Click it and Unblock the Notifications
Latest Updates
-
ഇന്ത്യ-ബംഗ്ലാദേശ് മത്സരം കാണുമ്പോൾ തടി കൂടുമോ? കളി ആസ്വദിക്കാനും ഫിറ്റാകാനും ഇതാ ചില കിടിലൻ വഴികൾ! -
2026 ജൂൺ 25: ഗുരുപുഷ്യ യോഗം; സ്വർണ്ണവും നിക്ഷേപങ്ങളും വാങ്ങാൻ ഏറ്റവും അനുയോജ്യമായ സമയം ഇതാ! -
പ്രളയജലത്തിൽ ഇറങ്ങുന്നുണ്ടോ? ചർമ്മരോഗങ്ങൾ വരാതിരിക്കാൻ ഈ മുൻകരുതലുകൾ നിർബന്ധം -
ഡൽഹിയിലെ പൊടിപടലങ്ങൾ ശ്വാസം മുട്ടിക്കുന്നുണ്ടോ? ഈ ലളിതമായ വീട്ടുവൈദ്യങ്ങളിലൂടെ ആരോഗ്യപ്രശ്നങ്ങളെ ഫലപ്രദമായി നേരിടാം -
മുംബൈ റെഡ് അലർട്ട്: ജിമ്മിൽ പോകാൻ പറ്റുന്നില്ലേ? വീട്ടിലിരുന്ന് മസിലുകൾക്ക് കരുത്ത് പകരാം ഈ 20 മിനിറ്റ് വർക്കൗട്ടിലൂടെ! -
മുംബൈ റെഡ് അലർട്ട്: വെള്ളമില്ലാത്ത മഴക്കാലത്ത് ആർത്തവ ശുചിത്വം എങ്ങനെ സുരക്ഷിതമായി കൈകാര്യം ചെയ്യാം? -
മുംബൈയിൽ റെഡ് അലർട്ട്; മഴവെള്ളം വഴി അണുബാധയേൽക്കാതിരിക്കാൻ ഈ മുൻകരുതലുകൾ മറക്കരുത് -
തിരുവാതിര ഞാറ്റുവേല: കനത്ത മഴയിൽ നഗരങ്ങൾ; യാത്രകൾ പ്ലാൻ ചെയ്യുമ്പോൾ ശ്രദ്ധിക്കേണ്ട കാര്യങ്ങൾ -
ജൂൺ 24 ഗജകേസരി യോഗം: ഈ 6 രാശിക്കാർക്ക് വൻ നേട്ടം, ഉച്ചയ്ക്ക് മുൻപേ കാര്യങ്ങൾ പൂർത്തിയാക്കൂ! -
പരിഘ യോഗം മാറി ശിവയോഗം: ഈ 5 രാശിക്കാർക്ക് ഇനി ഭാഗ്യകാലം, ശ്രദ്ധിക്കേണ്ട കാര്യങ്ങൾ ഇതാ
മൂത്രത്തിന്റെ നിറവ്യത്യാസം, വേദനം; ബ്ലാഡര് ക്യാന്സര് തിരിച്ചറിയാം, ഈ 5 ആദ്യകാല ലക്ഷണം ശ്രദ്ധിക്കണം
പല തരത്തിലുള്ള ക്യാന്സര് ഉണ്ട്. അതിലൊന്നാണ് മൂത്രാശയ കാന്സര് അഥവാ ബ്ലാഡര് കാന്സര്. ലോകമെമ്പാടും മൂത്രാശയ കാന്സര് കേസുകള് വര്ദ്ധിച്ചുകൊണ്ടിരിക്കുകയാണ്. മൂത്രാശയ ക്യാന്സര് രോഗലക്ഷണങ്ങള് തിരിച്ചറിയുന്നത് നേരത്തെയുള്ള രോഗനിര്ണയത്തിനും ചികിത്സയ്ക്കും വഴിയൊരുക്കുകയും അപകട സാധ്യത കുറയ്ക്കുകയും ചെയ്യും. ശരീരത്തിലെ ഒരു അവയവമാണ് മൂത്രാശയം. അതില് മൂത്രം സംഭരിക്കുകയും പുറത്തുവിടുകയും ചെയ്യുന്നു.
