5 കൂവളം ഇല പ്രമേഹത്തിന് മഹാവൈദ്യം

പ്രമേഹത്തിനുളള സിദ്ധൗഷധമാണ്

പ്രമേഹത്തിനുളള സിദ്ധൗഷധമാണ് കൂവളം. ഇത് ശരീരത്തിലെ ഇന്‍സുലിന്‍ ഉല്‍പാദനം ത്വരിതപ്പെടുത്തിയാണ് ഈ പ്രത്യേക ഗുണം നല്‍കുന്നത്. രക്തത്തിലെ പഞ്ചസാരയുടെ അളവു കുറയ്ക്കുന്നതിനും ഈ പ്രത്യേക സസ്യം നല്ലതാണ്. പ്രമേഹമുള്ളവര്‍ക്കു മാത്രമല്ല, പ്രമേഹ സാധ്യതയുള്ളവര്‍ക്ക് ഇതു വരാതെ തടയാനുള്ള നല്ലൊരു വഴി കൂടിയാണ് കൂവളത്തില.

രാവിലെ വെറുംവയറ്റില്‍

രാവിലെ വെറുംവയറ്റില്‍ 5 കൂവളത്തില കഴുകി വൃത്തിയാക്കിയ ശേഷം ചവച്ചരച്ചു കഴിയ്ക്കുന്നത് ഏറെ നല്ലതാണ്. ഇതിന്റെ കയ്പു രസം അല്‍പം പ്രശ്‌നമാകുമെങ്കിലും പ്രമേഹ നിയന്ത്രണത്തിനു സഹായിക്കുന്നത് ഇതു തന്നെയാണ്. ഇതിന്റെ നീര് പാന്‍ക്രിയാസിനെ ഇന്‍സുലിന്‍ ഉല്‍പാദനത്തിനു സഹായിക്കുന്നു. ഇതു വഴി രക്തത്തിലെ ഗ്ലൂക്കോസ് തോതു നിയന്ത്രിച്ചു നിര്‍ത്താനും സാധിയ്ക്കുന്നു.

പച്ചയ്ക്ക്

പച്ചയ്ക്ക് കൂവളത്തിന്റെ ഇല ചവച്ചരച്ചു കഴിയ്ക്കുവാന്‍ മടിയുള്ളവര്‍ക്ക് ഇത് അരച്ച് ചെറുനാരങ്ങാ വലിപ്പത്തില്‍ രാവിലെ വെറുംവയറ്റില്‍ കഴിയ്ക്കുന്നതും നല്ലതാണ്. ഇവ കഴിച്ച ശേഷം അര മണിക്കൂര്‍ ശേഷം മാത്രം മറ്റെന്തെങ്കിലും കഴിയ്ക്കുക.ഇതും ബുദ്ധിമുട്ടെങ്കില്‍ നീരു ഭക്ഷണത്തില്‍ ചേര്‍ത്തു കഴിയ്ക്കാം. വെറുതേ കഴിയ്ക്കുന്നതാണ് കൂടുതല്‍ നല്ലത്.

ആന്റിബയോട്ടിക്

നല്ലൊരു ആന്റിബയോട്ടിക് കൂടിയാണ് കൂവളം. ഇതിന്റെ ഇലയും വേരുമെല്ലാം നല്ലതാണ്. ശരീരത്തിലെ കഫം പോലുള്ള പ്രശ്‌നങ്ങള്‍ക്കുള്ള നല്ലൊരു പ്രതിവിധിയാണ് കൂവളം. ചുമയ്ക്കും ഇത് നല്ലതാണ്. ശരീരത്തിനു പ്രതിരോധ ശേഷി വരാന്‍ സഹായിക്കുന്ന ഒന്നാണ് കൂവളം.

ചെവിയുടെ ആരോഗ്യത്തിന്

ചെവിയുടെ ആരോഗ്യത്തിന് ഉത്തമമായ ഒന്നാണിത്. ഇതിന്റെ ഇലയുടെ നീരെടുത്ത് എണ്ണ കാച്ചി ഈ എണ്ണ ചെവിയില്‍ ഒഴിയ്ക്കുന്നത് ചെവി വേദന മാറാനും ചെവിയിലെ പഴുപ്പു മാറാനുമെല്ലാം ഉത്തമമാണ്. ഇതിന്റെ ഇലയിിട്ട എണ്ണ മുടി വളരാനും അകാല നര ഒഴിവാക്കാനുമെല്ലാം മികച്ചതുമാണ്.

