ഉറക്കത്തിനിടക്ക് ശ്വാസതടസ്സമോ: കാരണങ്ങള്‍ പരിഹാരങ്ങള്‍ ഇതാണ്

ഗുരുതരാവസ്ഥകള്‍

ഒബ്‌സ്ട്രക്ടീവ് സ്ലീപ് അപ്നിയ ഒരു ഗുരുതരമായ രോഗാവസ്ഥയാണ്. ഇത് അനുഭവിക്കുന്ന വ്യക്തിക്ക് ക്ഷീണം, അലസത, ദിവസം മുഴുവന്‍ ഉറക്കക്കുറവ് എന്നിവ അനുഭവപ്പെടുന്നു. ഇത് അവഗണിച്ചാല്‍ അത് കൂടുതല്‍ അപകടത്തിലേക്ക് നിങ്ങളെ എത്തിക്കുന്നുണ്ട്. സ്ലീപ് അപ്നിയ ബാധിച്ച ഒരു വ്യക്തിയുടെ ശസ്ത്രക്രിയയിലും പ്രശ്‌നമുണ്ടാവുന്നുണ്ട്. അനസ്‌തേഷ്യ നല്‍കിയ ശേഷം ആളുകള്‍ക്ക് ശ്വസിക്കാന്‍ ബുദ്ധിമുട്ട് ഉണ്ടാവുന്നതിനുള്ള സാധ്യതയുണ്ട്. അതുകൊണ്ട് തന്നെ വളരെയധികം ശ്രദ്ധിക്കേണ്ടതാണ്.

ഗുരുതരാവസ്ഥകള്‍

ഇത്തരക്കാര്‍ക്ക് ജോലി ചെയ്യുമ്പോഴോ വാഹനമോടിക്കുമ്പോഴോ ടിവി കാണുമ്പോഴോ പെട്ടെന്ന് ഉറങ്ങാന്‍ സാധിക്കുന്നു. ഇത് അപകടകരമായ അവസ്ഥയിലേക്ക് എത്തുന്നുണ്ട്. അതുകൊണ്ട് തന്നെ ഇത്തരം കാര്യങ്ങള്‍ നിസ്സാരമായി വിടരുത്. ഇത്തരം രോഗാവസ്ഥയിലുള്ള ആളുകള്‍ക്ക്, പ്രത്യേകിച്ച് കുട്ടികള്‍ക്ക് ശ്രദ്ധ കേന്ദ്രീകരിക്കാന്‍ പ്രയാസമുണ്ടാവുന്നുണ്ട്. ഈ രോഗാവസ്ഥയില്‍ നിങ്ങളുടെ രക്തത്തിലെ ഓക്‌സിജന്റെ അളവ് കുറയാന്‍ തുടങ്ങുന്നുണ്ട്. ഇത് പലപ്പോഴും നിങ്ങളില്‍ രക്തസമ്മര്‍ദ്ദം വര്‍ദ്ധിപ്പിക്കുന്നു.

ഗുരുതരാവസ്ഥകള്‍

അമിതമായി രക്തസമ്മര്‍ദ്ദം വര്‍ദ്ധിക്കുന്നത് കാര്‍ഡിയോ സിസ്റ്റത്തെ സമ്മര്‍ദ്ദത്തിലാക്കുന്നു. സ്ലീപ് അപ്നിയ ഉള്ള മിക്ക ആളുകള്‍ക്കും ഉയര്‍ന്ന രക്തസമ്മര്‍ദ്ദത്തിന്റെ പ്രശ്‌നമുണ്ടാവുന്നുണ്ട്. ഇത് അപകടകരമായ അവസ്ഥയിലേക്ക് നിങ്ങളെ എത്തിക്കുന്നു. രക്തസമ്മര്‍ദ്ദത്തിന്റെ പ്രശ്‌നം കാരണം ഇത്തരക്കാരില്‍ ഹൃദയ സംബന്ധമായ അസുഖങ്ങള്‍ വരാനുള്ള സാധ്യത കൂടുന്നുണ്ട്. നിങ്ങള്‍ ഒബ്സ്ട്രക്റ്റീവ് സ്ലീപ് അപ്നിയ രോഗിയാണെങ്കില്‍, നിങ്ങള്‍ക്ക് ഹൃദയാഘാതം, ഹൃദയസ്തംഭനം, സ്‌ട്രോക്ക് എന്നിവ ഉണ്ടാകാനുള്ള സാധ്യതയും വളരെ കൂടുതലാണ്.

