World Obesity Day 2023: പൊണ്ണത്തടി നിസ്സാരമല്ല: ആയുസ്സെടുക്കും രോഗങ്ങള്‍ കൂടെ

പൊണ്ണത്തടിയും അപകടവും

പൊണ്ണത്തടിയും അപകടവും വളരെയധികം വെല്ലുവിളികള്‍ ഉയര്‍ത്തുന്നതാണ് എന്ന് നമുക്കറിയാം. ചിലരില്‍ പാരമ്പര്യമായി പൊണ്ണത്തടി ഉണ്ടാവുന്നു. ഇത് പലപ്പോഴും അപകട സാധ്യതയെ വര്‍ദ്ധിപ്പിക്കുകയാണ് ചെയ്യുന്നത്. എന്നാല്‍ ശരീരത്തിന്റെ ഏത് ഭാഗത്താണ് അമിതവണ്ണം അഥവാ പൊണ്ണത്തടി എന്നത് വളരെ പ്രധാനപ്പെട്ടതാണ്. നിങ്ങളുടെ വയറിന് ചുറ്റും ആപ്പിള്‍ ആകൃതിയില്‍ കൊഴുപ്പ് അടിഞ്ഞ് കൂടുന്ന അവസ്ഥയാണെങ്കില്‍ അത് വളരെയധികം അപകടകരമാണ്. ചിലരില്‍ അവരുടെ വയര്‍ പിയര്‍ ഷേപ്പില്‍ കാണാവുന്നതാണ്. ഇത് അപകടകരമാണെങ്കിലും ആപ്പിള്‍ ആകൃതിയില്‍ കാണപ്പെടുന്ന കൊഴുപ്പിനെ പോലെ പ്രശ്‌നമുണ്ടാക്കുന്നതല്ല. പലപ്പോഴും അമിതവണ്ണം ഏറ്റവും കൂടുതല്‍ ബാധിക്കുന്ന ശരീര അവയവങ്ങള്‍ എന്ന് പറയുന്നത് നിതംബത്തിനും ഇടുപ്പിനും ചുറ്റുമാണ്. ഇതുമായി ബന്ധപ്പെട്ടുണ്ടാവുന്ന രോഗാവസ്ഥകളെക്കുറിച്ച് നമുക്ക് നോക്കാം.

ഹൃദ്രോഗവും പക്ഷാഘാതവും

അമിതവണ്ണം അഥവാ പൊണ്ണത്തടി ഉള്ളവര്‍ ഏറ്റവും കൂടുതല്‍ ശ്രദ്ധിക്കേണ്ടത് പലപ്പോഴും ഹൃദ്രോഗത്തേയും പക്ഷാഘാതത്തേയും തന്നെയാണ്. കാരണം ഇവരില്‍ പപലപ്പോഴും അപകടകരമായ അവസ്ഥകള്‍ ഉണ്ടാക്കുന്നതാണ് അമിതവണ്ണം എന്നത് തന്നെയാണ് കാര്യം. അധികശരീരഭാരം തന്നെയാണ് ഉയര്‍ന്ന രക്തസമ്മര്‍ദ്ദവും ഉയര്‍ന്ന കൊളസ്‌ട്രോളും ഉണ്ടാകാനുള്ള സാധ്യത വര്‍ദ്ധിപ്പിക്കുന്നതും. ഈ രണ്ട് രോഗാവസ്ഥകളും നിങ്ങളില്‍ സ്‌ട്രോക്ക് പോലുള്ള അവസ്ഥയുണ്ടാക്കുകയും ഹൃദ്രോഗത്തിലേക്ക് എത്തുകയും ചെയ്യുന്നു. അതുകൊണ്ട് ശരീരഭാരം കുറക്കുന്നത് നിങ്ങളില്‍ പക്ഷാഘാതവും ഹൃദയാഘാതവും കുറക്കുന്നതിനുള്ള സാധ്യത തെളിയിക്കപ്പെട്ടിട്ടുണ്ട്.

