തൈറോയ്ഡിനെ തുടക്കത്തിലേ മാനേജ് ചെയ്യാന്‍ ഡയറ്റ് ഉത്തമം

തൈറോയ്ഡും കുടലിന്റെ ആരോഗ്യവും

ഭക്ഷണത്തിലൂടെ എപ്രകാരം നമുക്ക് തൈറോയ്ഡ് നിയന്ത്രിക്കാം എന്നത് നമുക്ക് നോക്കാം. നിങ്ങള്‍ ഭക്ഷണം കഴിക്കുമ്പോള്‍ അത് ആദ്യം വായിലെ ഉമിനീരുമായാണ് കലരുന്നത്. പിന്നീട് അതിന്റെ അടുത്ത ഘട്ടം എന്നത് ആമാശയത്തിലേക്ക് എത്തുന്നു എന്നതാണ്. ഭക്ഷണം ചവച്ചരച്ചതിന് ശേഷം അത് വയറ്റിലേക്ക് എത്തുകയും എന്നാല്‍ ഹൈപ്പോതൈറോയ്ഡിസം ഉള്ള ഒരു വ്യക്തിയില്‍ ചവച്ച ഭക്ഷണം ദഹന വ്യവസ്ഥയിലൂടെ സഞ്ചരിക്കുന്നതിന് പലപ്പോഴും തടസ്സങ്ങള്‍ സൃഷ്ടിക്കുകയും ഇത് ദഹനക്കേടും കുടലിന്റെ ആരോഗ്യത്തിന് വെല്ലുവിളി ഉണ്ടാക്കുകയും ചെയ്യുന്നു. കാരണം നിങ്ങളുടെ രോഗപ്രതിരോധ സംവിധാനത്തിന്റെ 70 ശതമാനവും നിങ്ങളുടെ കുടലിലാണ് ഉള്ളത്. അതുകൊണ്ട് തന്നെ കുടലിലെ നല്ല ബാക്ടീരിയകള്‍ക്ക് അസന്തുലിതാവസ്ഥയുണ്ടാവുന്നു. ഇതില്‍ ഭക്ഷണത്തില്‍ ശ്രദ്ധിക്കേണ്ട കാര്യങ്ങള്‍ എന്തൊക്കെയെന്ന് നമുക്ക് നോക്കാം.

ട്രിഗര്‍ ഭക്ഷണങ്ങള്‍ ഒഴിവാക്കുക

നിങ്ങളില്‍ ഓട്ടോ ഇമ്മ്യൂണ്‍ ഡിസോര്‍ഡേഴ്‌സ് ഉള്ളവരാണെന്ന് കണ്ടെത്തിയാല്‍ ഇത്തരം അവസ്ഥകള്‍ വര്‍ദ്ധിപ്പിക്കുന്ന ഭക്ഷണങ്ങള്‍ ഏതൊക്കെയാണെന്ന് ആദ്യം കണ്ടെത്തുക. ഇവരുടെ പ്രധാന ട്രിഗറുകളില്‍ ഒന്നാണ് ഗ്ലൂറ്റന്‍. ഇത് വീക്കം ഉണ്ടാക്കുകയും തൈറോയ്ഡ് രോഗലക്ഷണങ്ങള്‍ വര്‍ദ്ധിപ്പിക്കുകയും ചെയ്യുന്നു. അതുകൊണ്ട് തന്നെ നിങ്ങള്‍ക്ക് തൈറോയ്ഡ് ഉണ്ടെങ്കില്‍ ഇത്തരം ഗ്ലൂട്ടന്‍ അടങ്ങിയ ഭക്ഷണങ്ങള്‍ ഒഴിവാക്കേണ്ടത് അത്യാവശ്യമാണ്. ഇത് കൂടാതെ കാര്‍ബോഹൈഡ്രേറ്റുകള്‍, ശുദ്ധീകരിച്ച പഞ്ചസാര, കൃത്രിമ മധുരപലഹാരങ്ങള്‍ എന്നിവയും പൂര്‍ണമായും ഒഴിവാക്കുന്നതിന് ശ്രദ്ധിക്കണം.

