Click it and Unblock the Notifications
Latest Updates
-
രാഹുകാലവും യമകണ്ഠവും: കൃത്യമായ സമയം അറിയാൻ ഈ ലളിതമായ വഴികൾ പരീക്ഷിക്കൂ -
ദീപാവലിക്ക് വീട് വൃത്തിയാക്കുമ്പോൾ ഈ വാസ്തു തെറ്റുകൾ വരുത്തരുത്; ഐശ്വര്യം നഷ്ടപ്പെടാം -
ബുധാദിത്യ യോഗം: നവംബർ 4 മുതൽ 6 വരെ ശ്രദ്ധിക്കേണ്ട കാര്യങ്ങൾ ഇതാ -
ധൻതേരസ് ഷോപ്പിംഗ്: ലക്ഷ്മി യോഗം നോക്കി സ്വർണം വാങ്ങുമ്പോൾ ഈ കാര്യങ്ങൾ മറക്കരുത്! -
ധൻതേരാസിന് തൊട്ടുമുമ്പ് സ്വർണവിലയിൽ വൻ കുതിപ്പ്; ഇന്നത്തെ നിരക്കുകൾ ഇങ്ങനെ -
നവംബർ 6-ന് ശുക്രൻ കന്നി രാശിയിലേക്ക്: വക്രഗതിയിൽ ഈ 12 രാശിക്കാർക്കും കരുതലോടെയുള്ള മാറ്റങ്ങൾ -
ദീപാവലി മുഹൂർത്ത ട്രേഡിങ്: ലാഭകരമാക്കാൻ ഈ കാര്യങ്ങൾ ശ്രദ്ധിക്കൂ, സമയക്രമം ഇങ്ങനെ -
ദീപാവലി: വീട്ടിൽ ലളിതമായി ലക്ഷ്മീപൂജ നടത്താം; ഈ കാര്യങ്ങൾ ശ്രദ്ധിച്ചാൽ ഐശ്വര്യം കൂടും -
ധൻതേരസ് 2026: സ്വർണ്ണവും ഗാഡ്ജറ്റുകളും വാങ്ങാൻ ഭാഗ്യമുള്ള രാശികൾ; ഒപ്പം ശ്രദ്ധിക്കേണ്ട സുരക്ഷാ ടിപ്സുകൾ! -
2026 നവംബർ 5 നക്ഷത്രഫലം: ഈ നക്ഷത്രക്കാർക്ക് ഇന്ന് ധനയോഗം, സ്വർണം വാങ്ങുമ്പോൾ ഈ കാര്യങ്ങൾ മറക്കരുത്!
ഒരു ദിവസം എത്ര ആപ്പിള്‍ കഴിക്കാം ? അധികമായാല്‍ ..
'ഒരു ദിവസം ഒരു ആപ്പിള്‍ ഡോക്ടറെ അകറ്റുന്നു' എന്ന ചൊല്ല് നിങ്ങള്‍ കേട്ടിട്ടുണ്ടാവും. തികച്ചും ശരിയാണ്, ഒരു അത്ഭുത ഫലമാണ് ആപ്പിള്‍. വിറ്റാമിന്‍ സി, ഫൈബര്‍, പൊട്ടാസ്യം എന്നിവയുള്‍പ്പെടെയുള്ള പോഷകങ്ങളുടെ ഒരു കലവറയാണ് ഈ പഴവര്‍ഗ്ഗം. ഇവയെല്ലാം നമ്മുടെ ആരോഗ്യത്തെ മികച്ചതാക്കാന്‍ സഹായിക്കുന്നു.
പക്ഷേ ആപ്പിളിന്റെ അമിതമായ ഉപയോഗം ആരോഗ്യത്തെ ദോഷകരമായി ബാധിക്കുമെന്നും അറിഞ്ഞിരിക്കുക. വളരെയധികം ആപ്പിള്‍ കഴിക്കുന്നത് നിങ്ങളുടെ ആരോഗ്യത്തെ പ്രതികൂലമായി ബാധിക്കും. ആപ്പിളിന്റെ കുറച്ച് പാര്‍ശ്വഫലങ്ങള്‍ അറിയുന്നതിന് ലേഖനം വായിക്കൂ.
ആരോഗ്യ സംബന്ധിയായ ലേഖനങ്ങള്‍ക്ക് ഞങ്ങളുടെ ഫേസ്ബുക്ക് പേജ് ലൈക്ക് ചെയ്യൂ.
ഒരു ദിവസം എത്ര ആപ്പിള്‍ കഴിക്കാം?
ഒരു വ്യക്തിക്ക് ഒരു ദിവസം ഒന്നോ രണ്ടോ ആപ്പിള്‍ കഴിക്കാം. അതിനേക്കാള്‍ കൂടുതല്‍ നിങ്ങള്‍ കഴിക്കുകയാണെങ്കില്‍, നിങ്ങള്‍ക്ക് അപകടകരവും അസുഖകരവുമായ ചില പാര്‍ശ്വഫലങ്ങള്‍ നേരിടേണ്ടിവന്നേക്കാം.
