ജോലി ചെയ്താല്‍ ആരോഗ്യം നന്നാകുമോ?

Published: Wednesday, February 17, 2016, 10:35 [IST]

ജോലി ചെയ്യുന്നതു പലരും പണത്തിനു വേണ്ടി മാത്രമാണെന്നു പറയാം. ഇഷ്ടമില്ലെങ്കിലും ജോലി ചെയ്‌തേ തീരൂവെന്നുള്ളതു കൊണ്ടാണ് ജോലി ചെയ്യുന്നതെന്നാണ് പലരുടേയും വാദം.

എന്നാല്‍ പണത്തിനും സാമൂഹ്യബന്ധങ്ങള്‍ക്കും വേണ്ടി മാത്രമാണ് ജോലി ചെയ്യുന്നതെന്നുള്ള ധാരണ ശരിയല്ല. ജോലിയിലെ സ്‌ട്രെസും ടെന്‍ഷനുമെല്ലാം കണക്കിലെടുത്ത് ജോലി നിങ്ങളുടെ ആരോഗ്യം കേടു വരുത്തുന്നുവെന്ന ധാരണയുണ്ടെങ്കില്‍ അതും തെറ്റാണ്. രാത്രിയില്‍ ചെയ്യുന്ന ആരോഗ്യത്തെറ്റുകള്‍

ജോലി നിങ്ങളുടെ ആരോഗ്യത്തെ സഹായിക്കുകയാണ് ചെയ്യുന്നത്. വെറുതെ പറയുന്നതല്ല, കാരണങ്ങളുമുണ്ട്.

ദുശീലങ്ങള്‍

ദുശീലങ്ങളുള്ളവര്‍ക്ക് ഇത് കുറയ്ക്കാന്‍ ജോലി സഹായിക്കും. കാരണം ഇത്തരം ദുശീലങ്ങള്‍ ജോലിസ്ഥലത്തു പാടില്ലെന്ന നിയന്ത്രണങ്ങള്‍ തന്നെ. അവധി ദിവസങ്ങളില്‍ കുടിച്ചും വലിച്ചും കൂത്താടുന്നവര്‍ നല്ല മാന്യരായി ഓഫീസില്‍ ജോലി ചെയ്യുന്നതു കാണാം.

നല്ല മൂഡ്

ജോലിയിലെ അധ്വാനം നല്ല മൂഡ് നല്‍കുന്നു. ഇതിനു കാരണം ജോലി ചെയ്യുമ്പോഴുണ്ടാകുന്ന നല്ല കെമിക്കലുകളാണ്.

ഹോര്‍മോണ്‍

ജോലിയിലെ ടാര്‍ഗെറ്റുകളും ഡെഡ്‌ലൈനുമെല്ലാം തലച്ചോറിന്റെ പ്രവര്‍ത്തനങ്ങളെ ശക്തിപ്പെടുത്തും. അഡ്രിനാലിന്‍ ഹോര്‍മോണ്‍ ഉല്‍പാദിപ്പിയ്ക്കപ്പെടും, ഹൃദയമിടിപ്പു കൂടും, ലംഗ്‌സിന് കൂടുതല്‍ ഓക്‌സിജന്‍ ലഭിയ്ക്കും. എന്‍ഡോര്‍ഫിന്‍, സെറോട്ടിന്‍ തുടങ്ങിയ നല്ല ഹോര്‍മോണുകളുടെ ഉല്‍പാദനം വര്‍ദ്ധിയ്ക്കും.

സോഷ്യല്‍ ജീവിതം

നല്ലൊരു സോഷ്യല്‍ ജീവിതം ജോലിയിലൂടെ ലഭ്യമാണ്. നല്ല സൗഹൃദങ്ങളും. ഡിപ്രഷന്‍ പോലുള്ള പ്രശ്‌നങ്ങളെ ദൂരെ നിര്‍ത്താനും മനസിന് സന്തോഷം തോന്നാനുമെല്ലാം ഇത് സഹായകം.