കൊഴുപ്പകറ്റി നീര്‍ക്കെട്ടു കുറക്കാന്‍മുതിരമരുന്ന്‌

മുതിര

മുതിരയാണ് ഇതിനാണ് പ്രധാനമായി ഉപയോഗിയ്ക്കുന്ന ഒന്ന്. ഇതില്‍ ധാരാളം ആന്റിഓക്‌സിഡന്റുകളും നാരുകളുമെല്ലാം അടങ്ങിയിട്ടുണ്ട്. ശരീരത്തിലെ അപചയ പ്രക്രിയ ശക്തിപ്പെടുത്തുന്ന ഒന്നാണിത്. പോഷകങ്ങളുടെ കലവറ.

ജീരകം

ഇതില്‍ ജീരകം ഉപയോഗിയ്ക്കും. നല്ല ജീരകം അഥവാ സാധാരണ ജീരകമാണ് ഉപയോഗിയ്ക്കുന്നത്. ജീരകം തടി കുറയ്ക്കാന്‍ ഏറെ പ്രധാനപ്പെട്ട ഒരു ചേരുവയാണ്. ആരോഗ്യപരമായ ഗുണങ്ങള്‍ നല്‍കുന്ന ഇത് ദഹനം മെച്ചപ്പെടുത്തുവാനും ഏറെ സഹായിക്കുന്നു. കൊഴുപ്പു നീക്കാനും നീര്‍ക്കെട്ടൊഴിവാക്കാനുമെല്ലാം മികച്ച ഒന്നാണ് ജീരകം.

ചുക്കും

ചുക്കും ഇതില്‍ ഉപയോഗിയ്ക്കുന്ന ഒന്നാണ്. ഡ്രൈ ജിഞ്ചര്‍ അഥവാ ഇഞ്ചി ഉണക്കിയതാണ് ചുക്ക്. ആരോഗ്യത്തിനും കൊഴുപ്പു കളയാനും സഹായിക്കുന്ന ഇത് പല രോഗങ്ങള്‍ക്കുമുള്ള മരുന്നു കൂടിയാണ്.

കൂട്ടുണ്ടാക്കുവാന്‍

ഒരു കപ്പു മുതിര, അരക്കപ്പ് ജീരകം, രണ്ടു മൂന്നു കഷ്ണം ഇഞ്ചി എന്നിവയാണ് ഈ പ്രത്യേക കൂട്ടുണ്ടാക്കുവാന്‍ വേണ്ടത്. കട്ടിയുള്ള പാത്രത്തില്‍, ഇരുമ്പു ചട്ടിയെങ്കില്‍ കൂടുതല്‍ നല്ലത്, മുതിര, ജീരകം, ചുക്ക് എന്നിവയിട്ടു വറുക്കുക. ജീരകം പൊട്ടുന്നതു വരെയുള്ള പാകത്തിനു ചൂടാക്കണം. നല്ല ഗന്ധവും വരും. ഇത് ചൂടോടെ തന്നെ മിക്‌സിയില്‍ ഇട്ടു പൊടിച്ചെടുക്കുക. ഇത് ചൂടോടെ പൊടിച്ചാല്‍ പെട്ടെന്നു നല്ലതു പോലെ പൊടിഞ്ഞു കിട്ടും.

ദിവസവും രണ്ടു നേരവും

ഒരു ഗ്ലാസ് വെള്ളം ചൂടാക്കുക. ഇതു നല്ല പോലെ തിളച്ചു വരുമ്പോള്‍ പൊടിയില്‍ നിന്നും ഒരു സ്പൂണ്‍ ഇട്ട് വെള്ളം വാങ്ങി വയ്ക്കുക. ഇത് ഇളം ചൂടോടെ രാവിലെ വെറുംവയറ്റില്‍ കുടിയ്ക്കുന്നത് ഏറെ നല്ലതാണ്. ദിവസവും രണ്ടു നേരവും കുടിച്ചാല്‍ ഏറെ നല്ലതാണ്.

പ്രമേഹ രോഗികള്‍

ശരീരത്തിലെ കൊഴുപ്പും നീര്‍ക്കെട്ടും നീക്കാന്‍ മാത്രമല്ല, പ്രമേഹത്തിനുളള നല്ലൊരു പരിഹാരമാണിത്. മുതിര ദിവസവും പ്രമേഹ രോഗികള്‍ ഭക്ഷണത്തില്‍ ഉള്‍പ്പെടുത്തുന്നതു തന്നെ ഏറെ ഗുണകരമാണ്. സ്ത്രീകളിലെ ആര്‍ത്തവ പ്രശ്‌നങ്ങള്‍ പരിഹരിയ്ക്കുന്നിനുള്ള നല്ലൊരു പരിഹാരമാണിത്. പോളിസിസ്റ്റിക് ഓവറി സിന്‍ഡ്രോം പോലുളളവയ്ക്കും നല്ലതാണ്.

ഗര്‍ഭിണി, ഗൗട്ട് രോഗമുള്ളവര്‍

എന്നാല്‍ ഗര്‍ഭിണി, ഗൗട്ട് രോഗമുള്ളവര്‍ എന്നിവ ഇതു കഴിയ്ക്കരുത്. ഇതു പോലെ ഏതെങ്കിലും വിധത്തിലെ മരുന്നുകള്‍ കഴിയ്ക്കുന്നുവെങ്കില്‍ ഡോക്ടറുടെ അഭിപ്രായമനുസരിച്ചു മാത്രം ഇതു കഴിയ്ക്കുക. ഇതു ശരീരത്തിന് ചൂടു വര്‍ദ്ധിപ്പിയ്ക്കുന്ന ഒന്നാണ്. ഇതു കൊണ്ടു തന്നെയാണ് കൊഴുപ്പു കുറയുന്നതും.