അരക്കെട്ടൊതുക്കും പാനീയം ഇതൊക്കെയാണ്

ഐസിട്ട പെപ്പര്‍മിന്റ് ടീ

പെപ്പര്‍മിന്റ് ടീ ഒരിക്കലും തടി കൂട്ടുകയോ കുറക്കുകയോ അല്ല ചെയ്യുന്നത്. എന്നാല്‍ ഇത് നിങ്ങളുടെ അസിഡിറ്റി കുറക്കുകയും ദഹനസംബന്ധമായ പ്രശ്‌നങ്ങളെ ഇല്ലാതാക്കുകയും ചെയ്യുന്നു. മെറ്റബോളിസം റേറ്റ് വര്‍ദ്ധിപ്പിക്കുന്ന കാര്യത്തില്‍ മുന്നിലാണ് പെപ്പര്‍മിന്റ് ടീ. ഭക്ഷണത്തിന് മുന്‍പ് ഇത് കഴിക്കുന്നത് എന്തുകൊണ്ടും ശീലമാക്കാം.

പൈനാപ്പിള്‍ ജ്യൂസ്

തടി കുറക്കാന്‍ ശ്രമിക്കുന്നവര്‍ ആദ്യം അന്വേഷിക്കുന്ന ഒന്നാണ് പൈനാപ്പിള്‍. അത്രത്തോളം ആരോഗ്യപരമായി മുന്നില്‍ നില്‍ക്കുന്ന ഒന്നാണ് പൈനാപ്പിള്‍. ഇതിലുള്ള മോണോസാച്ചുറേറ്റഡ് ഫാറ്റി ആസിഡ് അമിത കൊഴുപ്പ് ഇല്ലാതാക്കുന്നു.

തണ്ണിമത്തന്‍ സ്മൂത്തി

തണ്ണിമത്തന്‍ സ്മൂത്തി കൊണ്ട് അരക്കെട്ടൊതുക്കാവുന്നതാണ്. ഇത് നിങ്ങളെ എപ്പോഴും ഫ്രഷ് ആയി ഇരിക്കാന്‍ സഹായിക്കുന്നു. അതിലുപരി കുറഞ്ഞ കലോറിയായതു കൊണ്ട് തന്നെ തടി കുറക്കാന്‍ സഹായിക്കുകയും ചെയ്യുന്നു.

ആപ്പിള്‍ സിഡാര്‍ വിനീഗര്‍

ആപ്പിള്‍ സിഡാര്‍ വിനീഗര്‍ ആണ് മറ്റൊരു പാനീയം. ഇത് തടിയും വയറും ഇല്ലാതാക്കും എന്ന കാര്യത്തില്‍ സംശയം വേണ്ട. പച്ച ആപ്പിള്‍ കഴിക്കുന്നതിനേക്കാള്‍ ആരോഗ്യവും ഫലവും നല്‍കുന്നു.

സിട്രസ് അടങ്ങിയ പാനീയം

സിട്രസ് അടങ്ങിയ പാനീയം കഴിക്കുന്നതും നല്ലതാണ്. ഇതും അരക്കെട്ട് ഒതുക്കാന്‍ സഹായിക്കുന്നു. നാരങ്ങ, മുന്തിരി, ഓറഞ്ച് എന്നിവയെല്ലാം ജ്യൂസ് കഴിക്കുന്നത് നല്ലതാണ്.