നിറത്തിനും പ്രായംപിടിച്ചുനിര്‍ത്താനും എബിസിജ്യൂസ്

എബിസി

എബിസി ജ്യൂസ് എന്നറിയപ്പെടുന്ന ഈ പ്രത്യേക ജ്യൂസ് തയ്യാറാക്കുന്നത് ആപ്പിള്‍, ബീറ്റ്‌റൂട്ട്, ക്യാരറ്റ് എന്നിവ ചേര്‍ത്താണ്. ഓരോന്നു വീതം ആപ്പിള്‍, ബീറ്റ്‌റൂട്ട്, ക്യാരറ്റ് എന്നിവയാണ് ഇതിനു വേണ്ടത്. ഇവ നല്ല പോലെ കഴുകി തൊലി കളഞ്ഞ് ജ്യൂസറില്‍ അടിച്ചെടുക്കാം. ഇതില്‍ നാരങ്ങാനീരും ലേശം തേനും ചേര്‍ത്താല്‍ ഗുണം ഇരട്ടിയ്ക്കും.

ആപ്പിള്‍

ആപ്പിള്‍ നാരുകളാല്‍ സമ്പുഷ്ടമായ ഒന്നാണ്. ഇതുപോലെ ആന്റി ഓ്ക്‌സിഡിന്റുകളാല്‍ സമ്പുഷ്ടവുമാണ്. ആന്റിഓക്‌സിഡന്റുകളാണ് ഇതിന് സൗന്ദര്യ ഗുണം നല്‍കുന്നത്. ആരോഗ്യ ഗുണങ്ങളും ഇവ നല്‍കുന്നുണ്ട്. വയറിന്റെ ആരോഗ്യത്തിന്, കൊളസ്‌ട്രോള്‍ കുറയ്ക്കാന്‍, കിഡ്‌നി സ്‌റ്റോണ്‍ തടയാന്‍ തുടങ്ങിയ ഒരു പിടി ഗുണങ്ങള്‍ ആപ്പിളിനുണ്ട്.

ബീറ്റ്‌റൂട്ടും

ബീറ്റ്‌റൂട്ടും ആരോഗ്യകാര്യത്തിലും സൗന്ദര്യ കാര്യത്തിലും മുന്‍പന്തിയില്‍ തന്നെയാണ്. അയേണ്‍ സമ്പുഷ്ടമായ ഇത് ശരീരത്തിലെ രക്തോല്‍പാദനം വര്‍ദ്ധിപ്പിയ്ക്കുന്നു. ഇതുവഴി ആരോഗ്യ ഗുണങ്ങള്‍ക്കൊപ്പം ചര്‍മത്തിനു നിറവും തിളക്കവുമെല്ലാം വര്‍ദ്ധിയ്ക്കും.

ക്യാരറ്റ്

ചര്‍മത്തിന് ചെറുപ്പവും നിറവും നല്‍കാന്‍ സഹായിക്കുന്ന, ആരോഗ്യപരമായ ഗുണങ്ങള്‍ നല്‍കാന്‍ സഹായിക്കുന്ന ഒന്നാണ് ക്യാരറ്റ്. ഇതിലെ കാല്‍സ്യവും വൈറ്റമിനുകളുമെല്ലാം ഏറെ ഗുണങ്ങള്‍ നല്‍കുന്ന ഒന്നാണ്. കാഴ്ച ശക്തി വര്‍ദ്ധിപ്പിയ്ക്കാനും ഇത് ഏറെ നല്ലതാണ്.

എബിസി ജ്യൂസ്

എബിസി ജ്യൂസ് സൗന്ദര്യകാര്യത്തിലും ആരോഗ്യകാര്യത്തിലും ഒന്നുപോലെ മുന്നിട്ടു നില്‍ക്കുന്നുവെന്നതാണ് പ്രത്യേകക. ഇതിലെ എല്ലാ ചേരുവകളും ചര്‍മത്തിന് തിളക്കവും മൃദുത്വവും നല്‍കുന്നതവയാണ്. ചര്‍മത്തില്‍ ചുളിവുകള്‍ വീഴുന്നതു തടയാനും ഇലാസ്റ്റിസിറ്റി നല്‍കാനും ചര്‍മത്തിന് നിറം നല്‍കാനുമെല്ലാം ഏറെ നല്ലതാണ് ഈ പ്രത്യേക ജ്യൂസ്. സൗന്ദര്യത്തിനു സഹായിക്കുന്ന പ്രധാനപ്പെട്ട ഒരു ജ്യൂസാണിത്. അടുപ്പിച്ച് ഇത് ഒന്നു രണ്ടു മാസം കുടിച്ചു കഴിഞ്ഞാല്‍ ചര്‍മത്തിലുണ്ടാകുന്ന വ്യത്യാസങ്ങള്‍ നമുക്കറിയാന്‍ സാധിയ്ക്കും.