ടൈപ്പ് 2 പ്രമേഹം

ആരോഗ്യ പ്രശ്‌നങ്ങളില്‍ ടൈപ്പ് ടു പ്രമേഹം നമ്മുടെ ശരീരഭാരവുമായി ബന്ധപ്പെട്ടിരിക്കുന്നതാണ്. പലപ്പോഴും ആളുകളുടെ അമിതവണ്ണവും ശരീരഭാരവും എല്ലാം ടൈപ്പ് 2 പ്രമേഹത്തിലേക്ക് നിങ്ങളെ എത്തിക്കുന്നു. അതുകൊണ്ട് തന്നെ ശരീരഭാരം കുറക്കുക, സമീകൃതാഹാരം ശീലമാക്കുക, മതിയായ ഉറക്കം, കൃത്യമായ വ്യായാമം ചെയ്യുക എന്നിവയിലൂടെയെല്ലാം നമുക്ക് പ്രമേഹത്തെ ഇല്ലാതാക്കാന്‍ സാധിക്കുന്നു. എപ്പോഴും ആക്റ്റിവ് ആയി ഇരിക്കുന്നതിന് ശ്രദ്ധിക്കുക. മാനസിക സമ്മര്‍ദ്ദം കുറച്ച് ആരോഗ്യത്തോടെ ഇരിക്കുന്നത് ഇത്തരം പ്രതിസന്ധികളെ ഇല്ലാതാക്കുന്നതിന് സഹായിക്കുന്നു. കൂടാതെ ശരീരത്തിലെ പഞ്ചസാരയുടെ അളവ് നിയന്ത്രിക്കുന്നതിന് വേണ്ടി വളരെയധികം ശ്രദ്ധിക്കണം.

കാന്‍സര്‍

വന്‍കുടല്‍, സ്തനാര്‍ബുദം, എന്‍ഡോമെട്രിയത്തിലെ ക്യാന്‍സര്‍, വൃക്ക, അന്നനാളം എന്നിവയിലെ അര്‍ബുദങ്ങള്‍ പലപ്പോഴും അമിതവണ്ണവുമായി ബന്ധപ്പെട്ടിരിക്കുന്നതാണ്. ഇത് നിങ്ങളുടെ ആരോഗ്യത്തെ വളരെയധികം പ്രതിസന്ധിയില്‍ ആക്കും എന്നതിനം സംശയം വേണ്ട. ചില പഠനങ്ങള്‍ അമിതവണ്ണവും പിത്തസഞ്ചി, അണ്ഡാശയം, പാന്‍ക്രിയാസ് എന്നിവയുടെ അര്‍ബുദവും തമ്മിലുള്ള ബന്ധവും റിപ്പോര്‍ട്ട് ചെയ്തിട്ടുണ്ട്. അതുകൊണ്ട് തന്നെ വളരെയധികം ശ്രദ്ധ വേണം. കൂടാതെ ചിലരില്‍ പിത്തസഞ്ചി രോഗവും ബാധിക്കുന്നുണ്ട്. ഇത് പലപ്പോഴും പിത്തസഞ്ചിയിലെ കല്ലുകള്‍ വര്‍ദ്ധിപ്പിക്കുന്നതിനുള്ള സാധ്യതയെ ആണ് സൂചിപ്പിക്കുന്നത്.

