കുമ്പളംജ്യൂസില്‍ പഞ്ചസാര ചേര്‍ത്തു രാവിലെ കുടിക്കൂ

പ്രമേഹം

എല്ലാവര്‍ക്കും അറിയുന്നതു പോലെ കുമ്പളങ്ങയുടെ നീരിനു പ്രമേഹം പ്രതിരോധിയ്ക്കാനുള്ള കഴിവുണ്ട്. രാവിലെ വെറുംവയറ്റില്‍ കുമ്പളങ്ങാനീരു കുടിയ്ക്കുന്നത് പ്രമേഹത്തെ തടഞ്ഞു നിര്‍ത്തുന്ന ഒന്നാണ്. ഇത് ഇന്‍സുലിന്‍ ഉല്‍പാദനം വര്‍ദ്ധിപ്പിച്ചാണ് ഈ ഗുണം നല്‍കുന്നത്. ഇതു വഴി രക്തത്തിലെ ഗ്ലൂക്കോസ് തോതു നിയന്ത്രിയ്ക്കാന്‍ സാധിയ്ക്കുന്നു. ഇതു ദിവസവും കുടിയ്ക്കുന്നത് ഇന്‍സുലിന്‍ കുത്തിവയ്പു വരെ ഒഴിവാക്കാന്‍ സഹായിക്കും.

മൂത്രാശയ സംബന്ധമായ രോഗങ്ങള്‍ക്കുള്ള നല്ലൊരു പ്രതിവിധി

കുമ്പളങ്ങാനീരു കുടിയ്ക്കുന്നത് മൂത്രാശയ സംബന്ധമായ രോഗങ്ങള്‍ക്കുള്ള നല്ലൊരു പ്രതിവിധി കൂടിയാണ്. കിഡ്‌നി സ്റ്റോണ്‍ പോലുളള പ്രശ്‌നങ്ങള്‍ക്ക് പ്രതിവിധിയാകും. കിഡ്‌നി രോഗങ്ങള്‍ക്ക് രാവിലെ വെറുംവയറ്റില്‍ 5 ഔണ്‍സ് കുമ്പളങ്ങാനീരില്‍ ഒരു നുളളു തഴുതാമയില, രണ്ടു നുളളു ചെറൂള ഇല എന്നിവ അരച്ചു കലക്കി കുടിയ്ക്കുന്നത് ഏറെ നല്ലതാണ്.

ചര്‍മത്തിന്റെ ആരോഗ്യത്തിനും

ശരീരത്തില്‍ നിന്നും ചര്‍മത്തില്‍ നിന്നും ടോക്‌സിനുകള്‍ നീക്കുന്നതു കൊണ്ട് ചര്‍മത്തിന്റെ ആരോഗ്യത്തിനും തിളക്കത്തിനുമെല്ലാം ഉത്തമമായ ഒന്നാണിത്. ദിവസവും രാവിലെ വെറുംവയറ്റില്‍ കുമ്പളങ്ങാനീരു ശീലമാക്കുന്നത് ചര്‍മത്തിന്റെ പല പ്രശ്‌നങ്ങള്‍ക്കും പരിഹാരവുമാണ്.

ബിപി

പ്രമേഹത്തിനു പുറമെ ബിപിയ്ക്കും കൊളസ്‌ട്രോളിനുമെല്ലാം നല്ലൊരു ഔഷധമാണ് കുമ്പളങ്ങയുടെ നീരെന്നു പറയാം. ഇതു വഴി ഹൃദയത്തിന്റ ആരോഗ്യത്തിനും ഇതു സഹായകമാണ്.