പലതരം മാലിന്യങ്ങള് മൂത്രത്തില് കാണപ്പെടുന്നു, ഇത് മൂത്രസഞ്ചിയില് അടിഞ്ഞുകൂടുന്നു. ഈ മൂലകം മൂത്രത്തില് നിന്ന് പുറത്തുവരുന്നില്ലെങ്കില് അത് മൂത്രസഞ്ചി, വൃക്ക, മൂത്രനാളി തുടങ്ങിയ അവയവങ്ങളെ ദോഷകരമായി ബാധിക്കും. വൃക്കയിലും മൂത്രനാളിയിലും ബ്ലാഡര് ക്യാന്സര് വരാം. രോഗലക്ഷണങ്ങള് യഥാസമയം കണ്ടെത്തിയാല് മൂത്രാശയ അര്ബുദം ഭേദമാക്കാവുന്നതാണ്. മൂത്രാശയ ക്യാന്സറിന്റെ ലക്ഷണങ്ങള് എന്തൊക്കെയാണെന്നും അതിന്റെ കാരണങ്ങള് എന്തൊക്കെയാണെന്നും നമുക്ക് നോക്കാം.
മൂത്രാശയ ക്യാന്സര് 3 തരം
മയോ ക്ലിനിക്കിന്റെ അഭിപ്രായത്തില് മൂത്രാശയ ക്യാന്സറുകള് മൂന്ന് തരത്തിലുണ്ട്. യൂറോതെലിയല് കാര്സിനോമ, സ്ക്വാമസ് സെല് കാര്സിനോമ, അഡിനോകാര്സിനോമ എന്നിവയാണ് അവ. ഇതുകൂടാതെ, മൂത്രാശയത്തിന്റെ ഉപരിതലത്തില് ഉണ്ടാകുന്ന ക്യാന്സറിനെ സൂപ്പര്ഫിഷ്യല് ബ്ലാഡര് ക്യാന്സര് എന്ന് വിളിക്കുന്നു. മറുവശത്ത്, മൂത്രാശയത്തിന്റെ ഉപരിതലത്തില് നിന്ന് പേശികളിലേക്ക് പടരുന്ന കാന്സറിനെ ഇന്വേസീവ് ബ്ലാഡര് ക്യാന്സര് എന്ന് വിളിക്കുന്നു.
മൂത്രാശയ കാന്സറിന്റെ ലക്ഷണങ്ങള്
* മൂത്രത്തില് രക്തം അല്ലെങ്കില് രക്തം കട്ടപിടിക്കല്
* മൂത്രത്തിന്റെ നിറത്തില് ചുവപ്പ് അല്ലെങ്കില് കോളയുടെ നിറം
* ഇടയ്ക്കിടെ മൂത്രമൊഴിക്കല്, പ്രത്യേകിച്ച് രാത്രിയില്
* മൂത്രമൊഴിക്കുമ്പോള് വേദന
* നടുവേദന
മൂത്രാശയ കാന്സറിനുള്ള കാരണങ്ങള്
കോശങ്ങള് അവയുടെ ഡിഎന്എ മാറ്റുമ്പോള് മൂത്രാശയ അര്ബുദം ആരംഭിക്കുന്നു. ഈ കോശങ്ങള് വളരെ വേഗത്തില് വളരുകയും ആരോഗ്യമുള്ള കോശങ്ങളെ നശിപ്പിക്കുകയും ചെയ്യുന്നു. അതിവേഗം വളരുന്ന കോശങ്ങള് ഒരു ട്യൂമര് രൂപപ്പെടുകയും സാധാരണ ശരീര കോശങ്ങളെ ആക്രമിക്കുകയും നശിപ്പിക്കുകയും ചെയ്യുന്നു.
മൂത്രാശയ അര്ബുദ സാധ്യത കൂടുതലുള്ളത് ഇവര്ക്ക്
ഏതെങ്കിലും തരത്തിലുള്ള മൂത്രാശയ അണുബാധയുള്ളവര്ക്കും പുകവലിക്കുന്നവര്ക്കും അപകടസാധ്യത കൂടുതലാണ്. പുരുഷന്മാരിലാണ് ഇത് കൂടുതല് കണ്ടുവരുന്നത്. പ്രായമായവര്ക്ക് മൂത്രാശയ കാന്സര് പെട്ടെന്ന് വന്നേക്കാം. മുന്കാലങ്ങളില് കാന്സര് ബാധിച്ച് ചികിത്സയിലായിരുന്നവര്ക്കും അപകടസാധ്യത കൂടുതലാണ്.
