പ്രതിരോധ ശേഷി നശിപ്പിക്കുന്ന കാര്യങ്ങള്‍

മാനസിക സമ്മര്‍ദ്ദം

മാനസിക സമ്മര്‍ദ്ദമാണ് പ്രധാനപ്പെട്ടത്. ഇത് മനസ്സിന്റേയും ശരീരത്തിന്റേയും രോഗപ്രതിരോധ ശേഷിയെ കാര്യമായി ബാധിയ്ക്കും. സ്ഥിരമായി ടെന്‍ഷന്‍ അനുഭവിയ്ക്കുന്നവരുടെ ആരോഗ്യ സ്ഥിതി വളരെയധികം മോശമാകാന്‍ ഇടയുണ്ട്.

ഉറക്കമില്ലായ്മ

പ്രായപൂര്‍ത്തിയായ ഒരാള്‍ ദിവസവും 7 മണിക്കൂറെങ്കിലും ഉറങ്ങേണ്ടത് അത്യാവശ്യമാണ്. എന്നാല്‍ ഉറക്കത്തിന്റെ അളവ് കുറയുന്നതോടെ അത് നമ്മുടെ പ്രതിരോധ ശേഷിയേയും കാര്യമായി ബാധിയ്ക്കും.

മദ്യം

മദ്യപിയ്ക്കുന്നതാണ് മറ്റൊരു പ്രധാന പ്രശ്‌നം. ഇത് രോഗത്തിനെതിരെ പൊരുതുന്ന ബാക്ടീരിയകളെ നശിപ്പിക്കുകയും നമ്മുടെ രോഗപ്രതിരോധ ശേഷി നശിപ്പിക്കുകയും ചെയ്യുന്നു.

ഭക്ഷണരീതി മോശം

മോശം ഭക്ഷണ രീതിയാണ് ഉള്ളതെങ്കില്‍ അതും രോഗപ്രതിരോധ ശേഷിയെ തകര്‍ക്കും. ജങ്ക്ഫുഡ് ആണ് ഇവയില്‍ പ്രധാന വില്ലന്‍. മാത്രമല്ല ഇവയിലെല്ലാം ചേര്‍ക്കുന്ന രാസവസ്തുക്കള്‍, കീടനാശിനികള്‍ എന്നിവയെല്ലാം രോഗപ്രതിരോധ ശേഷി ഇല്ലാതാക്കും. ഇവ ഒഴിവാക്കിയാല്‍ തന്നെ രോഗപ്രതിരോധ ശേഷി വര്‍ദ്ധിയ്ക്കും.

അമിതവണ്ണം

ജീവിത ശൈലിയില്‍ ഉണ്ടാകുന്ന മാറ്റങ്ങള്‍ തന്നെയാണ് പലപ്പോഴും അമിതവണ്ണത്തിന് കാരണമാകുന്നത്. അമിതവണ്ണം രോഗപ്രതിരോധ ശേഷി കുറയ്ക്കുകയും അമുബാധയ്‌ക്കെതിരെ പ്രവര്‍ത്തിയ്ക്കുന്ന കോശങ്ങളുടെ പ്രവര്‍ത്തന ക്ഷമത നശിപ്പിക്കുകയും ചെയ്യും.