ദഹന പ്രശ്നങ്ങള്‍
ദഹന ആരോഗ്യം മെച്ചപ്പെടുത്താന്‍ മികച്ചതാണ് ഫൈബര്‍. ആപ്പിളില്‍ ഇത് കൂടുതലായി അടങ്ങിയിട്ടുണ്ട്. എന്നാല്‍, അമിതമായ ഫൈബര്‍ ഉപയോഗം വിപരീത ഫലത്തിനും കാരണമാകും. ഇത് ശരീരവണ്ണം, മലബന്ധം എന്നിവയിലേക്ക് നിങ്ങളെ നയിക്കുന്നു. ദിവസവും ഒരു വ്യക്തിക്ക് 20-40 ഗ്രാം ഫൈബര്‍ ആവശ്യമാണ്. ഇത് അവരുടെ പ്രായത്തെയും ലിംഗഭേദത്തെയും ആശ്രയിച്ച് മാറിവരാം. നിങ്ങള്‍ ദിവസവും നാരുകളടങ്ങിയ മറ്റ് ഭക്ഷണങ്ങളും കഴിക്കുന്നുവെന്ന് ഓര്‍മിക്കേണ്ടതുണ്ട്. ഒരു ദിവസം രണ്ടില്‍ കൂടുതല്‍ ആപ്പിളുകള്‍ കഴിച്ചാല്‍ നിങ്ങള്‍ക്ക് ഗുരുതരമായ ദഹന ബുദ്ധിമുട്ടുകള്‍ നേരിടേണ്ടിവരാം.
രക്തത്തിലെ പഞ്ചസാരയുടെ അളവില്‍ മാറ്റം
ഊര്‍ജ്ജസ്രോതസ്സായ കാര്‍ബോഹൈഡ്രേറ്റുകള്‍ ആപ്പിളില്‍ വളരെ കൂടുതലാണ്. ആപ്പിള്‍ കഴിക്കുന്നത് നിങ്ങളുടെ മാനസികനില ഉയര്‍ത്തുന്നു. കാരണം ഇത് സെറോടോണിന്‍ പോലുള്ള ന്യൂറോ ട്രാന്‍സ്മിറ്ററുകളെ ഉത്തേജിപ്പിക്കുന്നു. എന്നാല്‍ അളവിലധികമായി ആപ്പിള്‍ കഴിക്കുന്നത് രക്തത്തിലെ പഞ്ചസാര വര്‍ദ്ധിപ്പിക്കാന്‍ കാരണമാകും. ഇതില്‍ കാര്‍ബോഹൈഡ്രേറ്റ് അടങ്ങിയിട്ടുണ്ട് എന്നതുതന്നെ കാരണം. പ്രമേഹ രോഗികള്‍ കാര്‍ബോഹൈഡ്രേറ്റ് അധികം കഴിക്കരുതെന്ന് പറയാറുണ്ട്. പഴത്തിന്റെ രൂപത്തില്‍ പോലും അധികമായി പഞ്ചസാര അകത്തെത്തുന്നത് ഇന്‍സുലിന്‍ സംവേദനക്ഷമതയെ ദുര്‍ബലപ്പെടുത്തുകയും പ്രമേഹ ചികിത്സയെ തടസ്സപ്പെടുത്തുകയും ചെയ്യും.
ശരീരഭാരം വര്‍ദ്ധിക്കാം
കാര്‍ബോഹൈഡ്രേറ്റ് അടങ്ങിയിരിക്കുന്നതിനാല്‍ ആപ്പിള്‍ കഴിക്കുന്നതിലൂടെ ഉടനടി ഊര്‍ജ്ജം ലഭിക്കുന്നു. എന്നാല്‍ ഇതിന്റെ അമിത ഉപയോഗം നിങ്ങളുടെ ശരീരഭാരം വര്‍ദ്ധിപ്പിക്കും. കാരണം അധികമായ കാര്‍ബോഹൈഡ്രേറ്റ് കഴിക്കുന്നത് ശരീരഭാരം വര്‍ധിക്കാന്‍ കാരണമാകുന്നു. കൂടുതല്‍ ആപ്പിള്‍ കഴിക്കുന്നത് ശരീരത്തെ കൊഴുപ്പ് അലിയിക്കുന്നതില്‍ നിന്ന് തടയുകയും ചെയ്യുന്നു.
പല്ലുകള്‍ക്ക് ദോഷം
സോഡയേക്കാള്‍ അസിഡിറ്റി അടങ്ങിയതാണ് ആപ്പിള്‍. വളരെയധികം ആപ്പിള്‍ കഴിക്കുന്നത് നിങ്ങളുടെ പല്ലിന് കേടുവരുത്തും. എന്നാല്‍ നിങ്ങള്‍ ഒരു ദിവസം ഒരു ആപ്പിള്‍ മാത്രം കഴിക്കുന്നുവെങ്കില്‍ നിങ്ങളുടെ പല്ലുകളെക്കുറിച്ച് വളരെയധികം വിഷമിക്കേണ്ടതില്ല.
Continue with Google
