വൈന്‍ ഗ്ലാസ് കുടിയ്ക്കുവാനും അലങ്കാരത്തിനും

വീട് ഗ്ലാസ് കൊണ്ട് അലങ്കരിക്കുന്നതിനെ പറ്റി ചിന്തിച്ചു കൂടെ. ഗ്ലാസലങ്കാരത്തിന് വിവിധ വഴികളുണ്ട്.

ഗ്ലാസ് ക്യാബിനറ്റുകള്‍ പണിയുന്നത് ഏറ്റവും എളുപ്പത്തില്‍ ചെയ്യാവുന്ന ഒരു അലങ്കാരമാണ്. അത്യാവശ്യത്തിന് മാത്രം മരം ഉപയോഗിച്ച് ബാക്കി ഗ്ലാസ് ഉപയോഗിക്കാം. പക്ഷേ ഇങ്ങനെ ചെയ്യുമ്പോള്‍ കുട്ടികളുള്ള വീട്ടിലാണെങ്കില്‍ പ്രത്യേകം ശ്രദ്ധ വേണം. കാരണം ഇത് പൊട്ടിപ്പോകാന്‍ എളുപ്പമാണ്. ഗ്ലാസ് ക്യാബിനറ്റുകള്‍ പൊടിയും അഴുക്കും തുടച്ചു വൃത്തിയാക്കി വയ്ക്കാനും ശ്രദ്ധിക്കണം. ഷെല്‍ഫുകളില്‍ ഭംഗിയുള്ള ലൈറ്റുകള്‍ പിടിപ്പിക്കുന്നതും നല്ലതാണ്.

അടുക്കളയിലും ഡൈനിംഗ് മുറിയിലും ചില്ലു ഗ്ലാസുകളും ചില്ലിന്റെ പ്ലേറ്റുകളും കൊണ്ട് അലങ്കരിക്കാം. ഗ്ലാസിന്റെ ഷെല്‍ഫുകള്‍ അടുക്കളയിലുണ്ടാക്കിയാല്‍ ഭംഗിയുള്ള ഗ്ലാസ് പ്ലേറ്റുകളും ഗ്ലാസുകളും നിരത്തിവയ്ക്കാം.

വൈന്‍ ഗ്ലാസുകള്‍ വീട് അലങ്കരിക്കാന്‍ പറ്റിയവയാണ്. വിവിധ നിറങ്ങളിലും തരങ്ങളിലുമുള്ള വൈന്‍ ഗ്ലാസുകളുണ്ട്. ബിയര്‍ ഗ്ലാസുകളും ഭംഗിയുള്ള മദ്യക്കുപ്പികളും ഗ്ലാസ് അലങ്കാരത്തിന് ഉപയോഗിക്കാം.

വീടിന്റെ ബെഡ്‌റൂം, ബാത്ത് റൂം ഒഴികെയുള്ള മുറികളില്‍ വര്‍ണഭംഗിയുള്ള ഗ്ലാസ് വാതിലുകള്‍ പിടിപ്പിക്കാം. ഇവ ശ്രദ്ധയോടെ കൈകാര്യം ചെയ്യണമെന്ന് മാത്രം.