രക്തം

രക്തം ശുദ്ധീകരിയ്ക്കുന്ന ഒന്നു കൂടിയാണ് കുമ്പളങ്ങാ ജ്യൂസ്. ഇത് വെറുംവയറ്റില്‍ കുടിയ്ക്കുന്നത് രക്ത ദോഷം തീര്‍ക്കും. അമിതമായ ബ്ലീഡിംഗ് പോലുള്ള പ്രശ്‌നങ്ങള്‍ക്കും ഇതു നല്ലൊരു പരിഹാരമാണ്. ആന്തരാവയവങ്ങളില്‍ നിന്നുള്ള ബ്ലീഡിംഗ് തടയാനും കുമ്പളങ്ങാനീര് ഏറെ നല്ലതു തന്നെയാണ്.

ശ്വസന പ്രശ്‌നങ്ങള്‍ക്കുളള നല്ലൊരു മരുന്നുമാണ്

ശ്വസന പ്രശ്‌നങ്ങള്‍ക്കുളള നല്ലൊരു മരുന്നുമാണ്. ഇത് നമുക്കു തന്നെ തയ്യാറാക്കാവുന്നതേയുള്ളൂ. കുമ്പളങ്ങ ചെറിയ കഷ്ണങ്ങളാക്കി നുറുക്കുക. ഇത് അല്‍പം വെള്ളം ചേര്‍ത്തു വേവിയ്ക്കുക. ഇതു പഴിഞ്ഞ് കഷ്ണം വേറെയും വെള്ളം വേറെയുമായി മാറ്റി വയ്ക്കുക. അല്‍പം നെയ്യിലിട്ടു കുമ്പളങ്ങാക്കഷ്ണം വറുക്കുക. ഇളം ബ്രൗണ്‍ നിറമാകുന്നതു വരെ വറുക്കുക. വാങ്ങി അടച്ചു വയ്ക്കുക. കുമ്പളങ്ങ പിഴിഞ്ഞു വച്ചിരിയ്ക്കുന്ന നീരില്‍ അല്‍പം കല്‍ക്കണ്ടം ചേര്‍ത്ത് നല്ലപോലെ കുറുക്കി ലേഹംപോലെ കുറുകുമ്പോള്‍ ഇതില്‍ തിപ്പലി, ജീരകം, ചുക്ക്, ഏലയ്ക്ക, ഇലവങ്കം, പച്ചില, കൊത്തമല്ലി, കുരുമുളക് എന്നിവയെല്ലാം കൂടി പൊടിച്ചു ചേര്‍ത്ത് ഇതില്‍ നെയ്യും ചേര്‍ത്തിളക്കുക. ഇതില്‍ കുമ്പളങ്ങാ കഷ്ണവും ചേര്‍ക്കുകു. ഇവയെല്ലാം ചേര്‍ത്ിതളക്കി അല്‍പം തേനും ചേര്‍ത്തു തണുക്കുമ്പോള്‍ അടുച്ചു വച്ച് ഉപയോഗിയ്ക്കാം.

തടി കുറയ്ക്കാന്‍ ശ്രമിയ്ക്കുന്നവര്‍ക്ക്

തടി കുറയ്ക്കാന്‍ ശ്രമിയ്ക്കുന്നവര്‍ക്ക് വെറുംവയററില്‍ ഇതു സ്ഥിരമായി കുടിയ്ക്കുന്നത് ഏറെ ഗുണം നല്‍കും. ഇതില്‍ കലോറി തീരെ കുറവാണ്. 100 ഗ്രാം കുമ്പളങ്ങയില്‍ 12 ഗ്രാം കലോറി മാത്രമാണ് ഉള്ളത്. എന്നാല്‍ തടി കുറയ്ക്കാന്‍ കുമ്പളങ്ങനീര് ജ്യൂസാക്കി എടുക്കുന്നതിനേക്കാള്‍ ഇതിന്റെ കുരുവുള്ള നടുഭാഗം ചിരകിയെടുത്ത് ഇതു നല്ലപോലെ പിഴ്ിഞ്ഞെടുത്തു ജ്യൂസ് കുടിയ്ക്കുന്നതാണ് നല്ലത്.

