അത്താഴം വൈകിക്കഴിച്ചാല്‍ ക്യാന്‍സര്‍ സാധ്യത

ബ്രെസ്റ്റ്, പ്രോസ്‌റ്റേറ്റ് ക്യാന്‍സര്‍

സ്‌പെയിനിലെ ഇന്‍സ്റ്റിറ്റ്യൂട്ട് ഓഫ് ബാര്‍സിലോണ ഫോര്‍ ഗ്ലോബല്‍ ഹെല്‍ത്ത് നടത്തിയ പഠനത്തിനാണ് ഇതെക്കുറിച്ചു തെളിഞ്ഞത്. രാത്രി 9 മണിക്കു ശേഷമോ അല്ലെങ്കില്‍ കിടക്കുന്നതിനു വെറും 2 മണിക്കൂര്‍ മുന്‍പോ അത്താഴം കഴിയ്ക്കുന്നത് ബ്രെസ്റ്റ്, പ്രോസ്‌റ്റേറ്റ് ക്യാന്‍സര്‍ സാധ്യത 25 ശതമാനം വര്‍ദ്ധിപ്പിയ്ക്കുമെന്നാണ് പഠനങ്ങള്‍ തെളിയിട്ടത്.

വൈകി ഭക്ഷണം കഴിയ്ക്കുമ്പോള്‍

വൈകി ഭക്ഷണം കഴിയ്ക്കുമ്പോള്‍ ശരീരത്തിലെ ഹോര്‍മോണ്‍ പ്രവര്‍ത്തനങ്ങളില്‍ വ്യത്യാസം വരുന്നു. ഇതാണ് രോഗങ്ങക്കു കാരണമാകുന്നത്. പുരുഷന്മാരില്‍ ടെസ്റ്റോസ്റ്റിറോണ്‍, സ്ത്രീകളില്‍ ഈസ്ട്രജന്‍ ഹോര്‍മോണുകളാണ് ഈ പ്രശ്‌നത്തിന് പലപ്പോഴും കാരണമാകുന്നത്. പ്രോസ്‌റ്റേറ്റ്, ബ്രെസ്റ്റ് ക്യാന്‍സര്‍ സാധ്യത വര്‍ദ്ധിയ്ക്കുന്നതിന്റെ കാരണവും ഈ ഹോര്‍മോണ്‍ വ്യത്യാസങ്ങള്‍ തന്നെ.

വൈകിക്കഴിയ്ക്കുന്ന അത്താഴം

വൈകിക്കഴിയ്ക്കുന്ന അത്താഴം മറ്റു പല ആരോഗ്യ പ്രശ്‌നങ്ങള്‍ക്കും കാരണമാകുന്നുണ്ട്. ഇത് അസിഡിറ്റി പോലുള്ള പല അവസ്ഥകള്‍ക്കു കാരണമാകുന്നു. ദഹനം ശരിയാകാത്തതാണ് കാരണം. കാരണം ഉറങ്ങുമ്പോള്‍ എല്ലാ ശാരീരിക പ്രവര്‍ത്തനങ്ങളും മെല്ലെയാകും. ഇത് ദഹന പ്രക്രിയയെ ബാധിയക്കും. ഗ്യ്‌സ്, അസിഡിറ്റി പ്രശ്‌നങ്ങളാകും, ഫലം.

ശോധനക്കുറവിന്

ശോധനക്കുറവിന് ഒരു പ്രധാന കാരണമാണ് കിടക്കുന്നതിനു തൊട്ടു മുന്‍പോ വൈകിക്കഴിയ്ക്കുകയോ ചെയ്യുന്നത്. ഭക്ഷണം ദഹിയ്ക്കാനുള്ള സമയം ലഭിയ്ക്കാത്തതു തന്നെയാണ് കാരണം.വയറിന്റെ ആരോഗ്യത്തെ ഇതു തകിടം മറിക്കുന്നു.

നല്ല ഉറക്കം

നല്ല ഉറക്കം ആരോഗ്യത്തിന് ഉത്തമമാണ്. വൈകിയുള്ള ഭക്ഷണം നല്ല ഉറക്കത്തിനു തടസം നില്‍ക്കുന്ന ഒന്നാണ്. ഇത് ദഹന പ്രശ്‌നങ്ങളുണ്ടാക്കി വയറ്റിന് അസ്വസ്ഥത നല്‍കുന്നതു തന്നെയാണ് കാരണം.

ഛര്‍ദി, വയറിളക്കം

ഛര്‍ദി, വയറിളക്കം തുടങ്ങിയ പല പ്രശ്‌നങ്ങള്‍ക്കും വൈകിയുള്ള ഭക്ഷണം കാരണമാകുന്നുണ്ട്. ദഹന പ്രശ്‌നം തന്നെ അടിസ്ഥാനം. ഇത്തരം പ്രശ്‌നങ്ങള്‍ ഒഴിവാക്കാന്‍ നേരത്തെ അത്താഴം എന്നതാണ് പ്രധാനപ്പെട്ട വഴി.

തടി

തടി കൂട്ടാനുള്ള, വയര്‍ ചാടാനുള്ള പ്രധാനപ്പെട്ടൊരു കാരണമാണ് വൈകിയുള്ള അത്താഴ ശീലം. ആഹാരം ദഹിയ്ക്കില്ല. ശരീരത്തില്‍ ഇത് കൊഴുപ്പായി സൂക്ഷിച്ചു വയ്ക്കപ്പെടുകയും ചെയ്യുന്നു. ഇതെല്ലാം വയറും തടിയും കൂടാന്‍ കാരണമാകും.

പ്രമേഹം, കൊളസ്‌ട്രോള്‍

വൈകി അത്താഴവും വൈകി ഉറക്കവും പ്രമേഹം, കൊളസ്‌ട്രോള്‍ പോലുള്ള പല രോഗങ്ങള്‍ക്കും കാരണമാകും. ശരീരത്തിന്റെ സന്തുലിതാവസ്ഥ തകിടം മറിയുന്നതു തന്നെയാണ് കാരണം.

സ്‌ട്രെസ്

സ്‌ട്രെസ് ,രാവിലെ ഉണര്‍ന്നെഴുന്നേല്‍ക്കുമ്പോഴുള്ള ക്ഷീണം എന്നിവയെല്ലാം വൈകിയുള്ള ഭക്ഷണം വരുത്തുന്ന പ്രശ്‌നങ്ങളാണ്. രാത്രി എട്ടു മണിയ്ക്കു മുന്‍പായി ഭക്ഷണം എന്നുള്ളതാണ് ഏറ്റവും നല്ലത്. ഇതു ലഘുവായിരിയ്ക്കുകയും വേണം. വലിച്ചു വാരി കഴിയ്ക്കുകയുമരുത്.