കൊഴുപ്പ് കത്തും, തടി കുറയും; ഈ ജ്യൂസ് ശരിയായ രീതിയില്‍ കുടിച്ചാല്‍ ഫലം ഉറപ്പ്

മുസമ്പി ജ്യൂസിലെ പോഷകങ്ങള്‍

കലോറി: 25 കിലോ കലോറി

കാര്‍ബോഹൈഡ്രേറ്റ്: 8.4 ഗ്രാം

ഡയറ്ററി ഫൈബര്‍: 0.4 ഗ്രാം

കൊഴുപ്പ്: 0.1 ഗ്രാം

പൊട്ടാസ്യം: 117 മില്ലിഗ്രാം

കാല്‍സ്യം: 14 മില്ലിഗ്രാം

ഫോസ്ഫറസ്: 14 മില്ലിഗ്രാം

ഇരുമ്പ്: 0.9 മില്ലിഗ്രാം

വിറ്റാമിന്‍ സി: 30 മില്ലിഗ്രാം

വിറ്റാമിന്‍ എ: 50 IU

ബീറ്റാ കരോട്ടിന്‍: 30 µg

ഫോളേറ്റ്: 10 µg

വിശപ്പ് തടയുന്നു

മുസമ്പിയില്‍ വിശപ്പ് നിയന്ത്രിക്കുന്ന സിട്രിക് ആസിഡ് ധാരാളമായി അടങ്ങിയിട്ടുണ്ട്. സിട്രിക് ആസിഡ് നിങ്ങളുടെ മെറ്റബോളിസം വര്‍ദ്ധിപ്പിക്കാനും കൊഴുപ്പ് കത്തിക്കാനും സഹായിക്കും.

കലോറി കുറവ്

ശരീരഭാരം കുറയ്ക്കാന്‍ ശ്രമിക്കുന്നവര്‍ അവരുടെ കലോറി ഉപഭോഗം ശദ്ധിക്കണം. ഒരു കപ്പ് (200 മില്ലി) മുസമ്പി ജ്യൂസില്‍ 31 കലോറി മാത്രമേ അടങ്ങിയിട്ടുള്ളൂ. ഇത് നിങ്ങളുടെ തടി കുറയ്ക്കാനുള്ള ഉത്തമ പാനീയമായി മാറുന്നു.

വേഗത്തില്‍ കൊഴുപ്പ് കത്തിക്കുന്നു

മുസമ്പിയിലെ വിറ്റാമിന്‍ സി നിങ്ങളെ ജലദോഷം, ചുമ എന്നിവയില്‍ നിന്ന് സംരക്ഷിക്കുന്നു. ഇതുമാത്രമല്ല, ശരീരത്തിന്റെ കൊഴുപ്പ് കത്തിക്കുന്ന ശേഷി വര്‍ദ്ധിപ്പിക്കാനും ഇത് സഹായിക്കുന്നു. അമേരിക്കന്‍ കോളേജ് ഓഫ് ന്യൂട്രീഷന്‍ ജേണല്‍ പറയുന്നതനുസരിച്ച്, ശരീരത്തില്‍ ആവശ്യത്തിന് വിറ്റാമിന്‍ സി ഉള്ള ആളുകള്‍ വ്യായാമ വേളയില്‍ താഴ്ന്ന നിലയിലുള്ളവരേക്കാള്‍ 30 ശതമാനം വേഗത്തില്‍ പ്രവര്‍ത്തിക്കുന്നു എന്നാണ്.

ഫൈബര്‍ അടങ്ങിയത്

മുസമ്പി ജ്യൂസിലെ ഉയര്‍ന്ന ജലാംശവും നാരിന്റെ അംശവും നിങ്ങളുടെ വയറ് നിറയ്ക്കുന്നു. മുസാമ്പി ജ്യൂസ് അരിച്ചെടുക്കരുത്, നാരുകളുള്ള പള്‍പ്പ് കുടിക്കുക. ഇത് നിങ്ങളുടെ ശരീരത്തിന്റെ ദൈനംദിന ഫൈബറിന്റെ അളവ് നല്‍കുന്നു. വേഗത്തില്‍ ക്ഷീണിക്കാതിരിക്കാന്‍ വ്യായാമത്തിന് മുമ്പ് ഫിറ്റ്നസ് കോച്ചുകള്‍ 20 മില്ലി മുസമ്പി ജ്യൂസ് കഴിക്കാന്‍ നിര്‍ദ്ദേശിക്കാറുണ്ട്. ഇതിലൂടെ നിങ്ങള്‍ക്ക് കൂടുതല്‍ സമയം വ്യായാമം ചെയ്യാനും കൂടുതല്‍ കലോറി എരിച്ചുകളയാനും സാധിക്കും.