മൂത്രാശയ ക്യാന്സര് തടയാനുള്ള വഴികള്
മൂത്രാശയ ക്യാന്സറിനുള്ള സാധ്യത കുറയ്ക്കുന്നതിന് നിങ്ങള് പുകവലി ഒഴിവാക്കണം. കൂടാതെ, ഏതെങ്കിലും തരത്തിലുള്ള രാസവസ്തുക്കളുമായി സമ്പര്ക്കം പുലര്ത്തുന്നത് ഒഴിവാക്കുക. നിങ്ങളുടെ ഭക്ഷണത്തില് പഴങ്ങളും പച്ചക്കറികളും ഉള്പ്പെടുത്തുക. പഴങ്ങളിലും പച്ചക്കറികളിലും അടങ്ങിയിരിക്കുന്ന ആന്റിഓക്സിഡന്റുകള് ക്യാന്സര് സാധ്യത കുറയ്ക്കാന് സഹായിക്കും.
എപ്പോഴാണ് ഡോക്ടറെ കാണേണ്ടത്
മൂത്രത്തിന്റെ നിറം മാറുന്നതായോ അതില് രക്തം കലര്ന്നതായോ തോന്നിയാല് ഉടനെ തന്നെ നിങ്ങള് ഡോക്ടറെ സമീപിക്കണം. ഇതുകൂടാതെ മുകളില് സൂചിപ്പിച്ച ലക്ഷണങ്ങള് നിങ്ങള്ക്ക് അനുഭവപ്പെടുന്നുണ്ടെങ്കില്, നിങ്ങള് ഉടന് തന്നെ ഒരു പരിശോധന നടത്തുന്നതാണ് നല്ലത്.
ചികിത്സ
മൂത്രാശയ അര്ബുദം പടരുന്നതിന് മുമ്പ് കണ്ടെത്തിയാല് ഭേദമാക്കാവുന്നതാണ്. സ്കോപ്പ് ട്രാന്സ്യുറെത്രല് ഉപയോഗിച്ച് മുഴ പൂര്ണമായി നീക്കം ചെയ്യുകയും ട്യൂമര് കഷണങ്ങളായി മുറിക്കുകയും ചെയ്യുന്നതാണ് പ്രാഥമിക ചികിത്സ. ചിലപ്പോള്, ശസ്ത്രക്രിയയ്ക്ക് മുമ്പ് കീമോതെറാപ്പി നല്കാറുണ്ട്. ക്യാന്സര് മൂത്രാശയത്തിനപ്പുറത്തേക്ക് വ്യാപിച്ചിട്ടുണ്ടെങ്കില്, കീമോതെറാപ്പിയും ഇമ്മ്യൂണോതെറാപ്പിയുമാണ് ഏറ്റവും നല്ല മാര്ഗ്ഗങ്ങള്.
ആവശ്യത്തിന് വെള്ളം കുടിക്കുക
മൂത്രാശയ അര്ബുദം തടയുന്നതിനുള്ള ഒരു ഫലപ്രദമായ വഴിയാണ് ധാരാളം വെള്ളം കുടിക്കുക എന്നത്. വൃക്കകള് രക്തത്തില് നിന്ന് ഫില്ട്ടര് ചെയ്ത വിഷവസ്തുക്കള് മൂത്രസഞ്ചിയിലാണ് സംഭരിക്കപ്പെടുന്നത്. ഈ ദോഷകരമായ വിഷവസ്തുക്കളുമായി മൂത്രസഞ്ചിയുടെ ആന്തരിക പാളി ദീര്ഘനേരം സമ്പര്ക്കം പുലര്ത്തുന്നത് ക്യാന്സറിന് കാരണമാകും. അതിനാല്, ധാരാളം വെള്ളം കുടിച്ച് മൂത്രത്തിലെ വിഷവസ്തുക്കളെ നേര്പ്പിക്കുക. ദിവസവും ആവശ്യത്തിന് വെള്ളം കുടിക്കുക. മൂത്രമൊഴിക്കാതെ അധികനേരം പിടിച്ചുനില്ക്കുകയും ചെയ്യരുത്.
Continue with Google