Click it and Unblock the Notifications
Latest Updates
-
ഓഗസ്റ്റ് 18: ഇന്നത്തെ അമൃതകാളം അറിയാം, ഈ സമയത്ത് കാര്യങ്ങൾ ചെയ്താൽ വിജയം ഉറപ്പ്! -
ഓണം നാളിലെ അപൂർവ്വ ഗ്രഹയോഗം: സർവ്വാർത്ഥ സിദ്ധി യോഗത്തിൽ ഇന്ന് ഈ കാര്യങ്ങൾ ചെയ്താൽ നേട്ടം ഉറപ്പ് -
ഓണക്കാലത്ത് സലൂൺ ഓഫറുകൾക്ക് പിന്നാലെ പോകും മുൻപ് ഇത് ശ്രദ്ധിക്കൂ, മുടി കൊഴിച്ചിൽ ഒഴിവാക്കാം -
ഓണക്കോടി വാങ്ങിയോ? കഴുകാതെ ധരിച്ചാൽ പണി കിട്ടും, ചർമ്മത്തെ കാക്കാൻ ഈ മുൻകരുതലുകൾ -
ഓണത്തിന് വീട് ഒരുക്കുമ്പോൾ ബാത്ത്റൂമിൽ ഈ മാറ്റങ്ങൾ വരുത്തൂ; വാസ്തു പ്രകാരം പോസിറ്റീവ് ഊർജ്ജം നിറയ്ക്കാം -
ഓണസദ്യ ഉണ്ണുമ്പോൾ ഇരിപ്പിടം എങ്ങോട്ടാകണം? വാസ്തു പറയുന്ന ഈ കാര്യങ്ങൾ ശ്രദ്ധിക്കൂ -
ഓണത്തിന് വീട്ടിൽ ഐശ്വര്യം നിറയാൻ പൂജാമുറി ഇങ്ങനെ ഒരുക്കൂ; വാസ്തു പറയുന്നത് ഇതാണ് -
ഓണം പർച്ചേസ്: വാലറ്റിൽ ഈ മാറ്റങ്ങൾ വരുത്തിയാൽ പണം ഇരട്ടിയാകും; വാസ്തു പറയുന്നത് ഇതാണ് -
ഫ്ലാറ്റിലെ ഷൂ റാക്ക് എവിടെ വെക്കണം? വാസ്തു പ്രകാരം ഈ മാറ്റങ്ങൾ വരുത്തിയാൽ വീട്ടിൽ ഐശ്വര്യം നിറയും! -
ഓണത്തിന് വീടൊരുക്കുമ്പോൾ ശ്രദ്ധിക്കുക; ഷൂ റാക്ക് വയ്ക്കുന്നതിൽ ഈ തെറ്റുകൾ വരുത്തിയാൽ ദോഷം!
സ്ട്രോക്ക് എന്ന വില്ലനെ നേരിടാം; ഈ മാറ്റം ശീലമാക്കൂ
വേള്ഡ് സ്ട്രോക്ക് ഓര്ഗനൈസേഷന്റെ കണക്കനുസരിച്ച്, 25 വയസ്സിനു മുകളിലുള്ള നാലില് ഒരാള്ക്ക് അവരുടെ ജീവിതത്തില് സ്ട്രോക്ക് ഉണ്ടാകുമെന്ന് കാണിക്കുന്നു. ഇന്ത്യയിലെ മരണങ്ങളിലും ശാരീരിക വൈകല്യത്തിനും പ്രധാന കാരണങ്ങളിലൊന്നാണ് സ്ട്രോക്ക്. ഹൃദയാഘാതത്തിന് സമാനമായ മസ്തിഷ്ക ആഘാതമാണിത്. ഹൃദയാഘാതത്തില് ഹൃദയത്തിന്റെ രക്തക്കുഴല് തടസ്സപ്പെടുകയും രക്ത വിതരണം കുറയുകയും ആ പ്രദേശം നശിപ്പിക്കുകയും ചെയ്യുന്നു. സ്ട്രോക്കിലാണെങ്കില്, തലച്ചോറിലേക്കുള്ള രക്തക്കുഴലുകള് തടസപ്പെടുന്ന പ്രക്രിയയാണ് സംഭവിക്കുന്നത്. തലച്ചോറിന്റെ ഒരു ഭാഗത്തിന് ആവശ്യമായ രക്ത വിതരണം ലഭിക്കാത്തതിനാല് ആ പ്രദേശം നശിക്കുന്നു. ഇത് ഒരു വ്യക്തിയുടെ തലച്ചോറിന്റെ പ്രവര്ത്തനം തകരാറിലാക്കുന്നു. തലച്ചോറിന്റെ ഇത്തരം തകരാറിലായ ഭാഗം വീണ്ടെടുക്കാനാവില്ല, ഇത് പിന്നീടുള്ള ജീവിതത്തിന് എന്തെങ്കിലും തരത്തില് വൈകല്യങ്ങള്ക്ക് വഴിവയ്ക്കുകയും ചെയ്യുന്നു.
