കുളിമുറിയില്‍ കണ്ണാടിയും ടവലും വേണം

ബാത്ത്‌റൂം മാറ്റ് ബാത്ത്‌റൂമില്‍ ചെളിയാവാതിരിക്കാനുള്ള ഒരു മാര്‍ഗമാണ്. ബാത്ത്‌റൂമിലേക്കുള്ള വാതിലിനു മുന്നിലായി ഇതിടുകയാണ് നല്ലത്. ഇവ വഴുക്കി വീഴാത്തവയാവാതിരിക്കാന്‍ ശ്രദ്ധിക്കണം. വെള്ളം വലിച്ചെടുക്കാന്‍ കഴിയുന്നവയുമായിരിക്കണം.

ബാത്ത്‌റൂമില്‍ ടവല്‍ നിര്‍ബന്ധമായും സൂക്ഷിക്കേണ്ട ഒന്നാണ്. സാധാരണ വാഷ്‌ബേസിനുകളുടെ സമീപത്തായി ഒരു കമ്പി പിടിപ്പിച്ച് ഇവയില്‍ ടവലിടുന്നതാണ് നല്ലത്. കടുത്ത നിറത്തിലുള്ള ടവലാണ് കൂടുതല്‍ നല്ലത്. അല്ലെങ്കില്‍ ചെളിയാകാന്‍ എളുപ്പമാണ്. ടവല്‍ അലക്ഷ്യമായി തൂക്കിയിടാതെ മടക്കിയിടാന്‍ ശ്രദ്ധിക്കണം.

വാഷ്‌ബേസിനു മുകളിലായി ഒരു കണ്ണാടി പിടിപ്പിക്കുന്നത് നല്ലതാണ്. ഷേവ് ചെയ്യുമ്പോഴും ഡ്രസ് ചെയ്യുമ്പോഴുമെല്ലാം ഇത് സഹായകമാകും.

സോപ്പ്, ടൂത്ത്ബ്രഷ്, ബോഡിവാഷ് എന്നിവ സൂക്ഷിക്കാന്‍ ഒരു സ്റ്റാന്റ് ബാത്ത്‌റൂമില്‍ പിടിപ്പിക്കുന്നത് നല്ലതാണ്. സാധനങ്ങള്‍ അവിടെയിവിടെയായി വയ്ക്കുന്നത് മുറിയുടെ വൃത്തി കളയും.

ബാത്ത് റൂം കഴുകാനുള്ള സാധനങ്ങളും ബ്രഷും ഏതെങ്കിലും സ്ഥലത്ത് ഒതുക്കി സൂക്ഷിക്കുക. വസ്ത്രങ്ങള്‍ തൂക്കിയിടാന്‍ ഒരു സ്റ്റാന്റ് ചുവരില്‍ പിടിപ്പിക്കുന്നത് നല്ലതാണ്.