ക്രിസ്മസ് ട്രീയില്‍ ലൈറ്റ് തെളിയുമ്പോള്‍

Decor

oi-Saritha

By Veena

Published: Monday, December 19, 2011, 17:37 [IST]

ഭംഗിയുള്ള ക്രിസ്മസ് ട്രീ ഉണ്ടാക്കിയതു കൊണ്ടായില്ല, അത് ലൈറ്റുകള്‍ കൊണ്ട് ഭംഗിയായി അലങ്കരിക്കുകയെന്നതും പ്രധാനമാണ്. ഇത് എവിടെ നിന്നും എങ്ങനെ തുടങ്ങും എന്നതിനെ കുറിച്ച് ആശയക്കുഴപ്പമുണ്ടെങ്കില്‍ വായിക്കൂ.

ഒറ്റക്കുള്ള വലിയ ലൈറ്റുകളും ചെറിയ നിരവധി ലൈറ്റുകളും ക്രിസ്മസ് ട്രീ അലങ്കാരത്തിന് ഉപയോഗിക്കാം. പഴയ ലൈറ്റുകളാണെങ്കില്‍ വര്‍ണക്കടലാസുകളോ സാറ്റിന്‍ പേപ്പറോ പൊതിഞ്ഞ് ഭംഗിയാക്കാം. കടുത്ത വെളിച്ചവും ചൂടും തരുന്ന ലൈറ്റുകള്‍ ഉപയോഗിക്കാതിരിക്കുകയാണ് നല്ലത്. ഇത് മറ്റുള്ള അലങ്കാരങ്ങളുടെ ഭംഗി കുറയ്ക്കുകയും ക്രിസ്മസ് ട്രീ യഥാര്‍ത്ഥ മരത്തിലാണ് ഒരുക്കിയിരിക്കുന്നതെങ്കില്‍ ഇത് കരിഞ്ഞുപോകാന്‍ ഇട വരുത്തുകയും ചെയ്യും.

ലൈറ്റുകള്‍ ക്രിസ്മസ് ട്രീയുടെ അടിയില്‍ നിന്ന് മുകളിലേക്കോ മുകളില്‍ നിന്ന് അടിയിലേക്കോ ക്രമീകരിക്കുക. ഇടയില്‍ നിന്നും ക്രമീകരിക്കുന്നത് ഭംഗിക്കുറവാണ്. ഇത് ട്രീയുടെ ആകൃതി കളയുകയും ചെയ്യും.

ഏതു രീതിയിലാണ് ലൈറ്റുകള്‍ ക്രമീകരിക്കേണ്ടതെന്ന് തീരുമാനിക്കുക. ട്രീയില്‍ നീളത്തിലും വട്ടത്തിലും ലൈറ്റുകളിടാം. ഇത് സാധാരണ രീതിയായതു കൊണ്ട് ക്രിസ് ക്രോസ് ആയ രീതിയായിരിക്കും നല്ലത്. എല്ലാ സ്ഥലങ്ങളിലും ലൈറ്റെത്തുവാനും ഇത് സഹായിക്കും.

ചെറിയ നക്ഷത്രങ്ങളുടെ ഉള്ളില്‍ ലൈറ്റിട്ടും ക്രിസ്മസ് ട്രീ അലങ്കരിക്കാം. ക്രിസ്മസ് ട്രീ ആയി ഒരുക്കിയിട്ടുള്ള ചെടിയിലോ മരത്തിലോ വെള്ളമൊഴിക്കുമ്പോള്‍ ലൈറ്റുകളില്‍ വെള്ളം പതിക്കാതെ സൂക്ഷിക്കുക. ലൈറ്റുകള്‍ ചീത്തയാകാനും ഷോര്‍ട്ട് സര്‍ക്യൂട്ട് പോലുള്ള പ്രശ്‌നങ്ങള്‍ ഉണ്ടാക്കാനും ഇത് ഇടവരുത്തും.