ഇന്ത്യയില് ഓരോ 20 സെക്കന്ഡിലും ഒരാള്ക്ക് മസ്തിഷ്കാഘാതം സംഭവിക്കുന്നുവെന്നും ജീവിതശൈലി മാറുന്നതിനാല് ഈ എണ്ണം അപകടകരമായ തോതില് വര്ദ്ധിക്കുന്നുവെന്നും അടുത്തിടെ പുറത്തുവന്ന ഒരു റിപ്പോര്ട്ട് വെളിപ്പെടുത്തുന്നു. അതായത് ഓരോ മിനിറ്റിലും ഏകദേശം മൂന്ന് വ്യക്തികള്ക്ക് പക്ഷാഘാതം സംഭവിക്കുന്നു എന്നര്ത്ഥം. ആരോഗ്യ വിദഗ്ധരുടെ അഭിപ്രായത്തില്, 55 വയസ്സിന് മുകളിലുള്ള പുരുഷന്മാര്ക്ക് പക്ഷാഘാത സാധ്യത 6 ല് 1 ആണ്, അതേസമയം സ്ത്രീകള്ക്ക് ഇത് 5 ല് 1 ആണ്. പല ഘടകങ്ങളും നിങ്ങളുടെ പക്ഷാഘാത സാധ്യത വര്ദ്ധിപ്പിക്കും. പക്ഷാഘാതത്തിന്റെ ലക്ഷണങ്ങള് വളരെ പെട്ടെന്ന് ഉണ്ടായേക്കാം. തലവേദന പോലെയോ ചെന്നിക്കുത്ത് പോലെയോ പെട്ടെന്നുണ്ടാകുന്ന അതികഠിനമായ ക്ഷീണം പോലെയോ ആകാം ഇത്. എന്നാല്, നിങ്ങള്ക്ക് ഇത് തടയാന് ചെയ്യാന് കഴിയുന്ന നിരവധി കാര്യങ്ങളുണ്ട്.
ഇസ്കീമിക് സ്ട്രോക്ക്
രക്തം കട്ടപിടിച്ചതിനാലുള്ള തടസ്സം മൂലമുള്ള പക്ഷാഘാതത്തിന് 'ഇസ്കീമിക് സ്ട്രോക്' എന്നു പറയും. മിക്കവാറും പക്ഷാഘാതവും ഈ വിഭാഗത്തില് ഉള്പ്പെടുന്നവയാണ്. എല്ലാ സ്ട്രോക്ക് കേസുകളിലും വച്ച് 80% ഇത്തരത്തിലുള്ളതാണ്. ഈ അവസ്ഥയില്, നിങ്ങളുടെ തലച്ചോറിലേക്കുള്ള ധമനികള് ഇടുങ്ങിയതോ തടയപ്പെട്ടതോ ആയി രക്തപ്രവാഹം ഗണ്യമായി കുറയുന്നു.
ഹെമറേജിക് സ്ട്രോക്ക്
ദുര്ബലമായ രക്തക്കുഴല് വിണ്ടുകീറുകയും രക്തക്കുഴലില് നിന്ന് രക്തം പുറത്തുവന്ന് തലച്ചോറിലെത്തുകയും ചെയ്യുമ്പോള് ഹെമറേജിക് സ്ട്രോക്ക് സംഭവിക്കുന്നു. എല്ലാ സ്ട്രോക്ക് കേസുകളിലും വച്ച് 10-20% ഇത്തരത്തിലുള്ളതാണ്.
അപകടസാധ്യതാ ഘടകങ്ങള്
* രക്താതിമര്ദ്ദം
* ഉയര്ന്ന കൊളസ്ട്രോള് നില
* രോഗത്തിന്റെ കുടുംബ ചരിത്രം
* പുകവലി
* അമിതവണ്ണം
* പ്രായം
ജീവിതകാലത്ത് ഒരാള്ക്ക് സ്ട്രോക്കില് നിന്ന് രക്ഷ നേടാനായി സ്വീകരിക്കേണ്ട ജീവിതശൈലീ മാറ്റങ്ങള് ഇതാണ്:
ശാരീരികമായി സജീവമായിരിക്കുക
ഉദാസീനമായ ഒരു ജീവിതശൈലി നയിക്കുന്നത് ശരീരഭാരം കൂടാനും അമിതവണ്ണം വരാനും കാരണമാകുന്നു. ഇത് പിന്നീട് പ്രമേഹത്തിനും ഉയര്ന്ന രക്തസമ്മര്ദ്ദത്തിനും കാരണമാകും. ദിവസവും 15-30 മിനിറ്റ് വ്യായാമം ചെയ്യുന്നത് നിങ്ങളുടെ ആരോഗ്യത്തിന് നന്നായിരിക്കും. ബാഡ്മിന്റണ്, ക്രിക്കറ്റ്, ജോഗിംഗ് അല്ലെങ്കില് നടത്തം പോലുള്ള ശാരീരിക പ്രവര്ത്തനങ്ങളില് ഏര്പ്പെടുന്നത് ഉത്തമമായിരിക്കും.
