കുട്ടികളില്‍ കൊവിഡ് ലക്ഷണം രണ്ട് മാസമെങ്കിലും നിലനില്‍ക്കും: പഠനം

കുട്ടികളില്‍ കൊവിഡ് ലക്ഷണം

2020 ജനുവരിക്കും 2021 ജൂലൈക്കും ഇടയില്‍ കൊവിഡ് പോസിറ്റീവ് ആയ 11000 കുട്ടികളിലാണ് ഇത്തരമൊരു പഠനം നടത്തിയത്. കുട്ടികളില്‍ നിലനില്‍ക്കുന്ന ദീര്‍ഘകാല കൊവിഡ് അവരുടെ പഠന നിലവാരത്തേയും ബാധിക്കുന്നുണ്ട് എന്നാണ് പറയുന്നത്. കുട്ടികളില്‍ ഉണ്ടാവുന്ന മൂഡ് മാറ്റങ്ങള്‍, ചര്‍മ്മത്തിലുണ്ടാവുന്ന തിണര്‍പ്പുകള്‍, വയറ്വേദന തുടങ്ങിയ ലക്ഷണങ്ങളാണ് ദീര്‍ഘകാല കൊവിഡ് ലക്ഷണങ്ങളായി മൂന്ന് വയസ്സ് വരെയുള്ള കുട്ടികളില്‍ കണ്ടെത്തിയത്.

കുട്ടികളില്‍ കൊവിഡ് ലക്ഷണം

എല്ലാ കുട്ടികളിലും മഹാമാരി എങ്ങനെയെല്ലാം ബാധിക്കുന്നുണ്ട് എന്നതിനെക്കുറിച്ച് കൂടുതല്‍ പഠനങ്ങള്‍ ആവശ്യമാണ് എന്നാണ് ഗവേഷകാഭിപ്രായം. ഓര്‍മ്മ പ്രശ്‌നം പോലുള്ള അവസ്ഥകള്‍ കുട്ടികളില്‍ ഉണ്ടാവുന്നുണ്ട്. 12-14 വയസ്സ് വരെയുള്ള കുട്ടികളില്‍ പക്ഷേ അല്‍പം കൂടി കൂടുതല്‍ ലക്ഷണങ്ങള്‍ കണ്ടെത്തിയിട്ടുണ്ട്. ക്ഷീണം, ശ്രദ്ധക്കുറവ്, ഓര്‍മ്മക്കുറവ്, മൂഡ് മാറ്റം എന്നിവയാണ് ഇവരില്‍ കാണപ്പെടുന്ന ലക്ഷണം.

കുട്ടികളില്‍ കൊവിഡ് ലക്ഷണം

യുവാക്കളില്‍ ഉണ്ടാവുന്ന ലക്ഷണങ്ങളെ പലപ്പോഴും മുന്‍കാല പഠനങ്ങളില്‍ പറയുന്നുണ്ട്. കുട്ടികളില്‍ സാധാരണമായി കണ്ടെത്തിയ 23 ലക്ഷണങ്ങളെക്കുറിച്ച് ഈ പഠനത്തില്‍ പറയുന്നു. എല്ലാ പ്രായത്തിലുള്ള കുട്ടികളിലും രണ്ട് മാസമോ അതില്‍ കൂടുതലോ ഒരു ലക്ഷണമെങ്കിലും അനുഭവപ്പെടാന്‍ സാധ്യതയുണ്ടെന്നാണ് പഠനഫലങ്ങള്‍ പറയുന്നത്. 0-3 വയസ് പ്രായമുള്ളവരില്‍, COVID-19 ബാധിച്ചവരില്‍ 40 ശതമാനം പേര്‍ക്കും (1,194 കുട്ടികളില്‍ 478 പേര്‍) രണ്ട് മാസത്തിലധികം രോഗലക്ഷണങ്ങള്‍ ഉണ്ടായിരുന്നു എന്നാണ് പഠനം പറയുന്നത്.

കുട്ടികളില്‍ കൊവിഡ് ലക്ഷണം

കൊവിഡ് പോസിറ്റീവ് ആയ കുട്ടികളില്‍ അണുബാധയ്ക്ക് മുമ്പ് ഇല്ലാത്ത ലക്ഷണങ്ങള്‍ പലപ്പോഴും രോഗത്തിന് ശേഷം രണ്ട് മാസം വരെ നിലനില്‍ക്കുന്നതായി ഗവേഷകര്‍ പറഞ്ഞു. കൂടാതെ, രോഗലക്ഷണങ്ങളുടെ ദൈര്‍ഘ്യം കൂടുന്നതിനനുസരിച്ച്, കുട്ടികളുടെ എണ്ണത്തിലും മാറ്റം വരുന്നു. എന്നാല്‍ രോഗം ബാധിച്ച കുട്ടികളില്‍ ആശങ്കകള്‍ കുറവായിരുന്നു എന്നതും റിപ്പോര്‍ട്ട് കൂട്ടി ചേര്‍ക്കുന്നു. കുട്ടികളിലെ ദീര്‍ഘകാല ലക്ഷണങ്ങളെക്കുറിച്ച് കൂടുതല്‍ ഗവേഷണങ്ങള്‍ ആവശ്യമാണ് എന്ന് ഗവേഷണത്തിന് ശേഷം ഗവേഷകര്‍ അറിയിച്ചു.