ക്യാന്‍സര്‍

ആരോഗ്യത്തിനും മികച്ച ഒന്നാണിത്. ക്യാന്‍സര്‍ തടയാന്‍ എബിസി ജ്യൂസ് ഏറെ സഹായകരമാണന്നു പഠനങ്ങള്‍ തെളിയിച്ചിട്ടുണ്ട്. ചൈനയില്‍ പ്രകൃതിദത്ത ചികിത്സാരീതികള്‍ പിന്‍തുടരുന്നവര്‍ കണ്ടെത്തിയ ചികിത്സാരീതിയാണിത്.

തലച്ചോറിന്റെ ആരോഗ്യത്തിന്

തലച്ചോറിന്റെ ആരോഗ്യത്തിന് ഏറെ മികച്ച ഒരു പാനീയമാണിത്. ഓര്‍മശക്തി വര്‍ദ്ധിപ്പിയ്ക്കാന്‍ ഏറെ നല്ലതാണ്. ഇതിലെ ഘടകങ്ങള്‍ തലച്ചോറിന്റെ പ്രവര്‍ത്തനം ശക്തിപ്പെടുത്തുന്ന ഒന്നാണ്. മറവിപ്രശ്‌നങ്ങള്‍ക്കും ഏകാഗ്രത നല്‍കുന്നതിനുമെല്ലാം ഏറെ ഗുണകരമാണിത്.

വയറിന്റെ ആരോഗ്യത്തിന്

ഇതിലെ നാരുകളും മററു പോഷകങ്ങളുമെല്ലാം തന്നെ വയറിന്റെ ആരോഗ്യത്തിന് ഏറെ നല്ലതാണ്. ദഹന പ്രശ്‌നങ്ങള്‍ക്കുള്ള നല്ലൊരു മരുന്നാണ് ഈ പ്രത്യേക ജ്യൂസ്. ക്യാരറ്റും ബീറ്റ്‌റൂട്ടും ആപ്പിളുമെല്ലാം തന്നെ നാരുകളാല്‍ സമ്പുഷ്ടമാണ്. അസിഡിറ്റിയും മലബന്ധം പോലുളള പ്രശ്‌നങ്ങളുമെല്ലാം അകറ്റാന്‍ ഏറെ നല്ലതാണിത്. ദഹനവും ശക്തിപ്പെടുത്തും.

ബീറ്റ്‌റൂട്ട്

അയേണ്‍ സമ്പുഷ്ടമാണ് ഇത്. ബീറ്റ്‌റൂട്ട് പ്രത്യേകിച്ചും രക്തോല്‍പാദനത്തിന് സഹായിക്കുന്നു. ഈ ഗുണം ക്യാരറ്റിനും ആപ്പിളിനുമെല്ലാം ഉണ്ട്. ഇവ ചേരുന്നതു വിളര്‍ച്ചാ പ്രശ്‌നങ്ങള്‍ക്കുള്ള നല്ലൊരു മരുന്നു കൂടിയാണ്. അയേണ്‍ ടോണിക്കിന്റെ ഗുണം നല്‍കുന്ന ഒന്നാണിത്.

പ്രതിരോധ ശേഷി

പ്രതിരോധ ശേഷി വര്‍ദ്ധിപ്പിയ്ക്കാന്‍ മികച്ച ഒന്നാണ് എബിസി ജ്യൂസ്. . ആസ്തമ, ഫ്‌ളൂ, അനീമിയ, തൊണ്ടയിലെ അണുബാധ, ലംഗ്‌സ് പ്രശ്‌നങ്ങള്‍ തുടങ്ങിയവയ്ക്കുള്ള നല്ലൊരു പരിഹാരമാണിത്. ശ്വേതാണുക്കളും രക്താണുക്കളുമെല്ലാം ഒരുപോലെ ശക്തിപ്പെടുന്ന ഒരു പ്രത്യേക ജ്യൂസാണിത്.

ആന്തരികാവയവങ്ങള്‍

ശരീരത്തിലെ ടോക്‌സിനുകള്‍ നീക്കുന്നതു കൊണ്ട് ലംഗ്‌സ്, ലിവര്‍, കിഡ്‌നി തുടങ്ങിയ ആന്തരികാവയവങ്ങള്‍ നല്ലപോലെ വൃത്തിയാക്കാന്‍ കഴിയുന്ന ഒന്നാണ് ഈ പാനീയം. ഇത് ദിവസവും കുടിയ്ക്കുന്നത് ഗുണം ചെയ്യും.ചര്‍മത്തിലെയും ടോക്‌സിനുകള്‍ നീക്കുന്നതുകൊണ്ടുതന്നെ സൗന്ദര്യത്തിനും ഇത് ഏറെ നല്ലതാണ്. ഈ ജ്യൂസ് ദിവസവും കുടിയ്ക്കുന്നത് നല്ല ചര്‍മത്തിനും നിറത്തിനുമെല്ലാം ഏറെ ഗുണകരമാണ്.