കൂവളത്തിന്റെ കായ

കൂവളത്തിന്റെ കായ ഉണക്കിയുണ്ടാകുന്ന ചായ ഹെല്‍ത്ത് ടീ എന്ന പേരില്‍ പലയിടത്തും ലഭിയ്ക്കുന്നു. ഇതിന്റെ ഫലം ഉണക്കി ഇത് വെള്ളത്തിലിട്ടു തിളപ്പിച്ചാണ് ഈ ചായയുണ്ടാക്കുന്നത്. ഈ ചായയ്ക്ക് ഔഷധ ഗുണങ്ങള്‍ ഏറും.

വയറിന്റെ ആരോഗ്യത്തിന്

വയറിന്റെ ആരോഗ്യത്തിന് ഉത്തമമാണ് ഇത്. പ്രത്യേകിച്ചം ഗ്യാസ്ട്രിക് അള്‍സറിനുള്ള നല്ലൊരു പ്രതിവിധിയാണ്. ഇതിലെ ഫിനോളിക് ഘടകങ്ങള്‍ ആന്റിഓക്‌സിഡന്റായി പ്രവര്‍ത്തിയ്ക്കുന്നു. ഇത് ഗ്യാസ്ട്രിക് അള്‍സര്‍ മാറാന്‍ സഹായിക്കുന്നു. വയറ്റിലെ അസിഡിക് തോതിന്റെ വ്യത്യാസം കൊണ്ടാണ് ഇതുണ്ടാകുന്നത്.

വൈറ്റമിന്‍ സി

വൈറ്റമിന്‍ സിയുടെ അഭാവം കാരണമുണ്ടാകുന്ന സ്‌കര്‍വി പോലുള്ള രോഗങ്ങള്‍ക്കുള്ള നല്ലൊരു പ്രതിവിധിയാണ് കൂവളം. ഈ രോഗം രക്തക്കുഴലുകളേയാണ് ബാധിയ്ക്കുന്നത്. കൂവളം വൈറ്റമിന്‍ സി സമ്പുഷ്ടമാണ്. ഇതു കൊണ്ടു തന്നെ ഈ രോഗത്തിനു പരിഹാരവുമാണ്.

കൊളസ്‌ട്രോള്‍

പ്രമേഹം മാത്രമല്ല, പ്രമേഹം പോലെ തന്നെ പലരേയും അലട്ടുന്ന ഒന്നാണു കൊളസ്‌ട്രോള്‍. കൊളസ്‌ട്രോളിനുള്ള നല്ലൊരു പ്രതിവിധി കൂടിയാണ് കൂവളത്തില. ഇത് രക്തത്തിലെ കൊളസ്‌ട്രോള്‍ തോതു കുറയ്ക്കുന്നു.

ശ്വസന സംബന്ധമായ

ശ്വസന സംബന്ധമായ പ്രശ്‌നങ്ങള്‍ക്കുള്ള നല്ലൊരു പ്രതിവിധി കൂടിയാണ് ഇത്. ആസ്തമ, കോള്‍ഡ് തുടങ്ങിയ പ്രശ്‌നങ്ങള്‍ക്കുള്ള നല്ലൊരു പരിഹാരം. ഇതിട്ടു തിളപ്പിച്ച എണ്ണ തലയില്‍ തേയ്ക്കുന്നത് നല്ലൊരു പ്രതിവിധിയാണ്.

ഹൃദയാരോഗ്യത്തിന്

ഹൃദയാരോഗ്യത്തിന് ഉത്തമമായ ഒന്നാണ്. ഇത് കൊളസ്‌ട്രോള്‍, പ്രമേഹ സാധ്യത കുറയ്ക്കുന്നതു തന്നെ വലിയ കാര്യം. ഇതു വഴി അറ്റാക്ക്, സ്‌ട്രോക്ക് സാധ്യതകള്‍ കുറയ്ക്കുന്നു.

കൂവളക്കായ

കൂവളക്കായ മലബന്ധത്തിനുളള നല്ലൊരു പരിഹാരം കൂടിയാണ്. ഇതിന്റെ പഴുത്ത പള്‍പ്പില്‍ അല്‍പം കുരുമുളകും ഉപ്പും ചേര്‍ത്തു കഴിയ്ക്കുന്നത് ഏറെ നല്ലതാണ്.