നെല്ലിക്ക ചതച്ചിട്ടവെളളം മഞ്ഞള്‍ചേര്‍ത്ത് കുടിക്കൂ

പ്രമേഹം, കൊളസ്‌ട്രോള്‍

പ്രമേഹം, കൊളസ്‌ട്രോള്‍ തുടങ്ങിയ അസുഖങ്ങള്‍ ഉള്ളവര്‍ ഇത്തരം വെളളം കുടിയ്ക്കുന്നത് ഈ രോഗാവസ്ഥകള്‍ നിയന്ത്രിയ്ക്കുന്നതിന് ഏറെ നല്ലതാണ്. നെല്ലിക്കയുടെ കയ്പു ഗുണമാണ് പ്രമേഹത്തിന് ആരോഗ്യകരമാകുന്നത്. ഇത് രക്തത്തിലെ ഗ്ലൂക്കോസ് തോതു നിയന്ത്രിച്ചു നിര്‍ത്താന്‍ ഏറെ നല്ലതാണ്. ഇതുപോലെ ചീത്ത കൊളസ്‌ട്രോള്‍ നിയന്ത്രിയ്ക്കാന്‍ പച്ചനെല്ലിക്ക ചതച്ചിട്ട വെള്ളം ഏറെ ഗുണകരമാണ്.

ഹീമോഗ്ലോബിന്‍

ശരീരത്തില്‍ രക്താംശം കൂട്ടുന്ന ഒന്നാണ് പച്ചനെല്ലിക്ക ചതച്ചിട്ട വെള്ളം. ഇത് ഹീമോഗ്ലോബിന്‍ തോതു വര്‍ദ്ധിപ്പിയ്ക്കും. അനീമിയ പോലുള്ള പ്രശ്‌നങ്ങള്‍ക്കുള്ള നല്ലൊരു പ്രതിവിധിയാണ് പച്ചനെല്ലിക്ക ചതച്ചിട്ട വെള്ളം കുടിയ്ക്കുന്നത്. രക്തം ശുദ്ധീകരിയ്ക്കാനും രക്തപ്രവാഹം വര്‍ദ്ധിയ്ക്കാനുമെല്ലാം ഏറെ നല്ലതാണ്. കൊളസ്‌ട്രോള്‍, പ്രമേഹ നിയന്ത്രണം, രക്തവര്‍ദ്ധനവ് തുടങ്ങിയവയെല്ലാം ഹൃദയാരോഗ്യത്തിന് ഉത്തമവുമാണ്.

തടി കുറയ്ക്കാന്‍

തടി കുറയ്ക്കാന്‍ ശ്രമിയ്ക്കുന്നവര്‍ക്ക് പരീക്ഷിയ്ക്കാവുന്ന ഉത്തമമായ ഒരു മരുന്നാണിത്. ഇത് കൊഴുപ്പു കത്തിച്ചു കളയാന്‍ ഏറെ നല്ലതാണ്. ഇതിലെ വൈറ്റമിന്‍ സിയാണ് ഈ ഗുണം നല്‍കുന്നത്. ദഹനം മെച്ചപ്പെടുത്തിയും അപചയ പ്രക്രിയ ശക്തിപ്പെടുത്തിയും കൊളസ്‌ട്രോള്‍, രക്തത്തിലെ പഞ്ചസാര നിയന്ത്രിച്ചും ടോക്‌സിനുകള്‍ നീക്കിയുമെല്ലാം ഇത് തടിയും വയറും നിയന്ത്രിയ്ക്കാന്‍ ഏറെ സഹായകമാകുന്നു.

ക്യാന്‍സര്‍

ശരീരത്തിലെ ടോക്‌സിനുകള്‍ നീക്കുന്നതു കൊണ്ടു തന്നെ ക്യാന്‍സര്‍ പോലുള്ള രോഗങ്ങള്‍ തടയാനും ഇത് അത്യുത്തമമാണ്. നെല്ലിക്കയിലെ ആന്റിഓക്‌സിഡന്റ് ഗുണങ്ങളാണ് ഈ പ്രയോജനം നല്‍കുന്നത്. നെല്ലിക്കാവെള്ളത്തില്‍, അല്ലെങ്കില്‍ നെല്ലിക്കാനീരില്‍ മഞ്ഞള്‍പ്പൊടി ചേര്‍ത്തു കുടിയ്ക്കുന്നത് ക്യാന്‍സറിനെ പ്രതിരോധിയ്ക്കാന്‍ ഏറെ സഹായകമാണ്. ശരീരത്തിന് പ്രതിരോധ ശേഷി നല്‍കാനും ഈ പാനീയം ഏറെ സഹായിക്കുന്നു.

അസിഡിറ്റി, ഗ്യാസ്

ദഹനസംബന്ധമായ പല പ്രശ്‌നങ്ങള്‍ക്കുമുള്ള നല്ലൊരു പ്രതിവിധിയാണ് പച്ചനെല്ലിക്ക ചതച്ചിട്ട വെള്ളം. ഇത് നല്ല ശോധന നല്‍കാനും സഹായിക്കും. വയറിനെ ആല്‍ക്കലൈനാക്കാന്‍ മികച്ച ഒന്നാണ് പച്ചനെല്ലിക്ക ചതച്ചിട്ട വെള്ളം. ഇത് അസിഡിറ്റി, ഗ്യാസ് പ്രശ്‌നങ്ങളില്‍ നിന്നും മോചനം നല്‍കുകയും ചെയ്യും. മലബന്ധം കൊണ്ട് ബുദ്ധിമുട്ടുന്നവര്‍ക്കും ഇതൊരു പരിഹാരമാണ്. മലബന്ധത്തിനെ ഇല്ലാതാക്കാന്‍ രാവിലെ തന്നെ വെറും വയറ്റില്‍ ഇത് കഴിക്കണം. ശോധന കൃത്യമാക്കാന്‍ ഈ മിശ്രിതം വളരെയധികം സഹായിക്കുന്നു.

