സ്ഖലനത്തിലൂടെ പുരുഷ ശരീരത്തില്‍ നടക്കുന്നത്

പ്രോസ്‌റ്റേറ്റ് ക്യാന്‍സര്‍

പുരുഷന്മാരെ ബാധിയ്ക്കുന്ന ഒന്നാണ് പ്രോസ്‌റ്റേറ്റ് ക്യാന്‍സര്‍ അഥവാ വൃഷണ ക്യാന്‍സര്‍. വൃഷണങ്ങളെ ബാധിയ്ക്കുന്ന ഇതിന്റെ സാധ്യതകള്‍ കുറയ്ക്കാന്‍ സ്ഖലനത്തിന് സാധിയ്ക്കും. സ്ഖലനത്തിലൂടെ ബീജങ്ങള്‍ വിസര്‍ജിയ്ക്കപ്പെടുന്നത് ഈ ക്യാന്‍സര്‍ സാധ്യത കുറയ്ക്കുന്നുവെന്നു പഠനങ്ങള്‍ തെളിയിച്ചിട്ടുണ്ട്. മാത്രമല്ല, സ്ഖലനം നടക്കുമ്പോള്‍ പ്രോസ്‌റ്റേറ്റ് ഗ്ലാന്റില്‍ നിന്നുള്ള ടോക്‌സിനുകളും ക്യാന്‍സിനോജെനിക് കോശങ്ങളും പുറന്തള്ളപ്പെടുന്നു. ഇതെല്ലാം പ്രോസ്‌റ്റേറ്റ് ക്യാന്‍സര്‍ സാധ്യത കുറയ്ക്കുന്ന ഘകങ്ങളാണ്.

ബ്ലൂ ബോള്‍

ബ്ലൂ ബോള്‍ എന്നൊരു രോഗാവസ്ഥ പുരുഷന്റെ വൃഷണങ്ങള്‍ക്കുണ്ടാകാറുണ്ട്. വൃഷണങ്ങളില്‍ ഫ്‌ളൂയിഡുകള്‍ കെട്ടിക്കിടന്നാണ് ഈ അവസ്ഥയുണ്ടാകുന്നത്. വേദനയും നീരുമെല്ലാം ഉണ്ടാകുന്ന അവസ്ഥയാണ്. ഇജാകുലേഷന്‍ അഥവാ സ്ഖലനം ഈ അവസ്ഥ ഒഴിവാക്കാന്‍ ഏറെ നല്ലതാണ്. ഇത് ഈ സ്രവങ്ങള്‍ വൃഷണങ്ങളില്‍ നിന്നും പുറന്തള്ളുവാന്‍ സഹായകമാകുന്നു. ബ്ലൂ ബോള്‍ എന്ന അവസ്ഥ ഒഴിവാക്കുന്നു.

ബീജ ഗുണം

ബീജ ഗുണം വര്‍ദ്ധിയ്ക്കുന്നു. ഏറെ നാള്‍ സ്ഖലനം നടത്താതിരിയ്ക്കുമ്പോഴും അടിക്കടി, അതായത് ദിവസവും പല തവണ നടക്കുമ്പോഴും ബീജ ഗുണം കുറയുകയാണ് ചെയ്യുന്നത്. എന്നാല്‍ സാധാരണ ഗതിയില്‍ സ്ഖലനം നടക്കുന്നത് ബീജങ്ങളുടെ ഗുണവും ആരോഗ്യവും വര്‍ദ്ധിപ്പിയ്ക്കുന്നു. ബീജാരോഗ്യവും എണ്ണവുമെല്ലാം സന്താനോല്‍പാദനത്തിന് ഏറെ പ്രധാനമാണ്. ആരോഗ്യകരമായ സ്ഖലനം പുരുഷ വന്ധ്യതയ്ക്കു തടയിടുന്നുവെന്നു പറയാം. പ്രത്യേകിച്ചും ആഴ്ചയില്‍ രണ്ടോ മൂന്നോ ദിവസമെങ്കിലും.

സ്‌ട്രെസ്

നല്ലൊരു സ്‌ട്രെസ് ബസ്റ്റര്‍, അതായത് സ്‌ട്രെസ് ഒഴിവാക്കാനുള്ള വഴി കൂടിയാണ് സ്ഖലനം. ഇതു വഴി നല്ല ഹോര്‍മോണ്‍ പ്രവര്‍ത്തനങ്ങള്‍ ശരീരത്തില്‍ സംഭവിയ്ക്കുന്നു. ഇത് ശരീരത്തിലെ മസിലുകളെ ടെന്‍ഷനില്‍ നിന്നും മോചിപ്പിയ്ക്കുന്നു. തലച്ചോറില്‍ സെറോട്ടനിന്‍ പോലുള്ള ഹോര്‍മോണ്‍ ഉല്‍പാദനം നടക്കുന്നതിനാല്‍ നല്ല മൂഡ് ലഭിയ്ക്കുന്നു.

നല്ല ഉറക്കം

പുരുഷന്മാരില്‍ നല്ല ഉറക്കം ലഭിയ്ക്കാനുള്ള ഒരു വഴി കൂടിയാണ് സ്ഖലനം. ബീജം പുറന്തള്ളപ്പെടുമ്പോള്‍, അതായത് പുരുഷ ഓര്‍ഗാസം ഉണ്ടാകുമ്പോള്‍ ഡോപാമൈന്‍ എന്ന ഒരു ഹോര്‍മോണ്‍ ഉല്‍പാദിപ്പിയ്ക്കപ്പെടുന്നു. ക്ലൈമാക്‌സ് ശേഷം ലവ് ഹോര്‍മോണ്‍ അഥവാ ഓക്‌സിടോസിന്‍ ഉല്‍പാദിപ്പിയ്ക്കപ്പെടും. ഇതു രണ്ടു നല്ല ഉറക്കത്തിന് സഹായിക്കുകയും ചെയ്യും. ഉറക്കക്കുറവ് പല രോഗങ്ങള്‍ക്കുമുള്ള കാരണങ്ങളാണ്.

പുരുഷന്റെ സ്റ്റാമിന

പുരുഷന്റെ സ്റ്റാമിന വര്‍ദ്ധിപ്പിയ്ക്കാനുള്ള ഒരു വഴി കൂടിയാണ് സ്ഖലനം. ഇത് പുരുഷ ശരീരത്തിന്റെ കരുത്തു വര്‍ദ്ധിപ്പിയ്ക്കാനും ഇതു വഴി ശീഘ്ര സ്ഖനലം പോലുള്ള പ്രശ്‌നങ്ങള്‍ ഒഴിവാക്കാനും ഏറെ നല്ലതാണ്. ആരോഗ്യകരമായി പുരുഷന് ഗുണം നല്‍കുന്നു ്എന്നര്‍ത്ഥം.

സ്ഖലനത്തിനും

സ്ഖലനത്തിനും മിതത്വം പാലിയ്ക്കണം. ദിവസവും ഒരു തവണയില്‍ കൂടുതല്‍ ആരോഗ്യകരമല്ലെന്നു വേണം, പറയാന്‍. സ്ഖനലം, ഇത് സെക്‌സ് വഴിയെങ്കിലും സ്വയംഭോഗത്തിലൂടെയാണെങ്കിലും ആരോഗ്യപരമായ ഗുണങ്ങള്‍ നല്‍കുന്നുണ്ട്.