Click it and Unblock the Notifications
Latest Updates
-
ഇവയെല്ലാം ശീലമാക്കണം ദിനവും: ഹൃദയവും പേശികളും എല്ലാം സുരക്ഷിതം -
ന്യൂമറോളജി പ്രകാരം അറിയണം ഇക്കാര്യങ്ങള്: വരുന്ന 7 ദിനത്തില് ജീവിതം മാറുന്നതിങ്ങനെ -
കോളിഫ്ളവര് ഇഷ്ടമാണോ? എന്നാല് അമിതമായി കഴിക്കുന്നവര് അല്പം ശ്രദ്ധിക്കണം -
മംഗളാദിത്യ രാജയോഗം: നിര്ണായക മാറ്റങ്ങളോടെ 18 മാസത്തിന് ശേഷം മേടമുള്പ്പടെയുള്ള രാശിക്കാര് -
ഹൃദയത്തെ സങ്കീര്ണമാക്കും 3 ഭക്ഷണങ്ങള്: ഫ്രിഡ്ജില് സൂക്ഷിക്കും ഇവ ശ്രദ്ധിക്കണം -
മീനമാസം: അശ്വതി - രേവതി വരെ ദൗര്ഭാഗ്യത്തില് വട്ടം ചുറ്റുന്ന നക്ഷത്രക്കാര്, പ്രശ്നങ്ങളൊഴിയാതെ ഇവര് -
സൂര്യനും ബുധനും ശുക്രനും ഒരുമിക്കും ത്രിഗ്രഹി യോഗം: കടുകിട മാറില്ല ഭാഗ്യം, ഗ്രഹചലനം അനുകൂലമാവും 3 രാശിക്കാര് -
Rashiphalam: ഇന്നത്തെ പുലരിയില് ഗജകേസരിയോഗം: ഒട്ടും പ്രതീക്ഷിക്കാത്ത നേട്ടങ്ങളില് ഇവര്, സമ്പൂര്ണഫലം -
Rashiphalam: ഇന്ന് തെളിയുന്ന ഭാഗ്യ രാശിക്കാര്, നിങ്ങളുടെ ഇന്നത്തെ സമ്പൂര്ണഫലം ഇതാണ് -
മീനത്തില് ഭാഗ്യം തെളിയുന്നവര്: ഇനി അടുത്ത 30 നാള് ഈ നക്ഷത്രക്കാര്ക്കുള്ളത്, ധനവും, കരിയറും സുരക്ഷിതം
ഇന്സോമ്നിയ അപകടകരമാകുന്നതെങ്ങനെ?
ഇന്സോമ്നിയ അഥവാ നിദ്രാഹാനി സ്ഥിരമായി ഉറക്കം ലഭിക്കാത്ത അവസ്ഥയാണ്. ഈ അവസ്ഥയില് ഉറക്കം ലഭിക്കാതിരിക്കുക, ഉറക്കത്തില് എഴുന്നേറ്റ് നടക്കുക, ഉറക്കത്തിലേക്ക് മടങ്ങിപ്പോകാനുള്ള പ്രയാസം, ഉറക്കത്തില് നിന്ന് വേഗം ഉണരുക തുടങ്ങിയ പ്രശ്നങ്ങള് നേരിടേണ്ടി വരും. ഇന്സോമ്നിയയെ പ്രൈമറി, സെക്കണ്ടറി എന്നിങ്ങനെ രണ്ടായി തിരിച്ചിട്ടുണ്ട്.
പ്രൈമറി ഇന്സോമ്നിയ എന്നത് ഒരു വ്യക്തിക്ക് മതിയായ ഉറക്കം ലഭിക്കാത്ത അവസ്ഥയാണ്. ഇത് തികച്ചും സാധാരണവും, താല്ക്കാലികവും ഏകദേശം മുപ്പത് ദിവസത്തേക്ക് മാത്രം നീണ്ടുനില്ക്കുന്നതുമാണ്. ഏറെ മണിക്കൂറുകള് യാത്ര ചെയ്യുക,തിരക്കുപിടിച്ച ജോലി, മാനസികമായ പ്രശ്നങ്ങള് എന്നിവയൊക്കെ ഇതിന് കാരണമാകാം.
ഗുരുതരമായ കാരണങ്ങളാല് ഉറക്കം ലഭിക്കാത്തതിനാലുള്ള പ്രശ്നമാണ് സെക്കണ്ടറി ഇന്സോമ്നിയ. വിഷാദം ഇതിനുള്ള ഒരു പ്രധാന കാരണമാണ്. ഇത് ഒരു ഡോക്ടറുടെ കര്ശനമായ പരിശോധയ്ക്ക് കീഴില് വേണം ചികിത്സിക്കേണ്ടത്. കാരണം ജീവന് തന്നെ ഭീഷണിയാകുന്ന പ്രശ്നങ്ങളിലേക്ക് ഇത് നയിച്ചേക്കാം.
