നെഞ്ചെരിച്ചിലെന്ന് ഉറപ്പിക്കണ്ട, ക്യാന്‍സറാവാം

ഹൃദയപ്രശ്‌നങ്ങള്‍

നെഞ്ചെരിച്ചില്‍ ഉണ്ടായാല്‍ അത് ദഹനപ്രശ്‌നം കൊണ്ടാണെന്ന് കരുതി തള്ളിക്കളയുന്നവര്‍ അല്‍പം ശ്രദ്ധിയ്ക്കാം. കാരണം പലപ്പോഴും അത്തരം പ്രശ്‌നങ്ങള്‍ ഹൃദയാഘാതത്തിന്റെ ലക്ഷണങ്ങളാവാം. കുടുംബത്തില്‍ ആര്‍ക്കെങ്കിലും ഇത്തരം പ്രശ്‌നങ്ങള്‍ ഉണ്ടെങ്കില്‍ നെഞ്ചെരിച്ചിലിനെ നിസ്സാരമാക്കി മാറ്റരുത്.

വയറ്റിലെ അള്‍സര്‍

നെഞ്ചെരിച്ചില്‍ എന്ന് പറയുന്നത് പലപ്പോഴും വയറ്റിലെ അള്‍സര്‍ സാധ്യത കൊണ്ടും ആവാം. എന്നാല്‍ അള്‍സര്‍ എന്ന് കരുതി തള്ളിക്കളയരുത്. കാരണം ഇത് പലപ്പോഴും ഗുരുതരാവസ്ഥയിലേക്കെത്താന്‍ അധിക സമയം വേണ്ട

പിത്താശയക്കല്ല്

പിത്താശയക്കല്ലാണ് മറ്റൊന്ന്. ഇതിന്റേയും ആദ്യ ലക്ഷണം നെഞ്ചെരിച്ചിലാണ്. എന്നാല്‍ പലരും ഇതിനെ അത്രത്തോളം കാര്യമായി എടുക്കാറില്ല.

ദഹനപ്രശ്‌നങ്ങള്‍

നമ്മുടെ ദഹനവ്യവസ്ഥയെ താറുമാറാക്കുന്ന ഗ്യാസ്‌ട്രോപരേസിസ് ആണ് മറ്റൊരു പ്രശ്‌നം. ഈ അവസ്ഥയുടെ ആദ്യ ലക്ഷണവും നെഞ്ചെരിച്ചില്‍ തന്നെയാണ്. ഭക്ഷണം ആമാശയത്തിലേക്കെത്തുന്നതിന് പലപ്പോഴും വളരെയധികം സമയം എടുക്കുന്നു.

അന്നനാളത്തിലെ ക്യാന്‍സര്‍

വളരെ വിരളമായി മാത്രമേ ഈ അവസ്ഥയിലേക്ക് കാര്യങ്ങള്‍ എത്തുകയുള്ളൂ. ഇതിന്റെയും പ്രധാന ലക്ഷണം എന്ന് പറയുന്നത് നെഞ്ചെരിച്ചില്‍ തന്നെയാണ്. വിട്ടുമാറാത്ത നെഞ്ചെരിച്ചില്‍ ശീലമാകുമ്പോള്‍ ഉടന്‍ തന്നെ ഡോക്ടറെ സമീപിയ്ക്കുക.

ഹെര്‍ണിയ

ഹെര്‍ണിയ പോലുള്ള പ്രശ്‌നങ്ങളും ഇന്നത്തെ കാലത്ത് സ്ഥിരമാണ്. ഇത് നെഞ്ചെരിച്ചിലും നെഞ്ചില്‍ കനവും ഉണ്ടാക്കുന്നു. ആന്തരാവയവങ്ങള്‍ അവയെ പൊതിഞ്ഞിരിയ്ക്കുന്ന ഭിത്തിയുടെ വിടവിലൂടെ പുറത്തേക്ക് തള്ളിവരുന്നതാണ് ഹെര്‍ണിയ.

ഉത്കണ്ഠ

ഉത്കണ്ഠയുടെ പ്രധാനലക്ഷണങ്ങളില്‍ ചിലതാണ് ഹൃദയസ്പന്ദനം വര്‍ദ്ധിയ്ക്കുക നെഞ്ചെരിച്ചില്‍ തുടങ്ങിയവ.