ഉറക്കം സുഖമാക്കാന്‍ തലയണമന്ത്രങ്ങള്‍

സുഖകരമായ ഉറക്കമാണ് നമ്മുടെ എല്ലാം ആഗ്രഹം. ഒരു രാത്രിയിലെ ഉറക്കം നഷ്ടപ്പെട്ടാല്‍ എന്തൊക്കെ മാനസിക ശാരീരിക പ്രശ്‌നങ്ങള്‍ നമ്മള്‍ അനുഭവിക്കുമെന്ന് നമുക്ക് തന്നെ നിശ്ചയമില്ല. നല്ല ഉറക്കം ലഭിയ്ക്കാന്‍ കഴിയ്ക്കുന്ന ഭക്ഷണത്തിന് മാത്രമല്ല കിടക്കുന്ന ബെഡിനും തലയിണ്ക്കും എല്ലാം വലിയൊരു പങ്കുണ്ട്. ഉറക്കം ശരിയായില്ലെന്നു നിരന്തരം പരാതി പറയുന്നവര്‍ നമുക്കിടയിലുണ്ട്. രാത്രി ഉറക്കം വരാതെ കട്ടിലില്‍ കിടന്ന് ഞെളിപിരി കൊള്ളുന്നവരുടെ എണ്ണം കൂടിക്കൊണ്ട് വരുന്ന അവസ്ഥയാണ് ഇന്നുള്ളത്. മറിവരുന്ന ജീവിത രീതികളും ഭക്ഷണക്രമങ്ങളും എല്ലാം ഉറക്കത്തെ സ്വാധീനിയ്ക്കുന്നുണ്ട്. സുഖകരമായ ഉറക്കത്തിന് ചില ടിപ്‌സ്

എന്നാല്‍ ചില ആളുകളാകട്ടെ കട്ടില്‍ കണ്ടാല്‍ അവിടെ ഉറങ്ങുന്നവരാണ്. എന്നാല്‍ ഇനി ഉറക്കമില്ലാത്തവര്‍ വിഷമിക്കേണ്ട. അതിനായി ചില തലയണ സൂത്രങ്ങള്‍ നമ്മുടെ കയ്യിലുണ്ട്. ഉറങ്ങുമ്പോള്‍ തലയുടെ ഭാഗം അല്‍പം പൊങ്ങിയിരിക്കുന്നത് നല്ലതാണ്. ഇത് ഉറക്കത്തെ നിങ്ങളിലേക്കെത്തിക്കും. അതുകൊണ്ട് സുഖകരമായ ഉറക്കത്തിന് ശ്രദ്ധിക്കേണ്ട ചില തലയിണ മന്ത്രങ്ങള്‍ എന്തൊക്കെയെന്ന് നോക്കാം.

തലയിണയുടെ ഉപയോഗം

രണ്ട് വര്‍ഷത്തില്‍ കൂടുതല്‍ ഒരു തലയിണ തന്നെ ഉപയോഗിക്കരുത്. പലപ്പോഴും തലയിണ നമുക്ക് വളരെ പ്രിയപ്പെട്ടതായിരിക്കും. എത്ര പ്രിയപ്പെട്ടതാണെങ്കിലും കാലാവധി കഴിഞ്ഞാല്‍ പിന്നെ ഉപയോഗിക്കേണ്ടതില്ല.

കൂര്‍ക്കം വലി കുറയ്ക്കാം

കൂര്‍ക്കം വലി കുറയ്ക്കാന്‍ കഴുത്തിനു പുറകില്‍ തലയിണ വെയ്ക്കുന്നത് നല്ലതാണ്. ഇത് കൂര്‍ക്കം വലിയ്ക്ക് പരിഹാരമാണ്.

കാല്‍മുട്ടില്‍ തലയിണ

കാല്‍മുട്ടുകളില്‍ തലയിണ വെയ്ക്കുന്നത് ഇടുപ്പെല്ലിന്‌ താങ്ങ് നല്‍കും. ഇത് പലപ്പോഴും ചെരിഞ്ഞു കിടക്കുമ്പോള്‍ പ്രാവര്‍ത്തികമാക്കാം.

പുസ്തകം വായിക്കുമ്പോള്‍

കിടന്നു കൊണ്ട് പുസ്തകം വായിക്കുമ്പോഴോ ടിവി കാണുമ്പോഴെ തലയിണ കൊണ്ട് തലയ്ക്ക് താങ്ങ് നല്‍കാന്‍ ശ്രദ്ധിക്കണം.

നടുവേദന കുറയാന്‍

നടു വേദന ഉള്ളവര്‍ കാല്‍മുട്ടിനടിയില്‍ തലയിണ വെയ്ക്കുന്നത് എന്തുകൊണ്ടും നല്ലതാണ്. ഇത് വേദന കുറയ്ക്കാനും നല്ല ഉറക്കം ലഭിയ്ക്കാനും സഹായിക്കും.

കഴുത്തുവേദനയ്ക്ക് ആശ്വാസം

കഴുത്തു വേദന ഇല്ലാതാക്കാന്‍ തലയിണ നല്ലതാണ്. ഉയരം കൂടിയ സോഫ്റ്റായ തലയിണകളാണ് ഇത്തരത്തില്‍ ഉപയോഗിക്കേണ്ടത്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.