ആരോഗ്യകരമായ ഭക്ഷണം കഴിക്കുക
പോഷകസമൃദ്ധവും സമീകൃതവുമായ ഭക്ഷണം കഴിക്കുന്നതിലൂടെ ആരോഗ്യകരമായ ഒരു ജീവിതരീതി നിലനിര്ത്തുന്നത് പക്ഷാഘാതവുമായി ബന്ധപ്പെട്ട ആരോഗ്യ പ്രശ്നങ്ങള് ഉണ്ടാകാനുള്ള സാധ്യത കുറയ്ക്കും. നാരുകള് അടങ്ങിയതും കൊഴുപ്പ് കുറഞ്ഞതുമായ ഭക്ഷണം കഴിക്കുന്നതാണ് ഉത്തമം. വിറ്റാമിനുകളും ധാതുക്കളും വേണ്ടത്ര ശരീരത്തില് എത്തുന്നതിനായി ധാരാളം പഴങ്ങള്, ഇലക്കറികള്, പച്ചക്കറികള്, മത്സ്യം, ലീന് മാംസം എന്നിവ കഴിക്കുക.
പുകവലി ഉപേക്ഷിക്കുക
അടഞ്ഞുപോയ രക്തക്കുഴലുകളുടെ അപകടസാധ്യത വര്ദ്ധിപ്പിക്കുകയും ഫലകത്തിന്റെ ബില്ഡ്-അപ്പ് ധമനികളിലേക്ക് നയിക്കുകയും ചെയ്യാന് പുകവലി കാരണമാകുന്നു. കൂടാതെ, പുകവലിക്കുന്നതിലൂടെയോ അമിതമായ മദ്യപാനത്തിലൂടെയോ ശരീരഭാരം ഉയരാനും ഉയര്ന്ന രക്തസമ്മര്ദ്ദം, രക്താതിമര്ദ്ദം എന്നിവയ്ക്കും കാരണമാകും. അതുവഴി പക്ഷാഘാത സാധ്യത വര്ദ്ധിക്കുകയും ചെയ്യും.
കൊളസ്ട്രോള് നിയന്ത്രിക്കുക
കൊളസ്ട്രോളിന്റെ അളവിലെ അസന്തുലിതാവസ്ഥ ഹൃദയത്തിനും തലച്ചോറിനും ദോഷം ചെയ്യും. പൂരിത കൊഴുപ്പ് കുറവുള്ള ഭക്ഷണം കഴിക്കുന്നത്, വ്യായാമം, കൊളസ്ട്രോള് കുറയ്ക്കുന്ന മരുന്നുകള് എന്നിവ കൊളസ്ട്രോളിനെ നിയന്ത്രണത്തിലാക്കാനും പക്ഷാഘാത സാധ്യത ഒഴിവാക്കാനും സഹായിക്കും.
രക്തസമ്മര്ദ്ദം നിയന്ത്രിക്കുക
സ്ഥിരമായി ഉയര്ന്ന രക്തസമ്മര്ദ്ദം ഫലകം വര്ധിപ്പിക്കുകയും ധമനിയുടെ മതിലുകള് 4 മുതല് 6 വരെ മടങ്ങ് കൂടുതല് കട്ടിയാക്കുകയും ചെയ്യും. ഇത് ഹൃദയാഘാതത്തിനോ അല്ലെങ്കില് പക്ഷാഘാതത്തിനോ കാരണമാകുന്നു. സോഡിയം, മദ്യം, കഫീന് എന്നിവയുടെ അളവ് കുറയ്ക്കുന്നതിലൂടെ നിങ്ങള്ക്ക് രക്തസമ്മര്ദ്ദം നിയന്ത്രിക്കാം. പതിവായി ശാരീരിക പ്രവര്ത്തനങ്ങളില് ഏര്പ്പെടുന്നതും രക്തസമ്മര്ദ്ദം നിയന്ത്രിക്കുന്നതിനുള്ള വഴിയാണ്.
രോഗങ്ങളെ ശ്രദ്ധിക്കുക
പ്രമേഹം, രക്താതിമര്ദ്ദം, ഉയര്ന്ന രക്തസമ്മര്ദ്ദം, ഏട്രല് ഫൈബ്രിലേഷന് അല്ലെങ്കില് മുമ്പ് ഹൃദയാഘാതം വന്നവര് തുടങ്ങിയ നിലവിലുള്ള രോഗാവസ്ഥകള് കൈകാര്യം ചെയ്യുന്നത് സ്ട്രോക്ക് നേരിടാന് നിര്ണ്ണായകമാണ്. മുമ്പ് ചെറിയ തരത്തില് സ്ട്രോക്ക് അനുഭവിച്ചിട്ടുണ്ടെങ്കിലും നിങ്ങള് ശ്രദ്ധിക്കണം. ഹൃദയാഘാതം സംഭവിച്ചിട്ടുണ്ടെങ്കിലോ ക്രമരഹിതമോ അസാധാരണമോ ആയ ഹൃദയമിടിപ്പ് അനുഭവപ്പെടുകയാണെങ്കിലോ സ്ട്രോക്കിനുള്ള സാധ്യത അറിയുന്നതിനായി ഡോക്ടറെ സമീപിക്കുക.
Continue with Google