ഇവയിങ്ങനെ : രഹസ്യഭാഗ ദുര്‍ഗന്ധം പോകും....

സിട്രസ് പഴ വര്‍ഗങ്ങള്‍

സിട്രസ് പഴ വര്‍ഗങ്ങള്‍ കഴിയ്ക്കുന്നത് രഹസ്യഭാഗത്തെ ദുര്‍ഗന്ധത്തിനുള്ള നല്ലൊരു പരിഹാരമാണ്. ഇതിലെ വൈറ്റമിന്‍ സി ബാക്ടീരിയല്‍ ഇന്‍ഫെക്ഷനുകള്‍ തടയാന്‍ ഏറെ നല്ലതാണ്. ഇവ അണുബാധയ്ക്കുള്ള നല്ലൊരു പരിഹാരം കൂടിയാണ്. ഇവ കഴിയ്ക്കുന്നതും ഇവ ജ്യൂസാക്കി കുടിയ്ക്കുന്നതും നല്ലതാണ്. ഇവ ചെറുതായി അരിഞ്ഞ് ഒരു ലിറ്റര്‍ വെള്ളത്തില്‍ രാത്രി മുഴുവന്‍ ഇട്ടു വച്ച് രാവിലെ ഇതു കുടിയ്ക്കുന്നതും ഏറെ ഗുണം ചെയ്യും. മുസമ്പി, ഓറഞ്ച്, ചെറുനാരങ്ങ എന്നിവയെല്ലാം വൈറ്റമിന്‍ സി സമ്പുഷ്ടമാണ്. ഇവ ശരീരത്തിലെ പിഎച്ച് ബാലന്‍സ് നില നിര്‍ത്താനും വജൈനല്‍ ഭാഗത്ത് ഇന്‍ഫെക്ഷന്‍ പോലുള്ളവ മാറാനും സഹായിക്കും.

നട്‌സ്, സീഡുകള്‍,

നട്‌സ്, സീഡുകള്‍, അതായത് ബദാം, മത്തന്‍ കുരു പോലുള്ളവയെല്ലാം തന്നെ ഈ പ്രശ്‌നത്തിനുള്ള നല്ലൊരു പരിഹാരമാണ്. ഇവയിലെ സിങ്ക്, വൈറ്റമിന്‍ ഇ എന്നിവയെല്ലാം തന്നെ ഏറെ നല്ലതാണ്. ഇവ ബാക്ടീരിയല്‍ വളര്‍ച്ചയേയും ഈ ഭാഗത്തെ ദുര്‍ഗന്ധത്തേയുമെല്ലാം നീക്കാന്‍ ഗുണകരമാണ്. ഇവയക്കു പുറമേ വാള്‍നട്‌സ്, ഫ്‌ളാക്‌സ സീഡുകള്‍ എന്നിവയും ഏറെ നല്ലതാണ്. ഇവയിലെ ഒമേഗ 3 ഫാറ്റി ആസിഡുകള്‍, പോളി ഈസ്ട്രജനുകള്‍ എന്നിവയാണ് ഗുണകരമാകുന്നത്. 4 ബദാം, 2 ഹേസല്‍ നട്‌സ്, 1 ടേഭില്‍ സ്പൂണ്‍ ഫ്‌ളാക്‌സ് സീഡ് പൗഡര്‍, ഒരു കപ്പു പാല്‍ എന്നിവയാണ് വേണ്ടത്. ബദാം വെള്ളത്തില്‍ കുതിര്‍ത്തുക. ഇതിന്റെ തോല്‍ കളഞ്ഞു മിക്‌സിയില്‍ അടിയ്ക്കുക. ഇതു പോലെ ഹേസല്‍ നട്‌സും അടിയ്ക്കുക. ഇവയെല്ലാം പൊടിയാക്കി പാലും ചേര്‍ത്തു വീണ്ടും അടിയ്ക്കാം. വാങ്ങി ഇതിലേയ്ക്ക് ഫ്‌ളാക്‌സ് സീഡ് പൗഡര്‍ ചേര്‍ത്തിളക്കി കുടിയ്ക്കാം.

പേരയില

പേരയില രഹസ്യഭാഗ ദുര്‍ഗന്ധത്തിനുള്ള നല്ലൊരു പരിഹാരമാണ്. 4-5 പേരയില ഒരു ലിറ്റര്‍ വെള്ളത്തിലിട്ട് തിളപ്പിയ്ക്കുക. വെള്ളം പകുതിയാകുന്നതു വരെ തിളപ്പിയ്ക്കണം. ശേഷം ഇതു കുടിയ്ക്കാം. ഈ വെള്ളം കൊണ്ടു രഹസ്യഭാഗം കഴുകുന്നതും നല്ലതാണ്.