ദിവസം മുഴുവന് നീണ്ടുനില്ക്കുന്ന ക്ഷീണവും അസ്വസ്ഥതയുമാണ് ഇന്സോമ്നിയയുടെ പ്രധാന പ്രശ്നം. ഏകാഗ്രതയിലും ഇത് പ്രശ്നങ്ങളുണ്ടാക്കും. മതിയായ ഉറക്കം ലഭിക്കാതെ വരുമ്പോള് ധാരണാശക്തി ശരിയായി പ്രവര്ത്തിക്കാതെ വരും. ഇത് അനുമാനം, പ്രശ്നങ്ങള്ക്ക് പരിഹാരം കണ്ടെത്തല്, ജാഗ്രത, ഏകാഗ്രത, ശ്രദ്ധ എന്നിവയെയെല്ലാം ദോഷകരമായി ബാധിക്കും. പഠനശേഷിയെയും ഇത് ദോഷകരമായി ബാധിക്കും.
ഇന്സോമ്നിയ ജോലി സ്ഥലത്ത് അപകടങ്ങളും, പരുക്കുകളും ഉണ്ടാകാന് കാരണമാകും. ഇന്സോമ്നിയ ഉള്ള ഡ്രൈവര്മാര് റോഡ് അപകടങ്ങള്ക്ക് കാരണമാകും. സ്മൃതിനാശത്തിനൊപ്പം കാര്യങ്ങള് സംബന്ധിച്ച് തീരുമാനമെടുക്കുന്നതിനെയും ഇത് ദോഷകരമായി ബാധിക്കും.
പ്രമേഹം, രക്ത സമ്മര്ദ്ദം, ഹൃദയാഘാതം, ഹൃദയരോഗങ്ങള്, ഹൃദയമിടിപ്പിന്റെ തോതിലെ മാറ്റം എന്നിവയും ഇന്സോമ്നിയ വഴി ഉണ്ടാകാം. ഇന്സോമ്നിയ ഉള്ളവര് നേരത്തെ, പ്രത്യേകിച്ച് ഹൃദയാഘാതം വഴി, മരണപ്പെടുന്നതായി ഗവേഷണത്തില് കണ്ടെത്തിയിട്ടുണ്ട്.
ചര്മ്മത്തില് വേഗത്തില് ചുളിവുകള് വീഴാന് ഇന്സോമ്നിയ കാരണമാകും. ഉറക്കമില്ലായ്മ ചര്മ്മത്തില് കറുത്ത പാടുകള്, വരകള്, ചുളിവുകള് എന്നിവ ഉണ്ടാകാന് കാരണമാകും. ഇന്സോമ്നിയ ഉള്ളപ്പോള് സമ്മര്ദ്ദത്തിന് കാരണമാകുന്ന കോര്ട്ടിസോള് എന്ന ഹോര്മോണ് ഉത്പാദിപ്പിക്കപ്പെടും.
ഇത് ചര്മ്മത്തിന് ഇലാസ്തികതയും ഉറപ്പും നല്കുന്ന കൊലാജനെ വിഘടിപ്പിക്കും. ശരീരഭാരം വര്ദ്ധിക്കാനും ഇന്സോമ്നിയ കാരണമാകും. ഇത് വിശപ്പ് വര്ദ്ധിപ്പിക്കുക മാത്രമല്ല കാര്ബോഹൈഡ്രേറ്റുകളും കൊഴുപ്പും അമിതമായി അടങ്ങിയ ഭക്ഷണങ്ങളോടുള്ള ആര്ത്തി വര്ദ്ധിപ്പിക്കുകയും ചെയ്യും.
മികച്ച ആരോഗ്യ ഇന്ഷുറന്സ് സ്വന്തമാക്കൂ
Disclaimer: ഈ ലേഖനത്തില് പരാമര്ശിച്ചിരിക്കുന്ന വിവരങ്ങള് പൊതുവായ വിവരങ്ങള്ക്കും വിദ്യാഭ്യാസപരമായ ആവശ്യങ്ങള്ക്കും വേണ്ടി മാത്രമുള്ളതാണ്. പ്രൊഫഷണല് അഭിപ്രായങ്ങളോ, രോഗനിര്ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്നങ്ങള്ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.
Continue with Google