ആണുങ്ങള്‍ 1 മുട്ട ദിവസവും 1 മാസം കഴിച്ചാല്‍

മസില്‍

പുരുഷ ശരീരത്തിലെ പ്രധാനപ്പെട്ട ഒന്നാണ് മസിലുകള്‍. മസില്‍ വളര്‍ച്ച പുരുഷ കരുത്തിന്റെ മാത്രമല്ല, ആരോഗ്യമുള്ള പുരുഷ ശരീരത്തിന്റെ ലക്ഷണം കൂടിയാണ്. മസിലുകളുടെ വളര്‍ച്ചയ്ക്കു സഹായിക്കുന്ന നല്ലൊരു ഭക്ഷണമാണ് മുട്ട. ഇത് പ്രോട്ടീന്‍ സമ്പുഷ്ടമാണ്. മസില്‍ വളര്‍ച്ചയ്ക്ക് അത്യാവശ്യമായ ഒന്നാണ് പ്രോട്ടീന്‍.

ടെസ്‌റ്റോസ്റ്റിറോണ്‍

പുരുഷ ഹോര്‍മോണായ ടെസ്‌റ്റോസ്റ്റിറോണ്‍ ഹോര്‍മോണ്‍ ഉല്‍പാദനത്തിനും ഏറെ നല്ലതാണ് മുട്ട. ടെസ്റ്റോസ്റ്റിറോണ്‍ ഹോര്‍മോണ്‍ പുരുഷ ശരീരത്തിലെ രോമ വളര്‍ച്ചയ്ക്കും മസിലുകള്‍ രൂപപ്പെടുന്നതിനും നല്ല സെക്‌സിനുമെല്ലാം അത്യാവശ്യമായ ഘടകമാണ്. ദിവസവും മുട്ട കഴിയ്ക്കുന്നത് ടെസ്റ്റോസ്റ്റിറോണ്‍ ഹോര്‍മോണ്‍ ഉല്‍പാദനം മെച്ചപ്പെടുത്തുന്നു.

എല്ലുകളുടെ കരുത്തിനു സഹായിക്കുന്ന ഒന്നാണ്

എല്ലുകളുടെ കരുത്തിനു സഹായിക്കുന്ന ഒന്നാണ് മുട്ട. ഇതിലെ കാല്‍സ്യം, വൈറ്റമിന്‍ ഡി എന്നിവയാണ് എല്ലിന്റെ ബലത്തിനു സഹായിക്കുന്നത്. പ്രത്യേകിച്ചും സ്‌പോട്‌സുകാരായവര്‍ക്കു കഴിയ്ക്കാന്‍ പറ്റിയ ഒരു ഭക്ഷണമാണ് മുട്ട. പ്രായമാകുമ്പോഴുള്ള ഓസ്റ്റിയോപെറോസിസ് പോലുള്ള രോഗങ്ങള്‍ക്കുള്ള നല്ലൊരു പരിഹാരം കൂടിയാണ് മുട്ട.

സെക്‌സ് കഴിവുകളെ

മുട്ട ഏതു രൂപത്തില്‍ കഴിയ്ക്കുന്നതും പുരുഷന്റെ സെക്‌സ് കഴിവുകളെ വര്‍ദ്ധിപ്പിയ്ക്കും. മുട്ടയിലെ സിങ്ക് ഇതിനു സഹായിക്കുന്ന ഒന്നാണ്. പുരുഷ ഹോര്‍മോണ്‍ ഉല്‍പാദനം വര്‍ദ്ധിപ്പിയ്ക്കുന്നതും സെക്‌സിനു സഹായകമാണ്. ഇതിലെ വൈററമിന്‍ ബി6. ബി5 എന്നിവ സെക്‌സ് സമയത്തെ സ്‌ട്രെസ് , ഉത്കണ്ഠ തുടങ്ങിയവ നിയന്ത്രിയ്ക്കുകയും ഇതുവഴി ഉണ്ടാകാനിടയുളള ഉദ്ധാരണ പ്രശ്‌നങ്ങള്‍ അകറ്റുകയും ചെയ്യുന്നു. പുരുഷന്റെ ശരീരത്തിന്റെ കരുത്തിനും മുട്ട ഏറെ പ്രധാനമാണ്. സെക്‌സിനു മുന്‍പ് പച്ചമുട്ടയോ പുഴുങ്ങിയ മുട്ടയോ കഴിയ്ക്കുന്നത് നല്ല സെക്‌സിനു സഹായിക്കുമെന്നു പഠനങ്ങള്‍ വെളിപ്പെടുത്തുന്നു. എന്നാല്‍ പച്ചമുട്ട കഴിയ്ക്കുമ്പോള്‍ സാല്‍മൊണെല്ല എന്ന ബാക്ടീരിയല്‍ ബാധയുണ്ടാകാനുള്ള സാധ്യതയുമുണ്ടെന്ന കാര്യം ഓര്‍്മ വേണം.

സെക്‌സ്

സെക്‌സ് പ്രശ്‌നങ്ങള്‍ക്കും നല്ല ഉദ്ധാരണത്തിനുമായി മുട്ട ചില പ്രത്യേക രീതിയില്‍ ഉപയോഗിയ്ക്കുന്നത് നല്ലതാണ്. ക്യാരറ്റ് പച്ചക്ക് അരിഞ്ഞ് പകുതി വേവിച്ച മുട്ടയും തേനുമായി കഴിയ്ക്കുന്നത് നല്ലതാണ്.