പ്രോബയോട്ടിക്‌സ്

പലപ്പോഴും തൈറോയ്ഡ് നിങ്ങളുടെ കുടലിന്റെ ആരോഗ്യത്തേയും ബാധിക്കുന്നുണ്ട് എന്ന് പറഞ്ഞുവല്ലോ. അതുകൊണ്ട് തന്നെ കുടലിന് ഹാനീകരമായ ഭക്ഷണങ്ങള്‍ ഒഴിവാക്കുന്നതിന് ശ്രദ്ധിക്കണം. അല്ലാത്ത പക്ഷം അത് നിങ്ങളുടെ തൈറോയ്ഡ് ഏറ്റക്കുറച്ചിലുകള്‍ക്ക് കാരണമാകുന്നു. അച്ചാറിട്ട പച്ചക്കറികള്‍, സോര്‍ക്രാട്ട്, തൈര് തുടങ്ങിയവയെല്ലാം നല്ല ഓപ്ഷനുകളാണ്. ഇവ കഴിക്കുന്നത് കുടലിലെ നല്ല ബാക്ടീരിയയുടെ വളര്‍ച്ചക്ക് കാരണമാകുന്നു. ഇത് നിങ്ങളുടെ ദഹനത്തിനും സഹായിക്കുന്നു. അതുകൊണ്ട് തന്നെ ഇത്തരം പ്രോബയോട്ടിക്‌സ് അടങ്ങിയ ഭക്ഷണങ്ങള്‍ ഉള്‍പ്പെടുത്തുക.

പ്രത്യേക പോഷകങ്ങള്‍

ശരീരത്തില്‍ തൈറോയ്ഡിന്റെ ഏറ്റക്കുറച്ചിലുകള്‍ നിയന്ത്രിക്കുന്നതിന് വേണ്ടി ഭക്ഷണത്തില്‍ ചില പ്രത്യേക പോഷകങ്ങള്‍ ഉള്‍പ്പെടുത്തേണ്ടതാണ്. അതില്‍ വരുന്നതാണ് അയോഡിന്‍, സെലിനിയം, സിങ്ക്, ഇരുമ്പ്, ടൈറോസിന്‍, ബി വിറ്റാമിനുകള്‍, വിറ്റാമിന്‍ എ എന്നിവ. കടല്‍ വിഭവങ്ങള്‍, ചെമ്മീന്‍, പാല്‍, മുട്ട, സീഫുഡ്, ബ്രസീല്‍ പരിപ്പ്, കടല്‍ ഭക്ഷണം, ചിക്കന്‍, കക്ക, ചുവന്ന മാംസം, മത്തങ്ങ വിത്തുകള്‍, റെഡ്മീറ്റ്, ഇലക്കറികള്‍, പയര്‍, മുട്ടയുടെ വെള്ള, തൈര്, അവോക്കാഡോകള്‍, മധുരക്കിഴങ്ങ്, കാരറ്റ്, പച്ചിലകള്‍, കാപ്‌സിക്കം, മുട്ടയുടെ മഞ്ഞക്കരു, വെളിച്ചെണ്ണ, നെയ്യ്, ഒലിവ് ഓയില്‍, പരിപ്പ്, ഒമേഗ 3 തുടങ്ങിയ ആരോഗ്യകരമായ ഓപ്ഷനുകള്‍ എല്ലാം തന്നെ ഭക്ഷണത്തില്‍ ഉള്‍പ്പെടുത്തുക.

ഭക്ഷണത്തില്‍ ശ്രദ്ധിക്കേണ്ടത്

എപ്പോഴും കഴിക്കുന്ന ഭക്ഷണത്തിലും കുടിക്കുന്ന വെള്ളത്തിലും വളരെയധികം ശ്രദ്ധിക്കണം. ഫില്‍ട്ടര്‍ ചെയ്ത വെള്ളം കുടിക്കുന്നതിന് കഴിവതും ശ്രദ്ധിക്കുക , തുറന്ന് വെച്ച ഭക്ഷണങ്ങള്‍ കഴിക്കാതിരിക്കുക, ടോക്‌സിന്‍ കൂടുതലുണ്ടാവുന്ന അവസരങ്ങളില്‍ നിന്ന് വിട്ടു നില്‍ക്കുക, കൂടാതെ മാനസിക സമ്മര്‍ദ്ദം പരമാവധി കുറക്കുന്നതിന് ശ്രദ്ധിക്കുക, അനാരോഗ്യകരമായ ഭക്ഷണക്രമം ഒഴിവാക്കുക എന്നിവയാണ് പ്രധാനമായും ശ്രദ്ധിക്കേണ്ട കാര്യം. തൈറോയ്ഡ് പ്രശ്‌നങ്ങള്‍ പലപ്പോഴും നല്ലൊരു ശതമാനവം നമ്മുടെ ഭക്ഷണ ശീലങ്ങളുമായി അടുത്ത് വരുന്നത് തന്നെയാണ്. അതുകൊണ്ട് തന്നെ അനാരോഗ്യകരമായ ഭക്ഷണ ശീലങ്ങളെ പൂര്‍ണമായും ഒഴിവാക്കുന്നതിന് ശ്രദ്ധിക്കണം.