വീട്ടില്‍ മനോഹരമായ നീന്തല്‍കുളമുണ്ടാക്കാം

Decor

oi-Saritha

By Veena

Published: Saturday, October 1, 2011, 13:35 [IST]

നീന്തല്‍കുളം ഇന്നത്തെ ആഡംബരവീടുകളുടെ ഭാഗമാണ്. വീടിനുള്ളിലോ പുറത്തോ നീന്തല്‍കുളങ്ങളുണ്ടാക്കാം. വീടു വലുതാണെങ്കില്‍ വീട്ടിനുള്ളില്‍ത്തന്നെ നീന്തല്‍കുളമുണ്ടാക്കാം. ഉണ്ടാക്കുന്നതിനു മുന്‍പ് ഏതുതരമാണ്, എത്ര വലുപ്പത്തില്‍ വേണം, വൃത്തിയാക്കാന്‍ എളുപ്പമാണോ തുടങ്ങിയ കാര്യങ്ങള്‍ തീരുമാനിക്കണം. നീന്തല്‍ കുളങ്ങള്‍ പല തരമുണ്ട്,

ഫൈബര്‍ക്ലാസ് എന്ന തരം നീന്തല്‍കുളങ്ങള്‍ ഫൈബറും പ്ലാസ്‌ററിക്കും ഉപയോഗിച്ച് ബേസിനുകളുടെ രൂപത്തിലാണ് ഉണ്ടാക്കുന്നത്. കോണ്‍ക്രീറ്റ് കൊണ്ടാണ് അടിത്തട്ടുണ്ടാക്കുന്നത്. ഇത്തരം നീന്തല്‍കുളങ്ങള്‍ നിര്‍മിച്ച ശേഷം ഇറക്കിവക്കുകയാണ് ചെയ്യുന്നത്. ബേസിന്‍ ഇറക്കിവച്ച ശേഷമുളള വിടവ് മണലുപയോഗിച്ച് നികത്തുന്നു.

എബൗ ഗ്രൗണ്ട് എന്ന രീതിയില്‍ നീന്തല്‍കുളം നിര്‍മിച്ചതിനു ശേഷം ഇറക്കിവക്കുന്നതിന് മുന്‍പു തന്നെ ഇതിനുള്ള സ്ഥലത്ത് പ്ലംബിംഗ് പണികള്‍ ചെയ്യുന്നു. ഇത് ഇറക്കിവക്കാനുള്ള സ്ഥലത്തിന് ചുറ്റും മരവും പ്ലാസ്റ്റിക്കോ അല്ലെങ്കില്‍ മെററലോ ഉപയോഗിച്ച് പെരിമീറ്റര്‍ തീര്‍ക്കുന്നു. മണല്‍ നിരത്തിയ ശേഷം വിനൈല്‍ കൊണ്ട് ചുറ്റുവട്ടം തീര്‍ക്കുന്നു. വെള്ളത്തിനുള്ള പമ്പും മററ് അനുബന്ധവസ്തുക്കളും പിടിപ്പിച്ചാല്‍ നീന്തല്‍കുളം ഉപയോഗയോഗ്യമായി. വീടുകളില്‍ നിര്‍മിക്കാന്‍ പററിയ ഏറ്റവും ചെലവു കുറഞ്ഞ നീന്തല്‍കുളമാണിത്.

സിമന്റും മാര്‍ബിളും മണലും ഉപയോഗിച്ചു നിര്‍മിക്കാവുന്ന നീന്തല്‍കുളമാണ് ഗുനൈറ്റ് എന്ന തരം. ഇവ വളരെക്കാലം നിലനില്‍ക്കും. ഏതു രൂപത്തില്‍ വേണമെങ്കിലും ഉണ്ടാക്കാമെന്നുള്ളതാണ് ഇതിന്റെ പ്രത്യേകത.

തറനിരപ്പില്‍ നിര്‍മ്മിക്കാവുന്ന വിനൈല്‍ കൊണ്ടുള്ള നീന്തല്‍കുളങ്ങളുണ്ട്. ചെലവു കുറവാണെങ്കിലും പത്തുവര്‍ഷത്തിലൊരിക്കല്‍ വിനൈല്‍പാളി മാറ്റേണ്ടിവരുമെന്നതാണ് ഇവയുടെ പോരായ്മ.

നീന്തല്‍കുളം ഏതു രീതിയില്‍ എവിടെ നിര്‍മിക്കണമെന്നു തീരുമാനിക്കാന്‍ വിദ്ഗ്ധരുടെ അഭിപ്രായം തേടുന്നത് നന്നായിരിക്കും. നീന്തല്‍കുളങ്ങള്‍ ശരിയായ രീതിയില്‍ സൂക്ഷിക്കുകയും വൃത്തിയാക്കുകയും വേണം.