ശരീരത്തിന് രോഗപ്രതിരോധ ശേഷി

ശരീരത്തിന് രോഗപ്രതിരോധ ശേഷി നല്‍കുന്ന നല്ലൊരു പാനീയമാണ് നെല്ലിക്ക ചതച്ചിട്ട വെള്ളത്തില്‍ അല്‍പം മഞ്ഞള്‍പ്പൊടി ചേര്‍ത്തു കുടിയ്ക്കുന്നത്. നെല്ലിക്കയിലെ വൈറ്റമിന്‍ സി പ്രതിരോധ ശേഷി നല്‍കുന്ന ഒന്നാണ്. മഞ്ഞള്‍പ്പൊടിയും ശരീരത്തെ രോഗങ്ങളില്‍ നിന്നും പ്രതിരോധിയ്ക്കുന്നു. പ്രകൃതിദത്തമായി ശരീരത്തിന്റെ ഇമ്മ്യൂണിറ്റി വര്‍ദ്ധിപ്പിയ്ക്കുന്നു.

എല്ലുകളുടേയും പല്ലുകളുടേയും ആരോഗ്യത്തിന്

ശരീരത്തിലെ എല്ലുകളുടേയും പല്ലുകളുടേയും ആരോഗ്യത്തിന് ഉത്തമമായ ഒന്നാണ് പച്ചനെല്ലിക്ക ചതച്ചിട്ട വെള്ളം കുടിയ്ക്കുന്നത്. ശരീരത്തിന് വേഗത്തില്‍ കാല്‍സ്യം ആഗിരണം ചെയ്യുന്നതിന് നെല്ലിക്ക സഹായിക്കും. ഇതുകൊണ്ടുതന്നെ എല്ലുകളുടേയും പല്ലുകളുടേയും ആരോഗ്യത്തിന് ഇത് മികച്ചതാണ്.സ്ത്രീകളിലെ ഓസ്റ്റിയോപെറോസിസ് അഥവാ എല്ലുതേയ്മാനം പോലുള്ള രോഗങ്ങള്‍ക്കുള്ള നല്ലൊരു പരിഹാരമാണിത്.

ചര്‍മ സൗന്ദര്യത്തിന് ഏറ്റവും ഉത്തമമാണ്

ചര്‍മ സൗന്ദര്യത്തിന് ഏറ്റവും ഉത്തമമാണ് പച്ചനെല്ലിക്കാ വെള്ളവും ഒപ്പം മഞ്ഞള്‍പ്പൊടിയും. നെല്ലിക്കയിലെ വൈറ്റമിന്‍ സി ചര്‍മത്തിന് ഏറെ നല്ലതാണ്. നല്ലൊരു ആന്റിഓക്‌സിഡന്റായി പ്രവര്‍ത്തിയ്ക്കുന്ന ഒന്നാണിത്. മഞ്ഞള്‍ ടോക്‌സിനുകള്‍ നീക്കുന്നതു കൊണ്ടു തന്നെ ചര്‍മാരോഗ്യത്തിനും ഉത്തമമാണ്. ഇതിലെ ആന്റിഓക്‌സിഡന്റുകള്‍ ചര്‍മത്തിലെ ഫ്രീ റാഡിക്കലുകള്‍ നീക്കി ചര്‍മത്തിന് ഇറുക്കവും ചെറുപ്പവും നല്‍കുന്നു. ചര്‍മത്തിലെ ചുളിവുകള്‍ നീക്കുന്നു. ചര്‍മത്തില്‍ പ്രത്യക്ഷപ്പെടുന്ന ചുളിവുകള്‍, കുത്തുകള്‍ എന്നിവയ്ക്കും ഇതു നല്ലൊരു പരിഹാരമാണ്. കിടക്കാന്‍ നേരം മുഖത്ത് അല്‍പം നെല്ലിക്കാജ്യൂസ് വെള്ളത്തില്‍ കലക്കി തളിയ്ക്കുന്നതോ പുരട്ടുന്നതോ

ഏറെ നല്ലതാണ്. മുഖക്കുരു പോലുള്ള പ്രശ്‌നങ്ങള്‍ ഒഴിവാക്കാനും ഇത് നല്ലതാണ്.

മുടി

വൈറ്റമിന്‍ സി ഉള്ളതു കൊണ്ടു തന്നെ മുടി വളര്‍ച്ചയ്ക്കും ഏറെ നല്ലതാണിത്. മുടി നരയ്ക്കുളള സ്വാഭാവിക പരിഹാരം കൂടിയാണ് നെല്ലിക്കയിട്ട വെള്ളം കുടിയ്ക്കുന്നതും ഇതിട്ട എണ്ണ കാച്ചി തേയ്ക്കുന്നതുമെല്ലാം.

മൗത്ത് അള്‍സറിനുള്ള നല്ലൊരു പരിഹാരമാണ്

മൗത്ത് അള്‍സറിനുള്ള നല്ലൊരു പരിഹാരമാണ് വൈററമിന്‍ അടങ്ങിയ നെല്ലിക്കയും അണുബാധ തടയുന്ന മഞ്ഞളും.