ഓസ്റ്റിയോ ആര്‍ത്രൈറ്റിസ്

പലരേയും അലട്ടുന്നതാണ് മുട്ടുവേദന, ശരീര വേദന, പുറം വേദന എന്നിവ. എന്നാല്‍ ഇത്തരം അവസ്ഥയില്‍ എന്താണ് ഇതിന് കാരണം എന്ന് മാത്രം പലരും ചിന്തിക്കുന്നില്ല. എന്നാല്‍ കാല്‍മുട്ട്, ഇടുപ്പ് അല്ലെങ്കില്‍ പുറം എന്നിവയെ ബാധിക്കുന്ന ഒരു സാധാരണ രോഗാവസ്ഥയാണ് ഓസ്റ്റിയോ ആര്‍ത്രൈറ്റിസ്. ഇത് നിങ്ങളുടെ അമിതവണ്ണവുമായി ബന്ധപ്പെട്ടിരിക്കുന്നു. പലപ്പോഴും ഇവ നിങ്ങളുടെ ശരീരം ഭാരം കൂടുന്നതിന്റെ ഫലമായി തരുണാസ്ഥിയില്‍ സമ്മര്‍ദ്ദം ചെലുത്തുന്നു. ശരീരഭാരം കൂടുന്നത് പലപ്പോഴും കൂടുതലായി ഓസ്റ്റിയോ ആര്‍ത്രൈറ്റിസിന്റെ ലക്ഷണങ്ങള്‍ കാണിക്കുന്നു.

സന്ധിവാതം

സന്ധികളെ ബാധിക്കുന്ന ഒരു രോഗമാണ് സന്ധിവാതം. നിങ്ങളുടെ രക്തത്തില്‍ യൂറിക് ആസിഡിന്റെ അളവ് വര്‍ദ്ധിക്കുമ്പോഴാണ് ഇത്തരം അവസ്ഥകള്‍ വര്‍ദ്ധിക്കുന്നത്. പലപ്പോഴും അധിക യൂറിക് ആസിഡ് സന്ധികളില്‍ ക്രിസ്റ്റലുകള്‍ ഉണ്ടാക്കുന്നു. ഇത് പലപ്ോഴും അമിതവണ്ണമുള്ളവരിലാണ് ഏറ്റവും കൂടുതല്‍ കാണപ്പെടുന്നത്. പെട്ടെന്നുള്ള ശരീരഭാരം ഇത്തരം അവസ്ഥകള്‍ വര്‍ദ്ധിപ്പിക്കുകയും സന്ധിവാതത്തിലേക്ക് നിങ്ങളെ എത്തിക്കുകയും ചെയ്യുന്നു. ശരീരഭാരം വര്‍ദ്ധിപ്പിക്കുന്ന അവസ്ഥകളെ പരമാവധി ഒഴിവാക്കുകയും അവ കുറക്കുന്നതിന് വേണ്ടി ശ്രദ്ധിക്കുകയും ചെയ്യുക എന്നതാണ് ശ്രദ്ധിക്കേണ്ട കാര്യം.

സ്ലീപ്പ് അപ്നിയ

സ്ലീപ് അപ്നിയ പോലുള്ള അവസ്ഥകളും നിങ്ങളുടെ അമിത ഭാരത്തെ സൂചിപ്പിക്കുന്നതാണ്. ഇത് ശ്വസസംബന്ധമായും ഉറക്കസംബന്ധമായും വെല്ലുവിളികള്‍ ഉയര്‍ത്തുന്നതാണ്. അതുകൊണ്ട് തന്നെ ഇത്തരം അവസ്ഥകള്‍ വളരെയധികം ശ്രദ്ധിക്കണം. സ്ലീപ് അപ്നിയ എന്നത് ഒരു വ്യക്തിയില്‍ അമിതമായി കൂര്‍ക്കം വലി ഉണ്ടാവുകയും ഉറക്കത്തിനിടക്ക് ശ്വാസം മുട്ടല്‍ ഉണ്ടാക്കുന്നതിനും കാരണമാകുന്നതാണ്. സ്ലീപ അപ്നിയ നിങ്ങളില്‍ പകല്‍ ഉറങ്ങുന്നതിലേക്കും നയിക്കുന്നു. ഹൃദ്രോഗവും പക്ഷാഘാതവും വര്‍ദ്ധിപ്പിക്കുന്നതിനും ഇത് കാരണമാകുന്നു. ശരീരഭാരം കുറക്കുന്നതിലൂടെ ഈ പ്രശ്‌നത്തെ നമുക്ക് ഒരു പരിധി വരെ ഇല്ലാതാക്കാന്‍ സാധിക്കുന്നു.