നിത്യയൗവനത്തിന് പ്രത്യേക നെല്ലിക്ക ലേഹ്യം

നെല്ലിക്കയ്‌ക്കൊപ്പം

നെല്ലിക്കയ്‌ക്കൊപ്പം ശര്‍ക്കര, നെയ്യ്, കറുവാപ്പട്ട, ഏലയ്ക്ക, കുരുമുളക്, ഗ്രാമ്പൂ, സ്റ്റാര്‍ ആകൃതിയില്‍ ലഭിയ്ക്കുന്ന സ്റ്റാര്‍ അനൈസ് എന്ന മസാലക്കൂട്ട് എന്നിവയും ഇതു തയ്യാറാക്കാന്‍ ഉപയോഗിയ്ക്കുന്നുണ്ട്.

നെയ്യ്

നെയ്യ് ശരീരത്തിനും ചര്‍മത്തിനുമെല്ലാം ഒരുപോലെ ഗുണകരമാണ്. മുടി നരയ്ക്കാതിരിയ്ക്കാന്‍ നെയ്യ് തലയില്‍ പുരട്ടുന്ന ഒന്നാണ്. ചര്‍മത്തിലെ ചുളിവുകള്‍ നീക്കാനും ചര്‍മത്തിന് ചെറുപ്പം നല്‍കാനും നെയ്യ് ഏറെ നല്ലതാണ്.

ഏലയ്ക്ക

ഏലയ്ക്കയ്ക്കും ആരോഗ്യപരമായ, സൗന്ദര്യപരമായ ഗുണങ്ങള്‍ ഉണ്ട്. അനാവശ്യ കൊഴുപ്പ് നീക്കുന്ന ഒന്നാണിത്. കുരുമുളക്, ഗ്രാമ്പൂ, കറുവാപ്പട്ട എന്നിവയെല്ലാം തന്നെ ഒരു വിധത്തില്‍ അല്ലെങ്കില്‍ മറ്റൊരു വിധത്തില്‍ ശരീരത്തിനും ചര്‍മത്തിനും ഗുണം ചെയ്യുന്ന ഒന്നുമാണ്.

ശര്‍ക്കരയും

ശര്‍ക്കരയും ശരീരത്തിന്റെ ആരോഗ്യത്തിന് ഏറെ നല്ലതാണ്. അയേണിന്റെ കലവറയാണിത്. രക്തോല്‍പാദനം വര്‍ദ്ധിപ്പിയ്ക്കുന്നതു കൊണ്ടു തന്നെ ചര്‍മത്തിനും മുടിയ്ക്കുമെല്ലാം നല്ലതുമാണ്. ശര്‍ക്കരയ്ക്കു പകരം കരുപ്പെട്ടിയാണെങ്കില്‍ ഏറെ നല്ലത്.

അരക്കിലോ നെല്ലിക്ക

അരക്കിലോ നെല്ലിക്കയാണ് ഇതു തയ്യാറാക്കാന്‍ വേണ്ടത്. അരക്കിലോ നെല്ലിക്കയ്‌ക്കൊപ്പം രണ്ടു കഷ്ണം കറുവാപ്പട്ട, ഒരു സ്റ്റാര്‍ അനൈസ്, നാലഞ്ച് ഗ്രാമ്പൂ, രണ്ട് ഏലയ്ക്ക, 10 കുരുമുളക് എന്നിവയ്‌ക്കൊപ്പം ചെറിയ കഷ്ണം ഇഞ്ചി, ചുക്ക് എന്നിവ കൂടി ചേര്‍ക്കുന്നത് ഏറെ ഗുണം നല്‍കും. ശര്‍ക്കരയും ഏതാണ്ട് അരക്കിലോ വേണം.

നെല്ലിക്ക

നെല്ലിക്ക കുക്കുറില്‍ ഇട്ട് ഇതില്‍ നെയ്യും ശര്‍ക്കരയും ഒഴികെ മറ്റു ചേരുവകളും ഇട്ട് അര ഗ്ലാസ് വെള്ളം കൂടി ഒഴിച്ച് കുക്കറില്‍ വേവിയ്ക്കുക. രണ്ടു മൂന്ന് ആവിയില്‍ വെന്തു കിട്ടും. പുഴുങ്ങിയ നെല്ലിക്ക പുറത്തെടുത്ത് കുരു നീക്കിയെടുക്കുക.

ശര്‍ക്കര വെള്ളം ചേര്‍ത്ത് ഉ

ശര്‍ക്കര വെള്ളം ചേര്‍ത്ത് ഉരുക്കി ശര്‍ക്കര പാനിയാക്കി എടുക്കുക. ഇത് അരിപ്പയില്‍ അരിച്ചു വേണം, എടുക്കാന്‍. അല്ലെങ്കില്‍ കരടുണ്ടാകും.

ഈ നെല്ലിക്കയും വെള്ളവും

ഈ നെല്ലിക്കയും വെള്ളവും ഇതില്‍ ഇട്ടിട്ടുള്ള ഏലയ്ക്ക പോലുളള എല്ലാ ചേരുവകളും മിക്‌സിയില്‍ ഇട്ടു നല്ലപോലെ അരച്ചെടുക്കണം. ശര്‍ക്കര പാനിയും ചേര്‍ത്ത് വേണം, അരച്ചെടുക്കാന്‍. നല്ലപോലെ തരിയില്ലാതെ അരച്ചെടുക്കുക.

