പയ്യന്‍സ്, തടിയില്ലായ്മ വിഷമിപ്പിക്കുന്നുവോ?

പാല്‍ കുടിയ്ക്കുക

ദിവസവും രണ്ട് ഗ്ലാസ് പാല്‍ കുടിയ്ക്കാന്‍ ശ്രമിക്കുക. ചായയും കാപ്പിയും ഒഴിവാക്കി പാല്‍ കുടിച്ചു നോക്കൂ ഒരു മാസത്തിനുള്ളില്‍ തടി കൂടുന്നതിന്റെ വ്യത്യാസം നിങ്ങള്‍ക്കറിയാം.

ഏത്തപ്പഴം

ഏത്തപ്പഴം തടി വര്‍ദ്ധിപ്പിക്കുന്ന കാര്യത്തില്‍ മിടുക്കനാണ്. വാഴപ്പഴം ദിവസവും രാവിലെ പ്രഭാത ഭക്ഷണത്തോടൊപ്പെ ശീലമാക്കുക.

ജ്യൂസ്

ജ്യൂസ് കഴിയ്ക്കുന്നതും തടി വര്‍ദ്ധിപ്പിക്കുന്നു. പൈനാപ്പിള്‍, ആവക്കാഡോ, മുന്തിരി തുടങ്ങിയ ജ്യൂസുകളാണ് ഏറ്റവും ഉത്തമവും. ഇത് ശരീരത്തിനാവശ്യമായ പോഷകങ്ങളും നല്‍കുന്നു.

കിഴങ്ങ് വര്‍ഗ്ഗങ്ങള്‍ ധാരാളം

കിഴങ്ങ് വര്‍ഗ്ഗങ്ങള്‍ ധാരാളം കഴിയ്ക്കുക. മധുരക്കിഴങ്ങ്, ഉരുളക്കിഴങ്ങ്, കപ്പ എന്നിവ ഭക്ഷണത്തില്‍ സ്ഥിരമാക്കുക.

മത്സ്യം, മാംസം

മത്സ്യവും മാംസവും തടി വര്‍ദ്ധിപ്പിക്കുന്നതിന് ഉത്തമമാണ്. ഇവയിലൂടെ ശരീരത്തിനാവശ്യമായ പ്രോട്ടീനും ലഭിയ്ക്കും എന്നതാണ് കാര്യം.

ഭക്ഷണത്തിന്റെ അളവില്‍ മാറ്റം വരുത്തുക

ഓരോ ദിവസവും ഭക്ഷണം കഴിയ്ക്കുന്നതിന്റെ അളവില്‍ മാറ്റം വരുത്തുക. ചോറാണെങ്കിലും ദിവസവും കഴിയ്ക്കുന്ന അളവ് അല്‍പാല്‍പമായി വര്‍ദ്ധിപ്പിക്കുക.

മുട്ടയും സ്ഥിരമാക്കുക

സ്ഥിരമായ പ്രഭാതഭക്ഷണത്തില്‍ മുട്ട ഉള്‍പ്പെടുത്തുക. ഇത് തടി വര്‍ദ്ധിപ്പിക്കുകയും ആരോഗ്യം നല്‍കുകയും ചെയ്യും.

ഈന്തപ്പഴം ശീലമാക്കുക

ശരീരത്തിന് ഊര്‍ജ്ജം നല്‍കാനും മറ്റും ഈന്തപ്പഴം സഹായിക്കുന്നുണ്ട്. ധാരാളം ഉണക്കിയ ഈന്തപ്പഴം കഴിയ്ക്കുന്നത് സ്ഥിരമാക്കുക.

വ്യായാമം അത്യാവശ്യം

ഭക്ഷണം മാത്രം കഴിച്ചാല്‍ അതുണ്ടാക്കുന്നത് പൊണ്ണത്തടിയായിരിക്കും. അതുകൊണ്ട് തന്നെ ഭക്ഷണത്തോടൊപ്പം വ്യായാമവും സ്ഥിരമാക്കുക.