നടപ്പു പറയും ആരോഗ്യരഹസ്യം

ഇളകിയ നടത്തം

കാഠിന്യമേറിയ കാല്‍ മസിലുകള്‍ - പാദം നിലത്ത് കുത്താനുള്ള പ്രവര്‍ത്തനം പൂര്‍ത്തിയാകുന്നത് വിരലുകളിലാണ്. ഈ പ്രശ്നമുണ്ടെങ്കില്‍ കാലിലെ പേശികള്‍ക്ക് ശരീരത്തെ മുന്നോട്ട് ചലിപ്പിക്കുന്നതിന് തടസ്സമാവും. മുറുകിയ പേശികള്‍ക്ക് ഇത് ചെയ്യാനാവില്ല. കാലിലെ പേശികള്‍ മുറുകുന്നതിന് തെറ്റായ വിധത്തിലുള്ള പാദമൂന്നല്‍, ഹൈ ഹീല്‍ ഷൂ പതിവായി ധരിക്കുക, വ്യയാമത്തിന് മുമ്പ് ആവശ്യത്തിന് സ്ട്രെച്ചിഗ് ചെയ്യാതിരിക്കുക എന്നിവയൊക്കെ കാരണമാകും.

കൈചലനം കുറവ്

നടുവിന്‍റെ പ്രശ്നം - നിങ്ങള്‍ കൈകള്‍ ചലിപ്പിക്കാതെ, ഇടുപ്പിലും കാലുകളിലുമാണ് മുന്നോട്ട് നടക്കാന്‍ ഊന്നല്‍ നല്കുന്നതെങ്കില്‍ ഏറെ അധ്വാനം ആവശ്യമായി വരും. കൈകള്‍ വീശി നടക്കുന്നത് ചലനം എളുപ്പമാക്കുകയും നിങ്ങളുടെ കാലിന്‍റെ ഭാരം ബാലന്‍സ് ചെയ്ത് നടത്തം സുഗമമാക്കുകയും ചെയ്യും. കൈകള്‍‌ കഴുത്തിനൊപ്പവും ഇടുപ്പുവരെയും എതിര്‍ ദിശയില്‍ ചലിപ്പിക്കുന്നത് കൈകളുടെ ചലനം എളുപ്പമാക്കും. നടുവിന് പ്രശ്നമുണ്ടെങ്കില്‍ കൈവീശലിന് തടസ്സമുണ്ടാവും.

ഫ്ലാറ്റായ നടപ്പ്

വിരല്‍ വീക്കം - ഫ്ലാറ്റായ നടത്തം കാല്‍ നിലത്ത് കുത്തുമ്പോള്‍ വിരലുന്നാന്‍ സാധിക്കാത്ത അവസ്ഥയ്ക്ക് കാരണമാകും. ഇതിന് കാരണം വിരലിലെ വീക്കമാകാം. പാദത്തിന്‍റെ സന്ധികളില്‍ ഭാരം ക്രമരഹിതമായി വര്‍ദ്ധിക്കുമ്പോള്‍ ഈ വീക്കം സംഭവിക്കാം. സമ്മര്‍ദ്ദം സന്ധികളെ അസ്ഥിരമാക്കുകയും പാദത്തിന്‍റെ ആകൃതി സാധാരണയില്‍ കവിഞ്ഞ് ഉന്തി നില്‍ക്കുകയും ചെയ്യും.

കവച്ച് നടക്കാന്‍ പ്രയാസം

പിന്‍തുടഞരമ്പിന്‍റെ മുറുക്കം - നിങ്ങളുടെ പാദം തറയില്‍ സ്പര്‍ശിക്കുമ്പോള്‍ മുട്ട് കീഴ്ക്കാലിലെ അസ്ഥിയും തുടയുമായി ഒരേ രീതിയിലായിരിക്കണം. പിന്‍തുടയിലെ ഞരമ്പുകളുടെ മുറുക്കം (കാലിന്‍റെ പിന്‍വശത്ത് വലിച്ചില്‍ അനുഭവപ്പെടുന്നുണ്ടെങ്കില്‍)നിങ്ങളുടെ മുട്ടിന് നടക്കുമ്പോള്‍ ചെറിയ വളവുണ്ടാക്കുകയും കവച്ച് നടക്കുമ്പോളുള്ള ദൂരം പകുതിയായി കുറയ്ക്കുകയും ചെയ്യും.

പാദം കൂട്ടിയിടിക്കുന്ന നടത്തം

ഞരമ്പ് തകരാറ് - നടത്തത്തെ നിയന്ത്രിക്കുന്നത് തലച്ചോറാണ്. നിങ്ങള്‍ മുന്നോട്ട് നടക്കുന്നതിന് ആയിരക്കണക്കിന് സന്ദേശങ്ങള്‍ തലച്ചോറില്‍ നിന്ന് സുഷുമ്നയിലൂടെ പാദത്തിലെത്തുന്നുണ്ട്.

നിങ്ങള്‍ നടക്കുമ്പോള്‍ പാദങ്ങള്‍ തമ്മില്‍ കൂട്ടിയിടിക്കുന്നുവെങ്കില്‍ ശ്രദ്ധിക്കണം. ഇത് തലച്ചോറിനും കാലില്‍ അവസാനിക്കുന്ന ഞരമ്പുകള്‍ക്കും ഇടയിലുള്ള പേശികളുടെ ഏകോപനത്തിലെ തകരാറാണ് കാണിക്കുന്നത്.

കാല്‍ വിറയല്‍ ഓസ്റ്റിയോആര്‍ത്രൈറ്റിസിന്‍റെ ലക്ഷണമാണ് - ശരീരത്തിന്‍റെ ഒരു വശത്തെ ഭാരം മറ്റേ കാലിലേക്ക് ഊന്നുകയാണെങ്കില്‍(ഓസിലേറ്റിങ്ങ് പെന്‍ഡുലത്തിലെ ചലനത്തിന് സമാനമായി)നിങ്ങള്‍ക്ക് ഓസ്റ്റിയോ ആര്‍ത്രൈറ്റിസുള്ള കാല്‍മുട്ടുണ്ടാവും. കാല്‍മുട്ടിലെ തരുണാസ്ഥി പ്രായമേറുന്നതിനുസരിച്ച് തേയും. ശരീരഭാരം കുറയ്ക്കുന്നത് വിറയല്‍ കുറയ്ക്കുകയും ഓസ്റ്റിയോ ആര്‍ത്രൈറ്റിസിനുള്ള സാധ്യത കുറയ്ക്കുകയും ചെയ്യും.