ചീനച്ചട്ടിയില്‍

ഒരു ചീനച്ചട്ടിയില്‍, ഇരുമ്പു ചട്ടിയെങ്കില്‍ കൂടുതല്‍ നല്ലത്, 50 ഗ്രാം നെയ്യൊഴിയ്ക്കുക. ഇതിലേയ്ക്ക് നെല്ലിക്കാ മിശ്രിതവും ബാക്കി വന്ന ശര്‍ക്കര പാനിയെങ്കില്‍ ഇതും ഇട്ടു കൊടുക്കുക. ഇത് നല്ലപോലെ ഇളക്കണം.

തേങ്ങാപ്പാല്‍

ഇതിലേയ്ക്കു പിന്നീടു ചേര്‍ക്കേണ്ട ഒരു ചേരുവയാണ് തേങ്ങാപ്പാല്‍. ഒരു തേങ്ങയുടെ പാല്‍ പിഴിഞ്ഞെടുത്ത് ഇതിലേയ്ക്ക് ഒഴിയ്ക്കണം. വേണമെങ്കില്‍ രണ്ടു തേങ്ങയുടെ പാലുമാകാം. ഇത് താല്‍പര്യമനുസരിച്ചെടുക്കാം. ഇത് നല്ലപോലെ ചെറുതീയില്‍ ഇളക്കി കുറുക്കി ലേഹ്യപ്പരുവമാക്കി എടുക്കാം.

ചൂടാറിയാല്‍

ഇത് ചൂടാറിയാല്‍ മണ്‍ഭരണിയില്‍ അടച്ചു സൂക്ഷിയ്ക്കാം. രാവിലെ വെറുംവയറ്റിലും രാത്രി കിടക്കാന്‍ നേരത്തും ഇത് ഓരോ ടീസ്പൂണ്‍ വീതം കഴിയ്ക്കാം. കുട്ടികള്‍ക്കും മുതിര്‍ന്നവര്‍ക്കും ഒരുപോലെ കഴിയ്ക്കാവുന്ന ഒന്നാണിത്.

ചര്‍മത്തിന്

ചര്‍മത്തിന് ആന്റ്ിഓക്‌സിഡന്റ് ഗുണങ്ങള്‍ നല്‍കുന്ന, ചെറുപ്പം നല്‍കുന്ന ഒന്നാണ് ഇത്. ചര്‍മത്തില്‍ ചുളിവുകള്‍ വീഴുന്നതും തടയുന്നു. ചര്‍മ കോശങ്ങള്‍ക്ക് ഉള്ളിലേയ്ക്ക് പോഷകങ്ങള്‍ നല്‍കിയാണ് ഇത് ഈ ഗുണം നല്‍കുന്നത്. ചര്‍മം അയഞ്ഞു തൂങ്ങുന്നതും ഇതു തടയുന്നു. നെല്ലിക്കയിലെ കൊളാജന്‍ ചര്‍മം അയഞ്ഞു തൂങ്ങുന്നതു തടയാന്‍ ഏറെ നല്ലതാണ്.

ചര്‍മത്തിനു തിളക്കവും മൃദുത്വവും

ചര്‍മത്തിനു തിളക്കവും മൃദുത്വവും നല്‍കുന്ന ഒന്നാണ് ഈ പ്രത്യേക കൂട്ട്. ചര്‍മത്തിന് ഈര്‍പ്പം നല്‍കുന്നു. രക്തോല്‍പാദനത്തിലൂടെ രക്തപ്രസാദവും നല്‍കുന്നു.

മുടി വളരാനും

നെല്ലിക്ക മുടി വളരാനും മുടിയുടെ അകാല നര ഒഴിവാക്കാനും ഏറെ നല്ലതാണ്. മുടിയുടെ പല വിധ പ്രശ്‌നങ്ങള്‍ക്കുള്ള നല്ലൊരു മരുന്നാണ് നെല്ലിക്ക.

അയേണ്‍

വിളര്‍ച്ചാ പ്രശ്‌നങ്ങളുള്ളവര്‍ക്ക് ഇതു കഴിയ്ക്കുന്നത് ഏറെ ഗുണം നല്‍കും. അയേണ്‍ ടോണിക് ഗുണം. നെല്ലിക്കയും ശര്‍ക്കരയുമെല്ലാം അയേണ്‍ സമ്പുഷ്ടമാണ്.

മലബന്ധം

വയറിന്റെ ആരോഗ്യത്തിന്, മലബന്ധം നീക്കാന്‍ ഉത്തമമാണ് ഈ നെല്ലിക്കാ ലേഹ്യം. നെയ്യും ശര്‍ക്കരയുമെല്ലാം വയറിന്റെ ആരോഗ്യത്തിന്, നല്ല ശോധനയ്ക്ക് ഏറെ ഉത്തമമാണ്. ഗ്യാസ്, അസിഡിറ്റി പ്രശ്‌നങ്ങള്‍ ഒഴിവാക്കാനും ഇതിലെ ചേരുവകള്‍ സഹായിക്കും.

ബുദ്ധിശക്തിയ്ക്കും

ബുദ്ധിശക്തിയ്ക്കും ഓര്‍മ ശക്തിയ്ക്കുമെല്ലാമുള്ള നല്ലൊരു മരുന്നാണിത്. കുട്ടികള്‍ക്കിതു കൊണ്ടു പ്രത്യേകിച്ചും നല്ലത്. തലച്ചോറിന്റെ പ്രവര്‍ത്തനങ്ങളെ സഹായിക്കുന്ന ധാരാളം ഘടകങ്ങള്‍ ഇതിലുണ്ട്.