നല്ല ചൂടുള്ള ഭക്ഷണത്തില്‍ നാരങ്ങ നീരൊഴിക്കാറുണ്ടോ? ഇനി ഇതൊന്ന് ശ്രദ്ധിക്കൂ

നാരങ്ങ ഭക്ഷണത്തില്‍ ചേര്‍ക്കുന്നത്

നിങ്ങള്‍ ചിക്കനോ മട്ടനോ ഗ്രില്‍ഡ് ഭക്ഷണമോ എന്തുമാകട്ടെ കഴിക്കുമ്പോള്‍ അതിന് മുകളിലായി നല്ല നാരങ്ങ പിഴിഞ്ഞ് ചേര്‍ക്കാറുണ്ടോ? സാധാരണ അവസ്ഥയില്‍ ഇത് ചേര്‍ക്കുന്നത് കൊണ്ട് പ്രശ്‌നമില്ല. എന്നാല്‍ ഇത് ചൂടുള്ള ഭക്ഷണത്തിന്റെ പുറത്താണ് ചേര്‍ക്കുന്നത് എങ്കില്‍ അല്‍പം ശ്രദ്ധിക്കണം. കാരണം അത് ശരീരത്തിന് അത്ര നല്ല ഗുണമല്ല നല്‍കുന്നത് എന്നതാണ് അറിഞ്ഞിരിക്കേണ്ടത്. ചൂടുള്ള ഭക്ഷണത്തിലേക്ക് നാരങ്ങ ചേര്‍ക്കുമ്പോള്‍ അത് ശരീരത്തിന് ഹാനീകരമായ ഫലം നല്‍കുന്നു എന്നാണ് ന്യൂട്രീഷനിസ്റ്റുകള്‍ പറയുന്നത്.

നാരങ്ങ നീര് ചേര്‍ക്കുമ്പോള്‍

നിങ്ങള്‍ ചൂടുള്ള ഭക്ഷണത്തില്‍ നാരങ്ങ നീര് ചേര്‍ക്കുമ്പോള്‍ അതിലെ വൈറ്റമിന്‍ സി ചൂടിനോട് സംവേദനത്വം പുലര്‍ത്തുന്നു എന്നാണ് പറയപ്പെടുന്നത്. നോയിഡയിലെ ന്യൂട്രീഷണിസ്റ്റ് ഡോ. നമിത നദാര്‍ ആണ് ഇത്തരം ഒരു കാര്യം വെളിപ്പെടുത്തിയത്. അതുകൊണ്ട് തന്നെ സാധാരണ താപനിലയിലുള്ള ഭക്ഷണത്തില്‍ എങ്കില്‍ നാരങ്ങ നീര് ചേര്‍ക്കുന്നത് കൊണ്ട് പ്രശ്‌നമില്ല. ഇത്രയും കാര്യങ്ങള്‍ ശ്രദ്ധിച്ചാല്‍ ആരോഗ്യകരമായ ഭക്ഷണം കഴിക്കാവുന്നതാണ്. തണുത്തതോ അല്ലെങ്കില്‍ സാധാരണ താപനിലയില്‍ ഉള്ള ഭക്ഷണത്തിന്റേയോ കൂടെ മാത്രമേ നാരങ്ങ നീര് ചേര്‍ക്കാവൂ എന്നതാണ് ശ്രദ്ധിക്കേണ്ട കാര്യം.

ശ്രദ്ധിക്കേണ്ട കാര്യം

30 ഡിഗ്രി സെല്‍ഷ്യസില്‍ തന്നെ വൈറ്റമിന്‍ സിക്ക് ശോഷണം സംഭവിക്കുന്നു. അതുകൊണ്ട് തന്നെ ശരിയായ ചൂടിലും തണുപ്പിലും നാരങ്ങ ശരിയായ രീതിയില്‍ പ്രവര്‍ത്തിക്കുന്നു. ഇതിനാല്‍ നാരങ്ങയുടെ ഗുണങ്ങള്‍ ശരിയായ തോതില്‍ ലഭിക്കുന്നതിന് വേണ്ടി ഭക്ഷണം ചൂടാറിയ ശേഷം മാത്രമേ നാരങ്ങ നീര് ഭക്ഷണത്തിലേക്ക് ചേര്‍ക്കാന്‍ പാടുകയുള്ളൂ. ഇത്തരം കാര്യങ്ങള്‍ വളരെയധികം ശ്രദ്ധിക്കേണ്ടതാണ്. എന്നാല്‍ മാത്രമേ ആരോഗ്യത്തോടെയുള്ള ഭക്ഷണശീലം നമുക്ക് ഉണ്ടാക്കിയെടുക്കാന്‍ സാധിക്കുകയുള്ളൂ. വിദഗ്ധ ഡോക്ടറുടെ അഭിപ്രായത്തില്‍ ഇത്തരം കാര്യങ്ങള്‍ പിന്തുടരണം എന്നാണ് പറയപ്പെടുന്നത്.

തര്‍ക്കങ്ങള്‍ പല വിധം

എന്നാല്‍ ഇത് എത്രത്തോളം ശരിയാണെന്നതിനെക്കുറിച്ച് ഇത് വരേക്കും സ്ഥിരീകരിക്കപ്പെട്ടിട്ടില്ല. കാര്യങ്ങള്‍ ഇപ്പോഴും തര്‍ക്കത്തിലായത് കൊണ്ട് തന്നെ ഈ കാര്യത്തില്‍ ഒരു നിഗമനത്തില്‍ ഇത് വരെ ശാസ്ത്രലോകം എത്തിപ്പെട്ടിട്ടില്ല. എങ്കിലും ചൂടുള്ള ഭക്ഷണത്തില്‍ നാരങ്ങ നീര് ഒഴിക്കുന്നവര്‍ ഒന്ന് സൂക്ഷിക്കുന്നത് നല്ലതാണ്. ഇത് ആരോഗ്യത്തെ മോശമായി ബാധിക്കും എന്നതാണ് പല പഠനങ്ങളും പറയുന്നത്.

പൊതുവായി ലഭിച്ച വിവരങ്ങളുടെ അടിസ്ഥാനത്തിലാണ് ഈ ലേഖനം തയ്യാറാക്കിയിട്ടുള്ളത്. എന്തെങ്കിലും തരത്തിലുള്ള പ്രശ്‌നങ്ങള്‍ ഉണ്ടെങ്കില്‍ ഡോക്ടറെ കാണുന്നതിന് വൈകേണ്ടതില്ല.

most read:റോസ്റ്റഡ് ചന നിസ്സാരമല്ല: ആരോഗ്യം കൈക്കുള്ളില്‍ ഭദ്രം