ഉദ്ധാരണ, ശീഘ്ര സ്ഖലന പ്രശ്‌നങ്ങള്‍ക്കായി മുട്ട

പുരുഷന്റെ ഉദ്ധാരണ, ശീഘ്ര സ്ഖലന പ്രശ്‌നങ്ങള്‍ക്കായി മുട്ട പ്രത്യേക രീതിയില്‍

ഉപയോഗിയ്ക്കാംഅര ടീസ്പൂണ്‍ ഇഞ്ചി നീര്, ഒരു മുട്ട, ഒരു സ്പൂണ്‍ തേന്‍ എന്നിവയാണ് ഇതിനു വേണ്ടത്മുട്ട പകുതി പുഴുങ്ങുക. മുഴുവന്‍ പുഴുങ്ങരുത്. ഇതിന്റെ ഉള്‍ഭാഗത്തെ മഞ്ഞനിറത്തിലുള്ള ഭാഗമെടുക്കുക.ഇതില്‍ ഇഞ്ചിനീര്, തേന്‍ എന്നിവ കലര്‍ത്തുക. ഇത് നല്ലപോലെ കലര്‍ത്താംഇത് ദിവസവും ഒരു മാസം രാത്രി ഭക്ഷണശേഷം കുടിയ്ക്കാം.

ഹൃദയരോഗങ്ങള്‍

ഹൃദയത്തിന്റെ ആരോഗ്യത്തിനു ചേര്‍ന്നൊരു ഭക്ഷണം കൂടിയാണ് മുട്ട. സ്ത്രീകളെ അപേക്ഷിച്ച് ഹൃദയരോഗങ്ങള്‍ വരാന്‍ സാധ്യത കൂടുതല്‍ പുരുഷന്മാര്‍ക്കാണ്. സ്ത്രീകളില്‍ മെനോപോസ് വരെ ഈസ്ട്രജന്‍ ഹോര്‍മോണ്‍ ഹൃദയത്തെ സംരക്ഷിയ്ക്കുമെന്നതു കൊണ്ടാണിത്.

തലച്ചോറിന്റെ ആരോഗ്യത്തിന്

തലച്ചോറിന്റെ ആരോഗ്യത്തിന് ഏറ്റവും നല്ല ഒരു ഭക്ഷണവസ്തുവാണ് മുട്ട. ഇതിലെ കൊളീന്‍ എന്ന ഘടകമാണ് ഇതിനു സഹായിക്കുന്നത്. ബുദ്ധി ശക്തിയ്ക്കും ഓര്‍മക്കുറവ് പോലുള്ള പ്രശ്‌നങ്ങള്‍ക്കും ഇത് ഏറെ നല്ലതാണ്.

തടി കുറയ്ക്കാന്‍

ശരീരത്തിന് ആരോഗ്യം നല്‍കി തടി കുറയ്ക്കാന്‍ സഹായിക്കുന്ന ഒന്നു കൂടിയാണ് മുട്ട. ഇതില്‍ 80 കലോറി മാത്രമാണ് അടങ്ങിയിരിയ്ക്കുന്നത്. ഇതിലെ പ്രോട്ടീന്‍ വയര്‍ പെട്ടെന്നു നിറയാനും അമിത വിശപ്പു നിയന്ത്രിയ്ക്കാനും ഇതുവഴി അമിത ഭക്ഷണം കുറയ്ക്കാനും സഹായിക്കുന്നു. ശരീരത്തിലെ അപചയ പ്രക്രിയ ശക്തിപ്പെടുത്തുന്നതു വഴിയും മുട്ട തടിയും വയറുമെല്ലാം കുറയ്ക്കാന്‍ ഏറെ നല്ലതാണ്.

ബിപി

ഹൃദയ ധമനികളുടെ ആരോഗ്യത്തിന് ചേര്‍ന്ന ഒന്നാണ് മുട്ട. ഇത് രക്തപ്രവാഹം കൃത്യമായി നടക്കാന്‍ സഹായിക്കുന്ന ഒന്നാണ്. ബിപി നിയന്ത്രിയ്ക്കുന്നതു വഴിയും ഇത് ഹൃദയാരോഗ്യത്തെ സഹായിക്കുന്നു.ഹൃദയപ്രശ്‌നങ്ങള്‍ പരിഹരിയ്ക്കാനുളള നല്ലൊരു പ്രതിവിധിയാണ് മുട്ടവെള്ള. ഇതിലെ പൊട്ടാസ്യം ബിപി നിയന്ത്രിയ്ക്കുന്നതാണ് ഒരു കാരണം. ഇതുവഴി വാസോഡയലേഷന്‍ എന്നൊരു അവസ്ഥയൊഴിവാകും. രക്തക്കുഴലുകള്‍ വികസിച്ച് കൂടുതല്‍ രക്തം എത്തുന്ന അവസ്ഥയാണിത്. ഇതുവഴി രക്തം കട്ട പിടിയ്ക്കാനുളള സാധ്യത വര്‍ദ്ധിയ്ക്കുന്നു. ബിപി നിയന്ത്രിച്ചു നിര്‍ത്തി ഈ അവസ്ഥ തടയാന്‍ മുട്ട സഹായിക്കും.

മുട്ടവെള്ള

മുട്ടവെള്ള സോഡിയം സമ്പുഷ്ടമാണ്. ഇതുകൊണ്ടുതന്നെ ഹൃദയം, നാഡി, കിഡ്‌നി എന്നിവയുടെ പ്രവര്‍ത്തനത്തിന് ഏറെ ഗുണകരവും. അത്‌ലെറ്റുകള്‍ക്ക് മസില്‍ വേദന പോലുള്ള പ്രശ്‌നങ്ങള്‍ ഒഴിവാക്കാന്‍ സോഡിയം ഏറെ അത്യാവശ്യമാണ്. സോഡിയത്തിന്റെ കുറവ് മനംപിരട്ടല്‍ പോലുള്ള അസ്വസ്ഥതകള്‍ക്കു വഴി വയ്ക്കുകയും ചെയ്യും.