തടി കുറക്കേണ്ടവര്‍ക്ക് കലോറി കുറഞ്ഞ ഭക്ഷണങ്ങള്‍

മോര്

മോര് നമ്മള്‍ ഭക്ഷണശീലത്തിന്റെ ഭാഗമാക്കിയ ഒന്നാണ്. കാല്‍സ്യത്തിന്റെ കലവറയാണ് മോര്. ഇതിലാകട്ടെ കലോറി വളരെ കുറവാണ്. തടി കുറക്കാന്‍ പദ്ധതി തയ്യാറാക്കുമ്പോള്‍ മോരിനെ ഒഴിവാക്കാതിരിക്കാന്‍ ശ്രദ്ധിക്കാം.

റാഗി വിഭവങ്ങള്‍

റാഗി വിഭവങ്ങളെല്ലാം തന്നെ കലോറി കുറഞ്ഞ ഭക്ഷണങ്ങളാണ്. പ്രത്യേകിച്ച് റാഗ് ദോശ. ഒരു ദോശയില്‍ 87 ശതമാനം കലോറി മാത്രമേയുള്ളൂ. തടി കുറക്കാന്‍ ശ്രമിക്കുന്നവര്‍ക്ക് റാഗ് ദോശ ശീലമാക്കാവുന്നതാണ്.

ഓട്‌സ്

ഒരു ദിവസം കഴിക്കാവുന്ന ഏറ്റവും മികച്ച ഒരു ഇന്ത്യന്‍ വിഭവമാണ് ഓട്‌സ്. ഓട്‌സ് കൊണ്ട് ഇഡ്ഡലി തയ്യാറാക്കി നല്ല സാമ്പാര്‍ കൂട്ടി കഴിച്ചു നോക്കൂ. നല്ല സ്വാദിഷ്ടമായ വിഭവമായിരിക്കും. 26 ശതമാനം കലോറിയാണ് അടങ്ങിയിരിക്കുന്നത്.

പരിപ്പ് വിഭവങ്ങള്‍

പരിപ്പ് കൊണ്ടുണ്ടാക്കുന്ന ഈ ഇന്ത്യന്‍ വിഭവവും മികച്ചതാണ്. ചെറിയ ബൗള്‍ പരിപ്പില്‍ കലോറിയുടെ അളവ് വളരെ കുറവാണ്.

തന്തൂരി റൊട്ടി

ഗോതമ്പ് കൊണ്ടുണ്ടാക്കുന്ന തന്തൂരി റൊട്ടിയും ഇന്ത്യന്‍ വിഭവത്തില്‍ മികച്ചതാണ്. 10 ശതമാനം കലോറി മാത്രമാണ് ഒരു റൊട്ടിയില്‍ അടങ്ങിയിരിക്കുന്നത്. ഇത് തടി കുറക്കുന്നവരുടെ ആഹാരത്തിന്റെ കാര്യത്തില്‍ സ്ഥിരമാക്കാവുന്നതാണ്.

തന്തൂരി ചിക്കന്‍

ആരോഗ്യത്തിന് ദോഷകരമെന്ന് കരുതി പലരും വേണ്ടെന്ന് വെക്കുന്ന വിഭവങ്ങളാണ് ഇത്. എന്നാല്‍ ഇത്രയധികം ആരോഗ്യകരമായ ഭക്ഷണം ഇല്ലെന്ന് തന്നെ പറയാം. കാരണം 273 ശതമാനം കലോറി മാത്രമേ ഇതില്‍ അടങ്ങിയിട്ടുള്ളൂ. ശരീരത്തിന് അത്ര അപകടകാരിയല്ല.

വെജിറ്റബിള്‍ കുറുമ

ഒരു ടീസ്പൂണ്‍ മാത്രം ഓയില്‍ ഉപയോഗിച്ച് മിക്‌സ്ഡ് വെജിറ്റബിള്‍ കറിയുണ്ടാക്കാം. ഇതില്‍ 95 ശതമാനം കലോറി മാത്രമേയുണ്ടാകൂ. എണ്ണ ഉപയോഗിക്കുന്ന കാര്യത്തില്‍ വളരെയധികം ശ്രദ്ധിക്കേണ്ടതാണ്.

മീന്‍ കറികള്‍

മീന്‍ കറികള്‍ക്ക് വളരെയധികം പ്രാധാന്യം നമ്മുടെ നാട്ടില്‍ നല്‍കുന്നുണ്ട്. കുറച്ച് എണ്ണ ഉപയോഗിച്ച് രുചികരമായ മീന്‍ കറിയുണ്ടാക്കാം. മീന്‍ വറുക്കുന്നതിനേക്കാള്‍ ആരോഗ്യകരം മീന്‍ കറി വെക്കുന്നതാണ്.

മുളപ്പിച്ച പയര്‍ വര്‍ഗ്ഗങ്ങള്‍

മുളപ്പിച്ച പയര്‍ വര്‍ഗ്ഗങ്ങള്‍ ഉപയോഗിക്കുന്നത് എന്തുകൊണ്ടും നല്ലതാണ്. ഇത് ആരോഗ്യത്തിന്റെ കാര്യത്തില്‍ നല്‍കുന്ന ഗുണങ്ങള്‍ ചില്ലറയല്ല. തടി കുറക്കാന്‍ ശ്രമിക്കുന്നവര്‍ക്ക് രണ്ടാമതൊന്ന് ചിന്തിക്കാതെ ഉപയോഗിക്കാന്‍ കഴിയുന്ന ഒന്നാണ് മുളപ്പിച്ച പയര്‍വര്‍ഗ്ഗങ്ങള്‍.

കുക്കുമ്പര്‍

കുക്കുമ്പര്‍ പച്ചക്കും സാലഡ് ആയും കഴിക്കാവുന്ന ഒന്നാണ്. ഇത് മുറിച്ച് ഇതില്‍ തൈര് കൂടി ചേര്‍ത്താല്‍ നല്ലതാണ്. 38 ശതമാനം കലോറി അടങ്ങിയിട്ടുള്ളൂ.

പനീര്‍

നോര്‍ത്ത് ഇന്ത്യന്‍ വിഭവമാണെങ്കിലും നമ്മളും പനീര്‍ ഉപയോഗിക്കാറുണ്ട്. ഇതില്‍ ധാരാളം ഫൈബര്‍ അടങ്ങിയിട്ടുണ്ട്. മാത്രമല്ല ആരോഗ്യം വര്‍ദ്ധിപ്പിക്കുന്ന കാര്യത്തില്‍ പനീര്‍ വളരെ നല്ലതാണ്.

രസം

രസം നമ്മുടെ ആരോഗ്യത്തിന്റെ കാര്യത്തില്‍ പല വിധത്തിലുള്ള ഗുണങ്ങള്‍ നല്‍കുന്ന ഒന്നാണ്. എന്നാല്‍ തടി കുറക്കാന്‍ ശ്രമിക്കുന്നവര്‍ക്ക് അവരുടെ ഇഷ്ടവിഭവങ്ങളുടെ കൂട്ടത്തില്‍ രസത്തിനേയും ഉള്‍പ്പെടുത്താവുന്നതാണ്.