ഗുരുതരാവസ്ഥകള്‍

ഈ രോഗത്തില്‍, ഹൃദയമിടിപ്പ് അസാധാരണമായി മാറുന്നുണ്ട്. ഇതുമൂലം രക്തസമ്മര്‍ദ്ദം പലതവണ കുറയുന്നുണ്ട്. സ്ലീപ് അപ്നിയയ്ക്കൊപ്പം, നിങ്ങള്‍ക്ക് ഹൃദയ സംബന്ധമായ അസുഖമുണ്ടെങ്കില്‍, പെട്ടെന്നു മരണത്തിലേക്ക് നിങ്ങളെ എത്തിക്കുന്നുണ്ട്. അതുകൊണ്ട് തന്നെ ഇത്തരം അവസ്ഥകള്‍ക്ക് പരിഹാരം കാണുന്നതിന് വേണ്ടി എത്രയും പെട്ടെന്ന് ചികിത്സിക്കാന്‍ ശ്രദ്ധിക്കണം.

ചികിത്സ

സ്ലീപ് അപ്നിയ ഒരു ഗുരുതരമായ രോഗമാണ്. എന്നാല്‍ ഇത് പൂര്‍ണമായ ചികിത്സയിലൂടെ ഭേദമാക്കാവുന്നതാണ്. ഈ രോഗത്തിന് പരിഹാരം കാണുന്നതിന് വേണ്ടി മലര്‍ന്ന് കിടന്ന് ഉറങ്ങാതിരിക്കുന്നതിന് ശ്രദ്ധിക്കേണ്ടതാണ്. ഇത് കൂര്‍ക്കം വലിക്ക് കാരണമാകുന്നുണ്ട്. അതുകൊണ്ട് നിങ്ങള്‍ ഒരു വശത്ത് ചരിഞ്ഞ് കിടന്ന് ഉറങ്ങേണ്ടതാണ്. ഇത് നിങ്ങളുടെ കൂര്‍ക്കം വലിയെ ഇല്ലാതാക്കുകയും ചെയ്യുന്നുണ്ട്.

ചികിത്സ

പല കേസുകളിലും ശസ്ത്രക്രിയ നടത്തേണ്ട അവസ്ഥയുണ്ടാവുന്നുണ്ട്. ചില ചികിത്സാ രീതികളില്‍ ഉറങ്ങുമ്പോള്‍ നിങ്ങളുടെ ശ്വാസനാളങ്ങള്‍ തുറന്നിടാന്‍ കഴിയുന്ന ഒരു ഉപകരണം ഉപയോഗിക്കുന്നുണ്ട്. ഉറക്കത്തില്‍ പെട്ടെന്ന് ശ്വാസം നിലയ്ക്കുകയോ, ദിവസം മുഴുവനും ക്ഷീണിതരായി കാണുകയോ ആണെങ്കില്‍ അല്‍പം ശ്രദ്ധിക്കേണ്ടതാണ്. കൃത്യമായി ഡോക്ടറെ കണ്ട് വേണം ഇതിന് ചികിത്സ നടത്തേണ്ടത്. സ്വയം ചികിത്സ അപകടം വരുത്തി വെക്കും എന്നുള്ളത് കൊണ്ട് തന്നെ ഒരിക്കലും ഡോക്ടറെ കാണുന്നതിന് വിമുഖത കാണിക്കരുത്.

most read:ഉറക്കത്തെ തടസ്സപ്പെടുത്തി അനാരോഗ്യം കൂട്ടും രാത്രി ശീലങ്ങള്‍