വൃഷണങ്ങള്‍ ചെറുതെങ്കില്‍ ലൈംഗികശേഷി?

ചെറിയ വൃഷണങ്ങൾ

ചെറിയ വൃഷണങ്ങൾ മൂന്ന് കാര്യങ്ങൾ പറയുന്നു - ടെസ്റ്റോസ്റ്റിറോൺ അളവിന്റെ കുറവ് ,ബീജത്തിന്റെ കുറവ് ,ഈസ്ട്രജന്റെ അളവ് കൂടുതൽ എന്നിവയാണ് .ഇത് അനാരോഗ്യകരമായ ജീവിതചര്യയും ,പ്രായാധിക്യത്തെയും സൂചിപ്പിക്കുന്നു .അതായത് വൃഷണങ്ങള്‍ ഒരു പുരുഷന്റെ ലൈംഗിക ശേഷിയുടെ അളവുകോല്‍ തന്നെയാണെന്നു പറയാം.

ടെസ്‌റ്റോസ്റ്റിറോണ്‍

പുരുഷന്മാരിലെ ടെസ്‌റ്റോസ്റ്റിറോണ്‍ ഹോര്‍മോണാണ് പുരുഷ ഹോര്‍മോണ്‍ എന്നറിയപ്പെടുന്നത്. ഇതിന്റെ അളവും വൃഷണങ്ങളുടെ വലിപ്പവുമായി ബന്ധമുണ്ട്. ഹോര്‍മോണ്‍ അളവു കൂടുതലെങ്കില്‍ വൃഷണ വലിപ്പവും കൂടും.

ബീജോല്‍പാദനവും വൃഷണവലിപ്പവും

ബീജോല്‍പാദനവും വൃഷണവലിപ്പവും തമ്മിലും ബന്ധമുണ്ട്.ബീജത്തിന്റെ അളവ് വൃഷണത്തിനെ വലിപ്പത്തിന് ആനുപാതികമായിരിക്കും .വലിപ്പമുള്ള വൃഷണമാണെകിൽ ബീജം പുറപ്പെടുവിക്കുന്നതും കൂടുതലായിരിക്കും .

രണ്ടു ആരോഗ്യവാന്മാരായ പുരുഷന്മാരെ താരതമ്യം ചെയ്യുകയാണെങ്കിൽ വലിയ വൃഷണമുള്ളയാളായിരിക്കും കൂടുതൽ ബീജം പുറപ്പെടുവിക്കുന്നത് .

പ്രായം കൂടുന്തോറും

പ്രായം കൂടുന്തോറും വൃഷണവലിപ്പം കുറഞ്ഞു വരും. ശരീരത്തിന് കൂടുതൽ ബീജം പുറപ്പെടുവിക്കാൻ കഴിയാതെ വരുന്നു .പ്രായാധിക്യം പുരുഷ വന്ധ്യതയ്ക്കു കാരണമാകുന്നതിന്റെ ഒരു കാരണമാണ് ഇത്. പുരുഷ ഹോര്‍മോണ്‍ ഉല്‍പാദനവും പ്രായമേറുമ്പോള്‍ കുറയും. ഇതും വൃഷണവലിപ്പം കുറയ്ക്കും. ബീജോല്‍പാദനം കുറയ്ക്കും.

പുരുഷന് 30 വയസ്സ് കഴിയുമ്പോൾ

പുരുഷന് 30 വയസ്സ് കഴിയുമ്പോൾ ഓരോ വർഷവും ടെസ്റ്റോസ്റ്റിറോണി ന്റെ അളവ് കുറയുന്നു നിങ്ങളുടെ ശരീരത്തിൽ ടെസ്റ്റോസ്റ്റിറോണി ന്റെ അളവ് കുറയുമ്പോൾ വൃഷണം ചുരുങ്ങും .ബീജോല്‍പാദനം കുറയും.

അമിത മദ്യപാനവും പുകവലിയും

അമിത മദ്യപാനവും പുകവലിയും പുരുഷ ഹോര്‍മോണ്‍ അളവു കുറയ്ക്കും, വൃഷണ വലിപ്പം കുറയ്ക്കും, ബീജോല്‍പാദനം കുറയ്ക്കും. ഇത്തരം ദുശീലങ്ങളും അനാരോഗ്യകരമായ ഭക്ഷണ, ജീവിത രീതികളും മാററി വയ്ക്കുക. ഇത് വൃഷണാരോഗ്യത്തിനും വൃഷണ വലിപ്പത്തിനും അത്യാവശ്യമാണ്.

പുരുഷന്മാരിൽ

പുരുഷന്മാരിൽ ടെസ്റ്റോസ്റ്റിറോണി ന്റെ അളവ് കുറയുമ്പോൾ ഈസ്ട്രജന്റെ അളവ് കൂടുന്നു .ഈസ്ട്രജൻ അളവ് കൂടുതലുള്ള പുരുഷന്മാരിൽ സ്തനങ്ങൾ കാണുന്നു .മെഡിക്കൽ കാരണങ്ങളാൽ ഈസ്ട്രജൻ എടുത്തിട്ടുള്ള പുരുഷന്മാരിൽ ക്രമേണ വൃഷണം ചുരുങ്ങിയതായി കണ്ടിട്ടുണ്ട് .ഇത് ഈസ്ട്രജന്റെ അളവ് കൂടുതലും ചെറിയ വൃഷണവും തമ്മിലുള്ള ബന്ധം സൂചിപ്പിക്കുന്നു .

ചെറിയ വൃഷണങ്ങൾ

ചെറിയ വൃഷണങ്ങൾ വന്ധ്യത ,അമിതവണ്ണം ,പ്രോസ്ട്രേറ്റ് പ്രശ്നങ്ങൾ എന്നിവ ഉണ്ടാക്കുന്നു .എന്നാൽ ചെറിയ വൃഷണമുള്ള എല്ലാ പുരുഷന്മാരിലും വന്ധ്യത ഇല്ല .ഡോക്ടറുമായി പരിശോധിച്ചാൽ മാത്രമേ നിങ്ങളുടെ ടി ലെവൽ കുറവാണോ ,വൃഷണം ചെറുതാണോ എന്ന് ഉറപ്പുവരുത്താനാകൂ .

വൃഷണ വലിപ്പം

വൃഷണ വലിപ്പം ബീജോല്‍പാദനത്തെ ബാധിയ്ക്കും, ഇതുപോലെ ടെസ്‌റ്റോസ്റ്റിറോണ്‍ തോതു കുറവാണ് കാരണമെങ്കില്‍ ഇത് സെക്‌സ് ശേഷിയേയും ബാധിയ്ക്കും. എന്നാല്‍ മറ്റെന്തെങ്കിലും കാരണങ്ങളാലാണ് വൃഷണ വലിപ്പം കുറവെങ്കില്‍ ഇത് സെക്‌സ് ശേഷിയെ ബാധിയ്്ക്കില്ല.