വയസ്സു പറയും എത്ര മണിക്കൂര്‍ ഉറങ്ങണമെന്ന്?

നവജാത ശിശുക്കള്‍

നവജാത ശിശുക്കള്‍ ദിവസവും 14 മുതല്‍ 17 മണിക്കൂറെങ്കിലും ഉറങ്ങണമെന്നാണ് പഠനങ്ങള്‍ സൂചിപ്പിക്കുന്നത്. ജനിച്ച് മൂന്ന് മാസം വരെയുള്ള കുട്ടികള്‍ നിര്‍ബന്ധമായും ഇത്രയും സമയം ഉറങ്ങിയിരിക്കണം.

നാല് മാസത്തിനു ശേഷം

കുട്ടികള്‍ ജനിച്ച് നാല് മാസം മുതല്‍ 11 മാസം വരെയുള്ള കാലയളവില്‍ 12 മുതല്‍ 15 മണിക്കൂര്‍ വരെ ഒരു ദിവസം ഉറങ്ങിയിരിക്കണം. ഇത് കുട്ടികളുടെ വളര്‍ച്ചയെ കാര്യമായി സ്വാധീനിയ്ക്കും.

ഒരു വയസ്സിനു ശേഷം

ഒരു വയസ്സിനും രണ്ട് വയസ്സിനും ഇടയില്‍ പ്രായമുള്ള കുഞ്ഞുങ്ങള്‍ ദിവസവും 11 മുതല്‍ 14 മണിക്കൂര്‍ വരെ ഉറങ്ങണം എന്നതാണ് സത്യം.

അല്‍പം കൂടി മുതിര്‍ന്നാല്‍

മൂന്ന് വയസ്സിനും അഞ്ച് വയസ്സിനും ഇടയില്‍ പ്രായമുള്ള കുട്ടികള്‍ 10 മുതല്‍ 13 മണിക്കൂര്‍ വരെയെങ്കിലും ചുരുങ്ങിയത് ഉറങ്ങണം. ഇത്രയും സമയത്തെ ഉറക്കം കുട്ടികളില്‍ വളര്‍ച്ചയ്ക്ക സഹായിക്കും.

സ്‌കൂള്‍ കാലഘട്ടത്തില്‍

സ്‌കൂള്‍ കാലഘട്ടങ്ങളില്‍ വിദ്യാര്‍ത്ഥികള്‍ ആറ് മുതല്‍ 13 മണിക്കൂറെങ്കിലും ഉറങ്ങണം. ഇത് ബുദ്ധിശക്തിയെ ഉത്തേജിപ്പിക്കുകയും കൂടി ചെയ്യുന്നു.

14 മുതല്‍ 17 വയസ്സ്

കൗമാരകാലത്ത് കുട്ടികള്‍ എട്ട് മുതല്‍ 10 മണിക്കൂര്‍ വരെയെങ്കിലും ഉറങ്ങണം എന്നതാണ് കാര്യം. ഇത് കൗമാര കാലത്തുണ്ടാകുന്ന എല്ലാ വിധ പ്രശ്‌നങ്ങളേയും ഇല്ലാതാക്കാന്‍ സഹായിക്കും.

യൗവ്വനത്തിലെ ഉറക്കം

യൗവ്വന യുക്തനായ ഒരാള്‍ അതായത് 18നും 25നും ഇടയില്‍ പ്രായമുള്ളയാള്‍ ഏഴ് മുതല്‍ 9 മണിക്കൂറെങ്കിലും ഉറങ്ങണം എന്നതാണ് ആരോഗ്യത്തിനടിസ്ഥാനം.

പ്രായമാവുന്തോറും

25 വയസ്സിനു ശേഷം നമ്മുടെ ജീവിതത്തിലെ പല പ്രധാനപ്പെട്ട കാര്യങ്ങളും നിയന്ത്രിക്കുന്ന നിര്‍ണായക ഘട്ടമാണ്. അതുകൊണ്ട് 25 വയസ്സിനു ശേഷം ഉറക്കത്തിന്റെ സമയം കുറഞ്ഞു വരുന്നുണ്ടെങ്കിലും ഇതും ആരോഗ്യത്തിന് നല്ലതാണ്. 25 വയസ്സിനു ശേഷം ഒരു വ്യക്തി ഏഴ് മുതല്‍ എട്ട് മണിക്കൂര്‍ വരെ ഉറങ്ങണം.