മഞ്ഞള്‍പ്പൊടി

അണുബാധകള്‍ക്കുള്ള ഏറ്റവും നല്ലൊരു മരുന്നാണ് മഞ്ഞള്‍പ്പൊടി. ഇതിന് ആന്റിമൈക്രോബിയല്‍, ആന്റിഓക്‌സിഡന്റ് ഗുണങ്ങളുണ്ട്. മഞ്ഞള്‍പ്പൊടി പാലിലിട്ടു തിളപ്പിച്ച് കിടക്കാന്‍ നേരം കുടിയ്ക്കാം. പച്ചമഞ്ഞള്‍ തൊലി കളഞ്ഞു ചതച്ച് രാവിലെ വെറും വയറ്റില്‍ കടിച്ചു ചവച്ചു കഴിയ്കാം. ഇത് ഒരു ലിറ്റര്‍ വെള്ളത്തിലിട്ട് ഈ വെള്ളം പകുതിയാകുന്നതു വരെ തിളപ്പിച്ചു കുടിയ്ക്കാം. ഈ വെള്ളം കൊണ്ട് രഹസ്യഭാഗം കഴുകാം. ആഴ്ചയില്‍ രണ്ടു ദിവസമെങ്കിലും ഈ വെളളം കൊണ്ടു കഴുകുക.

നെല്ലിക്ക

രഹസ്യഭാഗ ദുര്‍ഗന്ധത്തിനുള്ള നല്ലൊരു പരിഹാരമാണ് നെല്ലിക്ക. 2 നെല്ലിക്ക, അര ടീസ്പൂണ്‍ വറുത്ത ജീരകപ്പൊടി, ഒരു നുള്ള് ഉപ്പ്, ഒരു ഗ്ലാസ് വെള്ളംഎന്നിവയാണ് ഇതിനായി വേണ്ടത്. നെല്ലിക്ക കുരു നീക്കി അരക്കുക. ഇതില്‍ ജീരകപ്പൊടി, ഉപ്പ് എന്നിവയും കലര്‍ത്തി വെള്ളത്തില്‍ കലക്കി കുടിയ്ക്കുക. ഇത് നല്ലപോലെ ഇളക്കി വേണം കുടിയ്ക്കാന്‍. ഒരാഴ്ചക്കാലം ഇതു ചെയ്യുക. നെല്ലിക്കയില്‍ ഉപ്പു പുരട്ടി വെയിലത്തു വച്ചുണക്കിയും കഴിയ്ക്കാം. ദിവസവും നെല്ലിക്കാജ്യൂസ് വെറുംവയറ്റില്‍ കുടിയ്ക്കുന്നതും വജൈനല്‍ ഭാഗത്തെ ദുര്‍ഗന്ധമകറ്റാന്‍ ഏറെ ഗുണകരമാണ്.

തൈര്

തൈര് ഈ ഭാഗത്തെ ആരോഗ്യകരമായ ബാക്ടീരിയകളുടെ വളര്‍ച്ചയ്ക്കും ഈ ഭാഗത്തെ പിഎച്ച് നില നിര്‍ത്താനും ഏറെ നല്ലതാണ് . 1-2 ടീസ്പൂണ്‍ തൈര്, 1 ടാമ്പൂണ്‍ എന്നിവയാണ് ഇതിനായി വേണ്ടത്. ടാമ്പൂണ്‍ തൈരില്‍ മുക്കി വജൈനല്‍ ഭാഗത്തു വയ്ക്കുക. ഇത് ഒരു മണിക്കൂര്‍ കഴിഞ്ഞു മാറ്റി ഈ ഭാഗം കഴുകാം. അണുബാധകള്‍ മാറ്റാനുള്ള തികച്ചും സ്വാഭാവികമായ വഴി കൂടിയാണിത്. തൈരു ദിവസവും ഭക്ഷണത്തില്‍ ഉള്‍പ്പെടുത്തുന്നതും ഗുണം നല്‍കും. ഇതിലെ പ്രോബയോട്ടിക്‌സ് ആണ് ഗുണകരമായുള്ളത്.

ഉലുവ

ഉലുവാ വെള്ളവും രഹസ്യ ഭാഗത്തെ ദുര്‍ഗന്ധത്തിനുള്ള നല്ലൊരു പരിഹാരമാണ്. ഉലുവ വെള്ളത്തിലിട്ടു തിളപ്പിയ്ക്കുക. വെള്ളം പകുതിയാകുന്നതു വരെ ചെറുചൂടില്‍ വേണം തിളപ്പിയ്ക്കാന്‍. പിന്നീട് ഈ വെള്ളം ചൂടാറുമ്പോള്‍ കുടിയ്ക്കാം. ഇത് പ്രാതലിനു മുന്‍പായി വേണം, കുടിയ്ക്കാന്‍.