ബാച്ചിലറാണോ, വീടലങ്കാരം എളുപ്പമാക്കാം

താമസിക്കുന്ന സ്ഥലത്തിന്റെ സൗകര്യമനുസരിച്ചു വേണം ഫര്‍ണിച്ചറുകള്‍ തെരഞ്ഞെടുക്കേണ്ടത് എന്നത് പ്രധാനമാണ്. സ്ഥലം കുറവാണെങ്കില്‍ മടക്കി വയ്ക്കാവുന്ന തരം ഫര്‍ണിച്ചറുകള്‍ തെരഞ്ഞെടുക്കാം. സോഫയായും കട്ടിലായും ഉപയോഗിക്കാവുന്ന വിധത്തിലുള്ള ഫര്‍ണിച്ചറുകളും സ്ഥലം ലാഭിക്കാനുള്ള നല്ലൊരു വഴിയാണ്.

മിക്കവാറും ബാച്ചിലര്‍ മുറിയകളുടെ ഒരു കുറവാണ് കര്‍ട്ടനില്ലാത്തത്. പകരം ബെഡഷീറ്റോ മറ്റോ ആയിരിക്കും ജനലുകള്‍ മറച്ചുവയ്ക്കാന്‍ ഉപയോഗിക്കുന്നത്. ഇത് മുറിയുടെ ഭംഗി കെടുത്തും. മുറിക്കു യോജിച്ച വിധത്തിലുള്ള കര്‍ട്ടനുകള്‍ തെരഞ്ഞെടുക്കണം. സില്‍ക് തുണികള്‍ കൊണ്ട് നിര്‍മിച്ച കര്‍ട്ടനുകള്‍ ഒഴിവാക്കുന്നതായിരിക്കും നല്ലത്.

ഇരിക്കാനുള്ള സംവിധാനങ്ങള്‍ പ്രധാനമാണ്. പ്രത്യേകിച്ചും ലിംവിംഗ് മുറിയില്‍. ടിവി വച്ചിട്ടുണ്ടെങ്കില്‍ അത് കാണാന്‍ സൗകര്യമുള്ള വിധത്ിതല്‍ സെറ്റികളും കസേരകളും ഇടണം. ബീന്‍ ബാഗുകള്‍, വലിയ കുഷ്യനുകള്‍, പൊക്കം കുറഞ്ഞ സ്റ്റൂളുകള്‍ എന്നിവ സ്ഥലം ലാഭിക്കുവാനും അതേ സമയം സൗകര്യപൂര്‍വം ഇരിക്കുവാനും സഹായിക്കും.

ലിവിംഗ് റൂമിലെങ്കിലും ഒരു വാള്‍ ക്ലോക്ക് പ്രധാനം. ബെഡ്‌റൂമുകളില്‍ ക്ലോക്കോ ടൈംപീസോ ഉണ്ടാകൂന്നത് നല്ലത്.

ചുവരുകള്‍ പെയിന്റുംഗുകള്‍ കൊണ്ടോ ഫോട്ടോകള്‍ കൊണ്ടോ അലങ്കരിക്കാം. ഭംഗിയുള്ള അലങ്കാരവസ്തുക്കള്‍ ലിവിംഗ് റൂമില്‍ വയ്ക്കാം. നിങ്ങളുടെ താല്‍പര്യങ്ങള്‍ വെളിപ്പെടുത്തുന്ന വിധത്തിലുള്ള അലങ്കാരങ്ങളും നല്ലതു തന്നെ.

സുഹൃത്തുക്കള്‍ക്ക് വന്നു തങ്ങുകയാണെങ്കില്‍ അവര്‍ക്ക് ആവശ്യമുള്ള കിടക്കയും തലയിണകളും മറ്റും വാങ്ങുവാന്‍ മറക്കരുത്.