വിളക്കുകളും പരീക്ഷിക്കാവുന്നതാണ്.