ശരീരത്തിലെ വിഷവസ്തുക്കളെ പുറന്തള്ളുന്നു

മുസമ്പിയിലെ ആസിഡുകള്‍ നിങ്ങളുടെ ശരീരത്തില്‍ നിന്ന് അനാവശ്യമായ വിഷവസ്തുക്കളെ നീക്കം ചെയ്യുന്നു. തല്‍ഫലമായി, അവയവങ്ങള്‍ മികച്ച രീതിയില്‍ പ്രവര്‍ത്തിക്കാനും കൊഴുപ്പ് വേഗത്തില്‍ കത്തിക്കാനും സഹായിക്കുന്നു. ഇതിലൂടെ നിങ്ങളുടെ അമിതവണ്ണവും കുറയുന്നു.

ശരീരഭാരം കുറയ്ക്കാന്‍ മുസമ്പി ജ്യൂസ് കഴിക്കുന്ന വിധം

മുസമ്പി ജ്യൂസ് കൊഴുപ്പ് കത്തിക്കുന്നതിന് സഹായിക്കുന്നു. എന്നാല്‍, ഇത് അമിത അളവില്‍ കുടിക്കരുത്. ഒരു ദിവസം രണ്ട് ഗ്ലാസില്‍ കൂടുതല്‍ മുസമ്പി ജ്യൂസ് കഴിക്കരുത്. പഞ്ചസാര ചേര്‍ക്കാതെയും അരിച്ചെടുക്കാതെയും തയാറാക്കിയ മുസമ്പി ജ്യൂസ് കഴിക്കാന്‍ വിദഗ്ധര്‍ ശുപാര്‍ശ ചെയ്യുന്നു. ഇതിലെ നാരിന്റെ സാന്നിധ്യം ശരീരഭാരം നിയന്ത്രിക്കാന്‍ സഹായിക്കും. കനം കുറഞ്ഞ ഉറച്ച തൊലിയുള്ളവയാണ് ജ്യൂസ് തയാറാക്കാന്‍ അനുയോജ്യമായ മുസമ്പി. ജ്യൂസ് കൂടുതല്‍ രുചികരമാക്കാന്‍ നിങ്ങള്‍ക്ക് ചാട്ട് മസാലയോ ഉപ്പോ ചേര്‍ക്കാവുന്നതാണ്.

മുസമ്പി ജ്യൂസ് തയാറാക്കുന്ന വിധം

ഒരു സാധാരണ പാനീയമാണ് മുസമ്പി ജ്യൂസ്. മൊസമ്പി ജ്യൂസ് ഫ്രഷ് ആയി കഴിക്കുക, കാരണം ഇത് കൂടുതല്‍ നേരം സൂക്ഷിച്ചാല്‍ കയ്പ്പ് രുചിയായി മാറും. 6-7 മുസമ്പി തൊലി കളഞ്ഞ് അരിഞ്ഞത്, ആവശ്യത്തിന് ഉപ്പ്, ആവശ്യത്തിന് ജീരകം വറുത്ത് പൊടിച്ചത്, രുചിക്കനുസരിച്ച് ചാട്ട് മസാല എന്നിവയാണ് നിങ്ങള്‍ക്ക് ആവശ്യം. ഒരു ജ്യൂസറില്‍ ഇതെല്ലാം ഇട്ട് നന്നായി അടിച്ചെടുക്കുക. ഗ്ലാസില്‍ കുറച്ച് ഐസ് ക്യൂബുകള്‍ ഇട്ട് ജ്യൂസ് ഒഴിച്ചെടുത്ത് കുടിക്കുക. ഇതിന്റെ പള്‍പ്പില്‍ ധാരാളം നാരുകള്‍ അടങ്ങിയിട്ടുണ്ട്. ഇത് ശരീരഭാരം കുറയ്ക്കാന്‍ സഹായിക്കുന്നു. വ്യായാമത്തിന് മുമ്പ് 20 മില്ലി മൊസാമ്പി ജ്യൂസ് കഴിക്കുന്നത് ഊര്‍ജ്ജം വര്‍ദ്ധിപ്പിക്കുന്നതിനും വേഗത്തില്‍ ശരീരഭാരം കുറയ്ക്കുന്നതിനും സഹായിക്കും.