കുമ്പളങ്ങ ശര്‍ക്കര ചേര്‍ത്തു കഴിയ്ക്കുന്നത്

കുമ്പളങ്ങ ശര്‍ക്കര ചേര്‍ത്തു കഴിയ്ക്കുന്നത് പൈല്‍സിനുളള നല്ലൊരു മരുന്നാണ്. കുമ്പളങ്ങാനീരില്‍ ശര്‍ക്കര ചേര്‍ത്തിളക്കി കുടിയ്ക്കുന്നതും നല്ലതാണ്. ഇത് ഗ്രഹണിയ്ക്കുള്ള നല്ലൊരു മരുന്നു കൂടീയാണ്.

ദഹന ശക്തി

ദഹന ശക്തി വര്‍ദ്ധിപ്പിയ്ക്കുന്നതിനും നല്ല ശോധനയ്ക്കുമെല്ലാം സഹായിക്കുന്ന ഒന്നാണ് വെറുംവയറ്റില്‍ കുമ്പളങ്ങാനീര് കുടിയ്ക്കുന്നത്. കുമ്പളത്തിന്റെ ഇല വാട്ടിപ്പിഴിഞ്ഞു നീരെടുത്തു കുടിയ്ക്കുന്നതും ദഹന ശക്തി വര്‍ദ്ധിപ്പിയ്ക്കും. ദഹനവുമായ ബന്ധപ്പെട്ട വയറിളക്കം, ഛര്‍ദ്ദി എന്നിവയ്ക്കും വിര ശല്യത്തിനുമെല്ലാം കുമ്പളങ്ങ ഏറെ നല്ലതാണ്.

അപസ്മാരത്തിനുള്ള ചികിത്സ

അപസ്മാരത്തിനുള്ള ചികിത്സ കൂടിയാണ് കുമ്പളങ്ങാനീര്. ഇതില്‍ ഇരട്ടി മധുരം ചേര്‍ത്തു കുടിയ്ക്കുന്നത് അപസ്മാര പരിഹാരത്തിനുള്ള നല്ലൊരു വഴിയാണ്. കുമ്പളങ്ങാനീരില്‍ ലേശം പഞ്ചസാര ചേര്‍ത്തു കുടിയ്ക്കുന്നതും അപസ്മാരത്തിനുള്ള ഒരു ചികിത്സയാണ്.

അയേണ്‍

അയേണ്‍ കുറവുള്ളവര്‍ക്കുള്ള നല്ലൊരു ടോണിക്കാണ് വെറുംവയറ്റില്‍ കുമ്പളങ്ങാനീരെന്നു വേണം, പറയാന്‍. ഇത് ഹീമോഗ്ലോബിന്‍ ഉല്‍പാദനം വര്‍ദ്ധിപ്പിയ്ക്കും, രക്തം ശുദ്ധീകരിയ്ക്കും, രക്തപ്രവാഹം വര്‍ദ്ധിപ്പിയ്ക്കും. കുമ്പളങ്ങാനീരില്‍ ലേശം പഞ്ചസാര ചേര്‍ത്തു കുടിയ്ക്കുന്നതു അയേണ്‍ ഉല്‍പാദനത്തിനു നല്ലതാണ്. ഇത് ക്ഷീണം മാറാനും ഊര്‍ജോല്‍പാദനത്തിനും സഹായിക്കുകയും ചെയ്യും.

തൈറോയ്ഡിനുളള നല്ലൊരു പപരിഹാരം

തൈറോയ്ഡിനുളള നല്ലൊരു പപരിഹാരം കൂടിയാണ് കുമ്പളങ്ങനീര്. ഇത് ദിവസവും കുടിയ്ക്കുന്നത് തൈറോയ്ഡ് ഹോര്‍മോണ്‍ പ്രവര്‍ത്തനം സന്തുലിതമാക്കി നില നിര്‍ത്തും.