പുരുഷന്മാര്‍ ഈന്തപ്പഴം കഴിയ്ക്കുമ്പോള്‍...........

ഈന്തപ്പഴം പുരുഷന്മാര്‍ക്ക് കൂടുതല്‍ ഫലപ്രദമാണെന്നാണ് പഠനങ്ങള്‍ പറയുന്നത്. പുരുഷന്റെ ശരീരത്തിന്റെ ആകെ

Updated: Monday, January 23, 2017, 10:27 [IST]

ഈന്തപ്പഴം സ്വാദില്‍ മാത്രമല്ല, ഗുണത്തിലും മികച്ച ഒന്നാണ്. പലതരം ആരോഗ്യഗുണങ്ങള്‍ ഒത്തിണങ്ങിയ ഒന്ന്.

ഈന്തപ്പഴം പുരുഷന്മാര്‍ക്ക് കൂടുതല്‍ ഫലപ്രദമാണെന്നാണ് പഠനങ്ങള്‍ പറയുന്നത്. പുരുഷന്റെ ശരീരത്തിന്റെ ആകെയുള്ള ആരോഗ്യത്തിന് ഏറെ ഗുണകരം.

ദിവസവും ഈന്തപ്പഴം പുരുഷന്മാര്‍ ശീലമാക്കണമെന്നു പറയാനുള്ള ചില കാരണങ്ങളിതാ,

ഹൃദയസംബന്ധമായ അസുഖങ്ങള്‍ക്ക്

സ്ത്രീകളേക്കാളും പുരുഷന്മാര്‍ക്കാണ് ഹൃദയസംബന്ധമായ അസുഖങ്ങള്‍ക്ക് സാധ്യതയേറുക. സ്ത്രീകളില്‍ ഈസ്ട്രജന്‍ ഒരു പരിധി വരെ ഹൃദയാരോഗ്യവും സംരക്ഷിയ്ക്കും. പുരുഷന്‍മാര്‍ക്ക് ഹൃദയാരോഗ്യം സംരക്ഷിയ്ക്കാനുള്ള എളുപ്പവഴിയാണിത്. ഇതില്‍ കൊളസ്‌ട്രോള്‍ കുറവും ഇന്‍സോലുബിള്‍, സോലുബിള്‍ ഫൈബറുകള്‍ കൂടുതലുമാണ്.

കൊളസ്‌ട്രോള്‍

ഈന്തപ്പഴം രാത്രി വെള്ളത്തില്‍ ഇട്ടുവച്ച് രാവിലെ ഇത് ഈ വെള്ളത്തില്‍ ചതച്ചിട്ടു കുടിയ്ക്കാം. എല്‍ഡിഎല്‍ കൊളസ്‌ട്രോള്‍ കുറയക്കുന്നതിനും എച്ച്ഡിഎല്‍ കൊളസ്‌ട്രോള്‍വര്‍ദ്ധിപ്പിയ്ക്കുന്നതിനും ഇതു നല്ലതാണ്.

ലൈംഗികശേഷി

പുരുഷന്റെ ലൈംഗികശേഷി വര്‍ദ്ധിപ്പിയ്ക്കാന്‍ ഈന്തപ്പഴം ഏറെ ഗുണകരമാണെന്നു തെളിഞ്ഞിട്ടുണ്ട്. പുരുഷവന്ധ്യതയ്ക്ക് ഏറെ ഗുണകരം. ഈന്തപ്പഴം ആട്ടില്‍പാലില്‍ രാത്രി മുഴുവന്‍ കുതിര്‍ത്ത് ഇതില്‍തന്നെ അരച്ചു കഴിയ്ക്കുന്നത് നല്ലൊരു പ്രതിവിധിയാണ.്

ഹാങോവര്‍

മദ്യപാനം മൂലമുള്ള ഹാങോവര്‍ മാറാന്‍ ഈന്തപ്പഴം നല്ലൊരു വഴിയാണ്. ഇത് 10-15 മിനിറ്റു വെള്ളത്തിലിട്ടു വച്ച് ഈ വെള്ളം കുടിയ്ക്കാം. മദ്യപാനം മൂലമുള്ള ഛര്‍ദി, തലവേദന എന്നിവയ്ക്കുള്ള നല്ലൊരു മരുന്നു കൂടിയാണിത്.

പുരുഷന്മാര്‍ക്ക മസില്‍ ലഭിയ്ക്കാനുള്ള ഒരു വഴിയാണിത്. ശരീരത്തിന്റെ കരുത്തും വര്‍ദ്ധിയ്ക്കും. ദിവസവും രണ്ടോ മൂന്നോ ഈന്തപ്പഴം വച്ചു കഴിച്ചാല്‍ മതിയാകും. കൊഴുപ്പു കുറവായതു കൊണ്ട് തടി കൂടില്ല.